hamla walakin

salam labass 3likom mohim hadi awal mocharaka lia f plz sa3doni wfidoni ila marito bi had tajriba aw fayt likom sma3to biha mohim akher dawra jatni hia 10/09 wfi chhar li ba3do majatnich tsnit chi simana wmichit dart echographie gali lia bali raki hamla walakin makinch ljanin kain ghir hadal les sac li kaykoun fih ljianin wlahila hrt ma3raft achno ndir wach ndir kortag bach ythayad wla ntsana chhar akhor yamkan ybann plllllllzz nashomo 3ilman bi anani 3andi 19ans wyalah tjawajt wkont kanakhod fanid man3 alhaml diane35 khdito 6chhor w9ta3to daba 3mois wdaba wa9a3 had lmochkil sa3doni lahi ynawerkomm

---

hamla walakin

ختي صوفيا الله يقدم لك لفيه لخير ماعندي حتى فكرة بغيت هي ندعي معك إلى كان حمل الله يتبت ولمكنش الله يعوضك

amin ya rebii mercii hbiba

السلام عليكم
اول طلب عزيزتي حاولي تكتبي بالعربية
نصيحتي ليك تشوفي شي اختصاصي وكنظن ان الرأي الطبي احسن
والله يسر ليك امورك ويسهلها عليك ويرزقك بالدرية يارب
وانشاء الله مايكون غي الخير
وعليك بلاستغفار والقران
والله معاك

merci khtiii ana simana jaya nmchi 3and chi tbiba ikhtisasia et ma3andich clavier arab bach nkhta bi 3arbia zajaki laho khayran

الله يسمعك الف خير
ومتنسايش طمنينا والله معاك
والله يفرحك

حبيبة ماعندي حتي فكرة لمهم سيري شوفي شي مختص و ديري مرة تانية l ecografieراه تيكون الغلط , أنا ملي كنت حاملة ف الشهر السابع درت l eco و قال لي راه عندك وليد و فرحنا حيت عندي بنية الأولي , المهم بقي تيقولي هاهوا الجنس ديالو تيبان و أكد لينا ملي درت 8 شهور درت l eco لعند الطبيب لي غادي إولدني قال لي راه عندك بنية زوينة و تلفت , وملي ولدت كانت أحلي كتكوتة والحمد لله , لي بغيت نقولك شوفي طبيب و جوج قبل ماتخدي شي قرار بحال l cortageو إلي كان البيبي كاين . الله إدير لك اللي فيف الخير.

lah y3awdak oyrz9k douriya sali7a ana 3an tajribti kan ta7 l bébé ob9a sac dyalo ob9it simana omata7ch odart curdage ol7amdolah rabi 3awadni bwliyad matkoni nti yarabi

السلام عليكم و رحمة الله و بركاته

ممنوع العرنسية و الكتابة بالأحرف اللاتينية..

لا تملكين العربية وتريدين التخلص من اللوحة؟ تفضلي من هنا..

رجاءا إعادة كتابة الموضوع بالأحرف العربية

أنصحك بكتابة كل مشاركاتك و مواضيعك بالأحرف العربية، يغلق