Makan3rafch nalbas chno ndir

Salam akhawat ana kandir l7ijab o kanlbas 3adi o dak tansi9 dyal alwan malit mano ya3ni kanchof labs dyal lkhalijiyat o torkiyat wakha makaynas9och l alwan o kaylabso lamwarad kayji 3lihom waaaaa3r ta tari9a dyal l7ijab kaybad3o fih bzaf mohim bghit nalbas hakak o ta9riban badalt ga3 lkaswa dyali 3amart lmaryo walakin man3rafch nalbasha kata3jbni f lhanot lakin mli nachriha o nalbasha mana9tan3ch biha o lmochkil ana f lghorba o makaynach kaswa duyal hijab nchofha kamla o ta3jabni o nachriha o hakak kamla khas darori nachri kol haja bo7adha bghit t3awnoni dgololi kifach nat3alam o khososan fiya tbi3a ila dkholt 7anot njib 2 swaya3 n9alab o f lakhar may3jabni walo ldaraja walit nachri bla myt3jabni 100% o mli nkamal chi kaswa o nalbasha mat3jabnich ma3a l3ilm ana f labs ta9lidi kana3raf o kont nakhdam m3a wahad lkhiyata o kont ta ana kankhayat o dima hwayji ta9lidiyin kaynalo i3ajab ga3 nas lhamdolah o daba mli tzawajt makankhdamch o min kanbghi nachri chi haja mkhayta makanl9ach ta haja makata3jabni siwa ila dfa3tha tkhayat o rsamtha rasi o khtarit l alwan rasi ya3ni daw9 dyali s3ib bzaaf 9liiil fin ta3jabni chi haja sirto hnya f lghorba min makayanch ikhtirat dyal lkaswa dyal lhijab bazaf ya3ni khasak takhtari srwal wa jipa o dabri b jiha okhra chno iji m3aha hna fin nal9a so3oba o bhad lmonasaba bghit nsawal lmoghtaribat li f barcelona li ta3raf chi so9 kaybi3o fih hwayaj lamgharba o la3rab iwariwahli hit b9it hayra kifach f belgik o fransa kayan o hnaya 3yit n9alab walo

Makan3rafch nalbas chno ndir makan3rafch