عتقوني بنتي عندها عامين وشعرها خفيف وخشن اش نديرها واشمن زيت لي مزيانة واش نخلط ليها مجموعة من زيوت والا لا وفقاش خصني ندهن ليها واش يوميا عفاكم الله ينوركم بغيت شي نظام باش نعتني لبنتي بشعرها وزيت الجوجوبا واش مزيانة؟؟؟؟الله ينور كل وحدة عتقاتني
dkhlo darori
انا تنصحك يا اما بزيت الزيتون او اركان كااع هي الأحسن .. اما بالنسبة لزيت الجوجوبا سمحي ليا أختي معمري سمعت بيها .. اناتندهن شعري ملي غادي نعس: تندهن ايديا بشوية ديال اركان و تندير مساج خفيف لشعري و راسي فنفس الوقت .. بحال ايلا تدلكي بصباع ايديك بحركات دائريةو لكن غي بشوية و من بعد تنمشط شعري من الفروة تال الأطراف بشوية تنمشطو كامل و تنطلقو ملي غادي نعس باش يرتاح حيت النهار كامل و انا جامعاه تنتمني اني افدتك و الله احفظ ليك بنتك ، تحياتي
سلام أختي.أنا شريت زيت جوجوبا من مول مكياج ب 30dh.منين نسالي دوش كندهن شعري بيه .مهم حاولي بنتك تستعملي ليها مواد طبيعية 100 في 100.
سلام عليكم شوفي اختي يلا قديتي تقرعي ليها بالزليت و تبقاي ديري ليها زعفران الحر مطلوق في شوية دالما ورد دهني لها الراس كامل
زيت السالمية زيت القمح زيت الخزامة زيت الخروع زيت جوجوبا زيت الزنجلان داومي الدهين بيهم من جهة اخرى غتخدي الريحان و العرعار و السدر و الصبار هدشي كلو من عند العطار غطحنيهم مزيان قبل ما تغسل ديري القدر ديال الما اللي يكفي شعرها غلي فيه بصلة حمرا مقطعة علي 4 مع 2 ثومة حمرا خودي الما و زيدي عليه اللي يكفي شعرها من دكشي اللي طحنتي بحال الحنا و ديري ليها بوني 30 دقيقة و انشاء الله يكون خير
ااااااااااااااااااااااااختي راه اسمعت جابر القحطاني قاليك ممنوع اي خلطات في هاد السن حتى انا كنتسنى غير امتى نبدا الوصفات لبتي وهي قد بنتك
سولي واش الزيوت وحدها مادير ليها والو
حتى انا عندي نفس لمشكل ولكن بنتي صغر من بنتك قرعت ليها وتهنيت ديري لبنتك زيت لكوك هدا احسن زيت اختي لشعر
الثومة مفرشخة بقشورها ديريها فقرعة زيت لخروع و خليه يطلق 5 أيام و بداي تشقي لها رويسها و نصييييحة صلعي ليها ما حدها باقا صغيرة و داوي لها راني فاش كنت قدها كنت قرررعة و بقات عليا جداتي بالزيزوار و الحرمل و لحديدة لحمراء.. حتى لحمد لله