تم التثبيت بواسطة*ليلى ام سارة*
بتاريخ
2/6/2019
moussaka ، ظƒط±طھط§ظ† على ط§ظ„ط·ط±ظٹظ‚ط© ط§ظ„ظٹظˆظ†ط§ظ†ظٹط©
المقادير :
(بنسبة للكمية عينكم ميزانكم ، هكدا عملت مع أنه الوصفة عندها مقادير محدودة و لكن مشي مشكل الواحد يزيد أو ينقص حسب رغبة ديلو )
دنجال ، بطاطا ، كفتة ، بصلة ، ثوم ، ربيع ، طماطم ، موزاريلا ، فرماج محكوك ، ملح ، إبزار ، زيت زيتون ، قرفة ، زيت نباتي للقلي
بنسبة للبيشاميل : بنسبة لنصف لتر من الحليب ، 50 غ زبدة ، 50 غ فورص ، قبسة ملح ،شوية إبزار
أول حاجة نقطعو الدنجال إلى شرائح على الطول أو العرض مشي مشكل ونرشو عليهم الملح مزيان ، خاص الملح يوصل لجميع الشرائح ، نديرهم فشي كسكاس أو شي شبكةو نغطي بشي طبسيل ونتقل بشي حاجة عليهم بش يخرجوا داك السائل ، العملية كتاخد حتى لساعة وكل ما خرج السائل يكون أحسن
سائل بدا يخرج
نحضرو البشاميل ، في مقلة ندوبو الزبدة ونزيدو عليها الفرينة المغربلة بشوية بشوية مع تحريك المستمر لبضع دقائق ، نحيدو الخليط من فوق العافية ونضيفو الحليب الدافئ ونحركو مزيان بمعلقة خشبية ونرجعوه فوق النار مهيلة حتى تقال البشاميل ومنسوش الملح والابزار ، هاد البشاميل بنسبة لهد الوصفة غادي نحتاجوها شوية تقيلة يعني إلا شفتوها جارية شوية زيدوها شوية فورص ومني نسليو نخلوهة على جانب تبرد على راحتها ونمشيو نكملو باقي التحضيرات
دبا غادي نسخنو الزيت ونبداو نقليو في شرائح البطاطا ونحطوهم يتسقطرو من الزيت الزائد فوق الورق الخاص لهد العمليات ، ممكن بنسبة ليخافوا من القلي ادهنوا البطاطا بشوية زيت زيتون ويديروها في الفرن أو ممكن تسلق في ماء مملح سخن جداً لمدة 5 دقائق وتسقطر عاد تقلا بهاد العملية تاخد زيت أقل .
بنسبة للدنجال ، من بعد متخلص من داك السائل المر غادي نشلوه تحت الماء ونشفوه مزيان يا بالورق يا بشي سربيتة نقية ، وغادي نقلوه ونحطوه على جنب ، بنسبة ليا ستعملت جوج دنجلات كبار ونفس المسألة كيف البطاطا لميبغش القلي يسبق ليه الطياب في الفرن
دبا عندنا تحضير الكفتة ، نسخنو مقلة نديرو فيها الزيت نزيدو عليها البصلة محكوكة وثوم وربيع لتسريع العملية طحنت كلشي في مرة وحدة ، نتسنو حتى طيح البصلة شوية ونضيفو الكفتة ونبقاو نحركو حتى تشحر مزيان مع المقادير ومنسوش الملح والبزار وشوية القرفة كتولم بزاف مع الكفتة كتهرس ديك الزنخة ديالها ، من بعد نضيفو طماطم مطحونة جوج كبار تقريباً ، أو طماطم الجاهزة المعلبة ونستمر في طبخ المكونات على نار متوسطة حتى ينضج الكل وينسجم ، إلا بغيتو نتيجة أحسن العافية خاص تكون ناقصة بزاف بزاف وكتوصل المدة حتى ساعة هكدا تيكون مدق أخر حيت المكونات كيتشربو من بعديتهم على خاطرهم
دبا وجدنا كلش ، بقة لينا غي الموزاريلا نقطعها طريفات صغار والفرماج ، نخدو المول ديال الزجاج أو الموجود ، هدا حتى هو تشرى بسبب الدورة ههههه ، المهم غادي ندهنو بطبقة خفيفة من البشاميل ، من بعد نعملو كل البطاطا لعندنا ، رشة فرماج وشوية موزاريلا ، من بعد نصف كمية الدنجال نزيدو عليها كدلك رشة فرماج وموزاريلا نتابعوهة نصف كمية الكفتة ، فرماج …ما تبقى من الدنجال ورشة فرماج كدلك وطبقة ما قبل الأخيرة ما تبقى من الكفتة وأخر طبقة هي ديال البشاميل ومن الفوق كمية معقولة من الفرماج
إلى الفرن السخن مسبقاً 180 درجة من 40 إلى 45
مني تخرج نخلوهة ترتاح شوية وتبرد بش تجمع راسها عاد نقطعوهة وكل ما بقات كل ما كتزيد تبنان وتشرب
هادي يلاه خارجة من فرن ومرتاحة شوية
وهادي بقات حتى الغد في الثلاجة ، سخنتها شوية في فران ويمي يمي ، أحسن ياكو؟ ههه
أي سؤال مرحبا ، ومتنسوناش من دعوات الخير ولكم بالمتل إن شاء الله
السلام عليكم ورحمة الله وبركاته
اللهم أدمها نعمة وبارك لنا فيها وحفظها من الزوال
moussaka K ;vjhk ugn hg’vdrm hgd,khkdm
تبارك الله عليك لالة وفاء شهيوة معتبرة ومغذية الله يعطيك الصحة
تم التثبيت
ملحوظة
حاولي تعتمدي لون واحد في الكتابة ديال المقادير والطريقة حينت كنلقى صعوبة فتنسيق مواضيعك مللي كنبغي نضيفهم بموقع التحرير
فضلا حاولي تتكملي الكتابة ديالك عاد بدلي ليها اللون وحجم الكتابة وأيضا التوسيط
تقبلي مروري الفنون
يجب أن تضع للبعض سمعات قبل إعطائها إلى وفية أم عمارة مرة أخرى.
Read more: https://www.anaqamaghribia.com/vb/sho…#ixzz2V4FMoCLF
