02.01.2019
مرحبا باحبتي في الله معا هاد الوصفة الساهلة .نتمنى من الله تعجبكوم .يقدر الكل كيعرف ليها ولكن سمحولي نشارككوم تجربتي.
على بركة الله المقادير بسيييييييييييطة وقليييييييلة:
100 غرام الدقيق+4بيضات+ڤاني+مليحة+120 غرام سنيدة.
والطريقة : كنطربو ابيض البيض معا مليحة حتي كيولي بحال الثلج.وملي كنهزوه بالطراب مكيطيحش كما واضح في الصورة (مدة التطراب 10 دقائق او اقل)
وفي اناء آخر كنطربو اصفر البيض معا السكر وعاد كنزيدوه للخليط الاول لي هو بياض البيض لي ولى بحال الثلج ونخلطو بسپاتيل ماشي بسرعة ونضيف الدقيق وحنا كنخلطو في نفس الاتجاه.
في الاخير كنديرو العجين في الجيب الحلواني ونديرو به شكل البودوار فوق ورق المطبخ راه ملي كيدخل للفرن كيتنفخ يعني بلا متغلضوهش.
انا هنا درت وحدين عاديين والاخرين رشيت عليهوم القرفة وممكن ديرو ليهوم عوض القرفة سنيدة.
ملاحظة: ايلا رديتو البال انا مدرتش ورق المطبخ لانو مبقاش ليا ودرت ورق الطباعة الابيض ودهنتو بالزيت (الحاجة أم الاختراع ههههههههه) راه حتي هو زوين غير ملي تخرجو ليبودوار من الفرن خاص تزولوهوم من فوق الورق قبل مايبردو.
وفي الاخير نتمنى منكوم شي دعوة الخير ولكن بالمثل أخواتي.
Les boudoires gdf,],hy lk d]d fhgjtwdg hgllg les
ممممم الله يعطيك الصحة الفنون
تم التقييم
المشاركة الأصلية كتبت بواسطة OM ADNAN 
هههههههه صافي ايلا جربتيها عممممممممممممرك ماتشريه .غير هو كيخسك تحيديه من الحلوى قبل ماتبرد.وشكرا على مرورك.
المشاركة الأصلية كتبت بواسطة بناتي سرحياتي بارك الله فيك اختي خوديهوم كولهوم بصاحتك وربي يخليك على اطلالتك
المشاركة الأصلية كتبت بواسطة *ابتهال* ممممم الله يعطيك الصحة الفنون
وعليكم السلام ورحمة الله وبركاته.نورتيني يا الفنون الله يبارك .
المشاركة الأصلية كتبت بواسطة أم الأمين تم التقييم
الله يبارك فيك اختي وشكرا على تقييمك واعجابك نورتيني