mouchkil kbir 3awnouni

assalam 3aykoum,,3andi bnita 3andha 5 ans ou wliyad 3andou 3 ans.dima kayla3bou bjouj wbdit nlahad anou waldi wla yabri yal3ab blou3ab dial labnat,kanlkah kaylbas snadal dialha,aw snadli,kaydir sak wyatmacha bhal lbnat,rja3t kandarbou wnrawat 3lih wngoulou wach nta bnita hta rja3 ygouli whouwa yadhak ana bnita,3afakoum goulouli ach moumkin ndir,jarabt ndakhlou l tikwandou wmabrach,wlah ila hart m3ah

---

mouchkil kbir 3awnouni

حبيبة ربي معاك ماعندك مناش تخافي راه صغير وبلا عقل ،نتمنى الاخوات يعاونوك ويفيدوك بتجاربهم

ختي الله يحفضهم ليك ولكن لاش كتضربيه،هو مسيكين ماتر بخته لانه كيلعب معاها فعادي يتصرف بحالها،راه الدكتور مصطفى ابو سعد كيقول باللي الاباء المتسلطين هما اللي كيعنفو ولادهم لانهم بغاوهم يفكرو بعقلية الكبار ماشي بعقليتهم هما،الغلط اختي منك انت اللي مارديتي ليه البال فالاول حتى تأثر بختو فانت المسؤولة،حاولي تجيبي ليه وليدات مربيين يلعبو معاه وحضيهم وغيرجع عادي،وخلي باباه يحتك بيه اكتر ويلعب معاه

السلام عليكم ورحمة الله وبركاته ان شاء الله غادي يتبدل هادشي اللي وقع جاني عادي خصوصا ملي كيكون اغلبية ديال الوقت غير معا ختو مكاينش علاش ضربيه ولا تغوتي عليه من الاحسن تشوفي شي دراري ف السن ديالو باش يلعب معاهوم .الله يوفقك اختي

allah yarham likoum lwalidin, randir bnasihtkoum wlah yj3alha fmizan hassanatkoum

السلام عليكم ورحمة الله وبركاته

لغتنا هي لغة القرآن، نعتز ونفتخر بأبجديتنا
كتابة العربية بالأحرف اللاتينية تشوه جمالية المواضيع، وتفقد منتدانا هويته العربية عموما والمغربية خصوصا

لا تملكين العربية وتريدين التخلص من اللوحة؟ تفضلي من هنا..
https://www.anaqamaghribia.com/vb/sho…9246&highlight

أو هنا :
https://www.google.com/intl/ar/inputtools/cloud/try/
https://www.leclavier.com/arabe/
https://www.yamli.com/clavier-arabe/
https://www.lexilogos.com/clavier/araby.htm
https://www.arabic-keyboard.org/clavier-arabe/
https://www.anaqamaghribia.com/arabic

دليل الأعضاء :
https://www.anaqamaghribia.com/vb/sho…d.php?t=294105