istichra 3ajila allah yjazikom blkhir

salm 3alaikom,ana 7amla f osbou3 7 9etlatni lme3da oredda katla3 blma tkhrouj ozaydni limssak,3afakom ilama t3at9oni wllahila rani ma77na hamdlillah allah ysma7 liya

السلام عليكم الله يشافيك اختي حتى انا عندي نفس الاعراض تمحنت ولكن مكين منديرو اي طبيبة مشيت عندها كتقوليا غي صبري انا راه كنبقى رد حتى ونطيح اللرد وطبيبة لي مشيت عندها ول بارح قالتلي كولي الزنجبير طري كيساعد على عدم التقيء والغتيان غي صبري

hbiba lah ychafik 7ata ana 7assa bik ana akhti lma3da bdat kata9al 3lya w ana daba f chhar 5 w kon 3rafti jayr aw kifa katssamiwah hadak l7or9a likatla3 m3a lma3da rah 9talni w bdani malawal dyal 7aml w tbiba katgoli ghir sabri ma3andak madiri w zadni malli kayab9a yat7arak bébé kaydaghdaghni 7achakom lta7t w katjini lbola w kanab9a sakna f toilette hhhh
yarabbi tfaraj 3lina w safi w kif magatlik okht rah zanjabil tri kayssa3ad 3la 3adam raddan
w lah ychafik ahbiba

salam 3alaikom chokran hbibati allah yfek w7aylna 3la khir o allah ykemel blkhir,bessa7 ma3ana mandiro allah ysabarna

khtiiiiiiii ma3lik rir bsebr koulna dzna f dakchi o 3ela 7sab tjriba dyali 3ela redan 7ouli matkli walou f seba7 ta trdi dak lmerar rah ken tandirha ou l7mdoulilah kan9lel men t9ya dyal nhar o benssba l imssak 7ouli tkouli limoun o lah ikeml 3lik blkhirrrr

tfakart banassba la raddan 7awli mali takli ay 7aja matcharbich moraha lma lma khalih 7ata thawad lmakla mazyan hadi nasi7a w mjarba rah lma 7ata howa kayrawa3 l9alb mora lmakla
w haja khra mali ba3di 3la la7wayaj likat7assi bihom kaydirolik ta9ya

chokran lahla ykhatikom

LKRWIYA JRBIHA MZYANA LM3DA LAH ICHFIK YARBI WIRHK 3ama karib

السلام عليكم أختي حتى أنا كانت عندي نفس الأعراض ما عليك أحبيبة غير بالصبر بالنسبة لردان راه الزنجبيل مزيان و لكن يكون مخفف يعني حكي منو غير شوية و ديري الماء بزا ف حيت هو سخون و كنت سمعت دكتور جميل القدسي قال حتىاأطفال كيتزادوأذكياء و زوينين و لكن كيفما قلت يكون مخفف جدا أنا شخصيا كنت كانشربو لمدة يومين و حبستو حيت قالتلي حماتي راه سخون و مع كان الحمل ديالي الأول وخفت

اترك تعليقاً إلغاء الرد