تم التثبيت بواسطة*ليلى ام سارة*
بتاريخ
4/7/2019
اخواتي المحترمات كنتمنى تكون في احسن حال وخصوصا اننا فهاد الايام المباركة الله ادخل عليكم رمضان بالصحة والعافية والهناء والله اجعلنا من العتقاء في هدا الشهر الفضيل يارب
اخواتي سمحو ليا غبرت عليكم ولكن والله مشدني عليكم غوالمرض لانني كنت مريضة وكنت في المستشفى ولكن والحمد لله دابا هنا رجعت ليكم بفضل الله
طولت عليكم عفواااا ندوزو للوصفة
هاد الوصفة كتحمقني وكتعجب حتى الاطفال غنحتاجو مقرونية شكل لي بغيتو تقريبا ولاصوص بيشاميل كيما معروف كلشي كيعرفها غي انا ضفت ليه منكهات ربيع مقرض وشوية زعيترة وفرماج محكوك ولا بغيتو تخليوها عادية ماشي موشكيل وبالنسبة الصوص طوماط كنديرو مطيشة محكوكة +ملح+بزار+ثوم+ربيع+زيت زيتون+طون من بعد مكنصلق
المقرونية فلماء ساخن+ملح+شوية زيت كنصفيوها مزيان من لماء ثم في ايناء كنخلطو المقرونية مع لصوص طوماط+بيشاميل وكنخدو لمول لي غيدخل للفرن نصب فه نصف اكمية ثم نرش فرماخ محكوك مزيان ثم نصب الكمية ليبقات ونرش ثاني مرة فرماج وفي الاخر ندير موتزريلا باش تجي معلكة وندخلها فران حتى طيب صدقوني كتجي فالنة وبنيييييييييينة وخصوصا بالنكهة ديال زعيترة فالفرماج كنتمنى تعجبكم دعواتكم لي بالشفاء بارك الله فيم احبكن في الله جميعاااااااااااا
gratin au macaroni fromage lk hg` lhd;,,,k fkdk ,shig fhgw,v ;,.kjd hglj,hqum
السلام عليكم ورحمة الله وبركاته
على سلامتك اختي
والحمد لله انك بخير وهدا فضل ربي
الحمد لله اختي ربي يخليك
وشكرا لك والله ادخل عليك رمضان بالصحة والسلامة وبصحة جيدة ومغفرة الدنوب وكسب الاجور
وعواشرك مبروكة
المشاركة الأصلية كتبت بواسطة *ام ءالاء* 
لهلا اخطيك احسناء شكرااااااااااا بزاااااااااف
تم التثبيت+التقييم
المشاركة الأصلية كتبت بواسطة *ليلى أم سارة* تم التثبيت+التقييم
بارك الله فيك اختي