ana yallah wladt hadi chahrayen wkane 3andi lahlib wgalt bla mane3ti lbenti lahlib isstina3i wkoulchi kaynasshouni bla mane3tih liha walakine hadi simana bda kayenkess lahlib ma3raftche 3lache ila kan moumkine tssa3douni watgoulou lia chi haja nakoulha bache yakter 3andi wachokran
jawbouni allah ya3tikoum ma nwitou fi khaterkoum ya rrab
السلام عليكم ورحمة الله تعالى وبركاته
اختي انا ما عندي خبرة في هاذ الشيء و لكن من خلال تجربة اختي كانت ولدات عندنا و هي فيها قليل الحليب كان ماما تتجيب لها ورق الدالية و تغسلوا مزيان و ترقدوا في الماء و تشربوا
و الى عرفت شي حاجة اخرى نرجع نقولها لك ان شاء الله
[/align]
كولي *السردين * بزاف..وخصوصا المشوي…وغتلاحظي الفرق
تبارك الله بنتي رضعتها 19 أشهر..و الحليب بكثرة.
راه تاتعمل منه محاشي
[/align]
ثانيا الله يحفظ لك البنيتة يارب , انا الحمد لله عندي تجربة وخاصك تكثري من السوائل بكثرة خصوصا الحليب واللبن وكلي الحمص راه مزيان تيدير الحليب وشربي العصائر بجميع انواعها وبعدي من المشروبات الغازية راها تدير الوجع للتربية هي والحار , وكلي حلوى لاكريم راه حتى هي مزيان وكنصحك وياك تعطيها الرضاعة غير حاولي معها باش ما كان حتى توصل ل 4 اشهر ودخلي ليها بعض الاكلات اللي تعاونها وسيريلاك .
والله يوفقك ويخلي لك البنوتة اشنو سميتيها ؟
شكرا لكن scooby safinat mae مارمار محبة رسول الله بالنسبة لكتابة بالفرنسية فانا لست الوحيدة اللتي تكتب بها على ايت حال ساكتب بالعربي رغم انني اضل ابحت في مفتاح العربية لانه ليس عندي عربي على جهازي
المشاركة الأصلية كتبت بواسطة folla.m 
السلام عليكم ورحمة الله وبركاته
أول شيء أختي فلة مبروك الزيادة، تربى فحضنك إن شاء الله، الله يهديها لك ويفرحك بيها…
ثاني شيء: أنا آختي ولدي دابا عندو سنة وشوية، ونعقل مزيان أنه ملي يالله ولدت كانوا الثديين ديالي عااامرين بالحليب وثقال وكيوجعوا، ياك؟ ونعقل مزيان مزيان أنه ملي قرب ولدي يدير شهرين خفافو لي الثديين ورطابو بزاف ورجعو لحجمهم الطبيعي وما بقاوش منفوخين وكبار كيف ملي يالله ولدت!! إيوا حتى أنا تخلعت وقلت مع راسي مالي مشى لي الحليب ومالو قلال؟؟ ولكن الحمد لله سولت الممرضة ديالي والأخصائية فالتغذية وطمناتني، قالت لي أن جسم المرأة كيولي عارف كمية الحليب لي لازمة لولدك وما كيبقاش يفرز الحليب إلا لما يكون الولد كيرضع، وقالت لي أنه في هاد المرحلة ديال شهرين كذلك التربية كيولي يبكي بزاف وأنت كتزيدي يحساب لك أنه الحليب ما بقاش كافيه، والحقيقة أنه كيمر فهاد العمر بما يسمى une poussée de croissance وكيحتاج معاها يرضع أكثر، وكتدوم هاد la poussée de croissance سبعة أيام على الأكثر
إذن آختي غير اطمئني وتغذاي مزيان، وفعلا السردين مشوي كيدر الحليب، إضافة إلى أنه مفيد جدا للدماغ ديال بنتك لأنه غني بالأوميكا 3
أخيرا آختي ما تعطيش لبنتك حتى شي ماكلة إلا حليبك حتال تقريبا سن ستة أشهر، حليبك كافي والحمد لله وكوني هانية، كنقول لك عن تجربة آخر ما توصلو ليه خبراء التغذية
انتبهي لأن حبوب منع الحمل كتوقف إفراز الحليب، إلا نوع معين إلا بغيتيه سولي عليه الطبيبة ديالك
كنتمنى نكون أفدتك، الله يوفقك