salamo 3likoum albanat 3afakoum li kat3raf chi mentouj tayeda3af hna f italia te9ouli semiyeto rani geladit bzaf yemekan dakchi li makhalaniche nehmal blakhas lkarche makhalit madert liha ana hadi 3ame o nes wana 9ate3a pelola.fidouni 3afakoum
mousa3ada
أختي بغيتي تضعافي؟ تاواحد مايكدب عليك ويقولك منتوج كايضعف
جميع المنتوجات لي كايسوقولها هي عبارة عن فيتامينات او احيانا خلطات للأعشاب ونادرا كاتكون مواد كميائية عقباها لا تحمد أبدا شوفي فيديويات ديال ناس كانو كاياخدو كينات باش يضعافو شنو راهم دابا كايداويو ولي مات ماااات مسكين
أختي حيدي من بالك الدوا
وهنا ف إيطاليا عمرك شفتي شي وحده كتاخد الدوا باش تضعاف؟
كلشي كايجري ويركبو بيكالات ويتمشاو ماكاين غي الرياضه ثم الرياضة والرجيم
ايلا حشمتي تخرجي تجري وماعندك كيديري تمشي لاصال
كولي لمفور والصوبه ونقسي الكميه ديال الاكل
وبعدي على المعلبات وليدامات
فطري بكاس ديال لحليب ولا اتاي ومعاه خبيز ديال الشعير ولا نخاله المهم لي سريع الهضم وزويته بلديه
او يري حريشه بالزيت البلديه بلا زبده
بعدي الفرماج وكوكا والكاطو …
الغذا فوري الخضر او معاهم صدر ديال الجاج او بيبي وديري شليضه بالحامض والزيت البلديه مخلطه
ونقصي الملح مافيه ربح غي كاينفخ
ومع ديك 6 كولي شي حاجه خفيفه شليظه وخبز قاسح طوست وزنقليها ما
ايلا جاك الجوع كولي مطيشه او خيارة
وصبري على الجوع وتشوفي شهراين كي غادي تولي غادي تخفافي
والماء شربي تاتزواي غي شربي لماء راه مخير انا ماكانشربوش والو وصلت تا حيدت المراره بالجفاف لي قاسني
المهم نرجعو للموضوع الأهم
تاوااااحد مايكدب عليك ويقولك غليظه ماقدرتيش تحملي
ماااكاااينااااش هاد الهظره
هادي شحال لعيالات فيها طووون وكاتولد 12
دايره كيافكوره
شوفي الكينه راها كاتلعب فالهرمونات وكاتشد
انا شربتها فالاول ديال زواجي تزوجت ف 2024 ولدت 2024
مع العلم ان فاش داز عام بغيت نحمل واااالو
الطبيب قالي الكينه لي درتي قاسحه نسيت على سميتها وكان نقولك سميتها باش ماتشوفيش فيها مره اخرى
المهم تمشاي بزاف ديري الدراجه الهوائيه
فالدار تكوني بوحدك ديري حركات واظبي عليها
شطحي بطريقه تيح لكلشي يتحرك غي بوحدك كل نهار ديري غي عشرين دقيقه
والله تاتحسي بفرق كبير
انا وصلت تا ل 95 كغ و فيا متر و اثنان وسبعون و رجعت 70 كغ
عاد كانغش فالغدا كاناكل غي لعشا لي قلبت عله والفطور كناكل عندي هو الوجبه الرئيسيه
بالنسبه للحمل بعدي المنتوجات لي كانشريوها مكونجليا و المعلبه غي على ماتحملي بعدا
وحوايج خرين تانقولك عليهم بالنسبه للحمل
بقاي فطري بالبسكوت القاصح عوضيه بلاصة الخبز و لينصحك بيه الشاي الاخضر ليبتون زوين بقاي شربيه مور الغدا مع طريف الحامض .
اول حاجة الدعااااااء الصااادق من بعد الصلاة وتلاوة القرآن وفالسجود
دعي وناجي الله سبحانه
ثاني اهم حاجة الاستغفااار
استغفري فكل وقت وسبحي
وانتي جاله وانتي كاتخدمي
الاستغفار مززززيان بزااف
غي فنفسك ايلا كانو الناس قولي استغفر الله واتوب اليه وكرريها تا تعياي
اية الكرسي وديما قولي ربي لاتذرني فردا وأنت خير الوارثين فكل وقت وفالسجود
هادي أعظم حاجة ديريها
نجيو للأسباب " سبب يا عبدي وانا نعينك" قالوها ناس زمان
ماتوضايش بالماء البارد ابدا
فاش ديري الرياضة ركزي على حركات البطن
بلا ماتستعملي الحساب فالاباضة من اول يوم تمشي الدورة جربي حظك وديما قبل خودي دوش ساخن
من بعد العمليه بقاي مستلقية على السرير اطول مدة ممكنه وديري وساده عالية مور الخصر ديالك من التحت باش ماتخرج تاحاجه وتعاوني حصول الحمل
التمر معمر بحبة البركة مع العسل ليك ولزوجك يوميا صباح مساء وحدة وحدة للواحد وقولو ربي لا تذرني فردا وانت خير الوارثين
حاولي تنقسي من المبردات شاي سخون شوربة صوبة صبري واحد الفترة وداومي دابا راه جاي البرد غادي تقدري ان شاء الله
وراجلك ديما الكاوكاو واللوز وحليبا سخونه و كاش شاي مع العسل وتاهو يبعد داك المعلبات راها كادير نقص فالحيوانات المنوية اعزكم الله غي منين بدات هاد النهضه الغذائيه الله يستر الوليدات ولاو كايجيو معلولين
الانسان ياخد بالسباب ويكثر من الدعاء " لا يرد القدر الا الدعاء"
ااه اويااااك وتبقاي تبودري على راسك وماتابسيش مزيااان دفي راسك ولبسي لتحت مزيان وديما واضبي على هاد الشيئ على كريشتك ديري شي شال سخون ودوريه … انا فالاول السميقري ديال البرد وعاجبني راسي كنلبس داك الشي خفيف رجليا بحال لحديد باردين كانقيس راجلي كايتخلع كايقولي واش شاداك لموت؟ ههههه
ومن صغري ونا هاكاك وبقيت واخا تزوجت كلشي كاينصحني ونا كانقول غي التخربيق
تاوقفت على هضرتهم وعاد وليت نطبق هاد السي ومن بعد عامين ديال هاد النصائح لي راني نقولك عاد ربي جاب التسير
ايوا هادي الأسباب
نجيو للعلم ههه خليناه هو التالي
سيري عند الطبيب ديري كنترول عادي انتي وراجلك ربما يكون شي هرمون ناقص ليك ولا لراجلك لاش يعطيوكم دواء للمساعده راه دغيا يدير المفعول ان شاء الله
ان شاء الله ديري اليقين فالله وتخاويها بإذن الله
صافي هاد الشهر وللا الشهر الجاي غادي تقولينا راني حاملة بإذن الله