lisbak liha tzawjat turki tsa3dni lah ikhalikom

salam lbnat ana bagha nchkarkom bzaf 3la lmosa3adat likat9admo lina ,n3arfkom b3da brasi ana man agadir ojdida fhad lmondada lah ikhalikom li sba9 liha tzawjat bturki tsa3dni ana sba9li 9rit 3la zawaj lmokhtalit fhad lmontada oban li hadchi s3ib chwia , galtha lkhatibi gali ila briti ntzawjo fturkia walakin ana brit ikon 3andi 3a9d mghribi, howa 3aych flondon o3ando jinsia omamzawaj oradi iji chhar 7, bach ndiro l3a9d radi imchi lturkia man tama iji lmaghrib, librit nswal 3lih howa wach imkan lia nsta9blo 3andna fdarna yak hadchi maradich i3malia mochkila mnin raysawlona 3and lbolis ochno homa ga3 les questions likay3tiw likom osamho lia ila tawalt 3likom lah ijazikom bikhir jawboni

---

lisbak liha tzawjat turki tsa3dni lah ikhalikom

الله يوفقك اختي لما فيه الخير وخطيبك الا عندو الجنسية غدي يدخل ما غديش الق صعوبة ولبغيت نقول ليك اختي الزواج ي المغرب بهدلة للهلا اوريك اشكيدوز على البنات مساكن ولكن تركيا سمعت البنات قالو بان فيها الزواج مدني وهنا في المغرب مكيعترفوش بيه هدا هو المشكل وغتلقي اختي موشكل ملي غديري تديل للعقد ديالك لانو ضروري التديل واحسن شي الا لقيتي صعوبة هنا في المغرب بش تزوجي طلعي لمصر ولا ديري الزواج يالتوكيل عند شي محامي وان شاء الله غيدخل البنات لعندهم التجارب وغيسعدوك

merci bzaf alhbiba 3la ljawab dialk, olah ila ana tkhla3t man daba ma3raftch ach ndir ana galt nhawal ntzawaj flmaghrib ila jab lah l9it chi so3oba dik sa3a nchof tawkil, ana lmochkil li brit n3raf wach ranl9a mochkil ila sta9balt lkhatib diali fdarna 3and ahli ola la wach khasni nsift lih invitation ma3a l3ilm ano raymchi turkia ichof ahlo 3adi iji lmaghrib, kantmana idakhlo bnat isa3doni ochokran bzaf ahbiba mra khra 3la ljawab dialk

شوفي الزين يمشي باباك ولا واحد من عائلتك يقول ليهم راه غدي يجي عندي واحد سيد على حساب غدي يتزوج ببنتي حيت الا ماقلتوش ليهم حيت توصلي فاجراءات البوليس غدي يسولوه فين كالس ولكن الا كنت مدكرارين غدي يعطوكم واحد الورقة بتساعدك حتى الا كنتي كدور نتي وياه فالاكوط انا هكدا درت مسالة مصعيبة عادي ولكنتي كتعرفي شى واحد خدام فالبوليس غدي يساعدك فهدا المسالة .

شوفي اختي ماكاين لاش تخلعي كما قالت ليك الاخت دكلاري عند البوليس بانه جاي عندكم لانه غدي يسولوك فلانكيط واش دكلارتي وبالنسبة ليه هو خصو يجمع وراقوا كاملين عاد يجي للمغرب باش مايبقى يمشي ويرجع الله يكمل بالخير

شوفي احبيبة ديالي الا خطبك عندو جنسية بريطانيا ما يحتاج هدشي كل ما غيلق حتى صعوبة الا غيدخل المغرب ما يحتاج تسيفتبليه حتى حجة من المغرب غيدخل عادي ويجب معه وريقاتو كاملين نت تقول ليه اشغيجب معه وملي اجي ان شاء الله راه لابد من البحت ديال البوليس الا غديري العقد هنا في المغرب غي هو صعيب طلع اهبط حتى الدوخي كيكرفس بندم علة ولو الله ايهديهم الا بان ليك هنا صعيب ديري العقد شوفي مصر حسن راه اسهل ما يكون وملي يوصلك العقد ديري ليه التديل الى قدرتي تمشي لمصر انت وياه وشي حد من العائلة ديالك او ديري التوكيل لشي محامي وهني راسك الله يوفقك اختي راه كلنا كنعنو بحالك الله يشوف من حالنا وصافي

salam alhbiba merci bzaf 3la rad dialk lmochkila hia anani makan3raf hta had flbolis bnasba ldeclaration wach ntsna hta idkhal lmaghrib 3ad nmchi m3ah ondiroha wla ana ndirha 9bal ila radi tkon 3andimachakil fhadchi rangolih yakhod hotel ola ikri chidar hta ndiro l3a9d

khti azhar_86 ila dart tawkil wach ranl9a so3oba ftadyil dialo flmghrib ochhal dial lwa9t radi italab lina bach ikharj l3a9d ochhal takalif dialo ochno homa lwatayi9 liranhtajo ana wiyah, wach kat3arfi chimohami fmisr 3tini téléphone dialo ola email dialo ? lah ikhalik jawbini osamhi lia bzaf 3la had iz3aj

merci 3la nasiha dialk alhbiba kanchkar ga3 lbnat lijawboni, lah ikhalik goli lia fach radi isawloni chno homa lasila li momkin itarho 3lia bach nit nwjad rasi hhhh merci bzaf mra khra osamho lia tawalt 3likom bktart asyila

لا احبيببة مغتلقي حتى موشكل البنات دارو التديل وداز كلشي بخير وعلى خير غي ميكونش خطيبك مزوج يعني عند زوجة اخرى بش متلقي موشكل ف التديل حيت كيطلبو الموافقة ديال الزوجة الاولى بالنسبة للمحامي انا درت ايمن الضبع راه انسان معروف وموثوق منو سيري دخلي ل مؤسسة ايمن الضبع للاستشارات القانونية والتحكيم الدولي دخلي لكوكل وكتبها وخيخرج ليك كلشي والله ايوفقك اختي غتلقي المعلومات والتلفون ديالو واميل ديالو كلشي تما