السلام عليكم وعيدكم مبروك تعيدوو وتعاودو ان شاء الله بالصحة والهنا ومغفرة الذنوب ان شاء الله كل عام وانتم الى الله اقرب حليت هاد الصفحة باش كل وحدة تحكيلينا كدازلهم النهار الاول ديال ط§ظ„ط¹ظٹط¯ واشنو المغامرات لتلاقاتهم هه واشنو درتي ملي فقتي حتى الدابا واش مسموح الذبح في المديبنة لي نتي فيها او المدينة قريبة ليك bzw واش قدرتو الدبحو فوقاش جاتكم الدبيحة لدار قدرتي تشوي الكبدة فدارك او ما قدرتيش دوارة او الكرشة جبتيها ولا رميتيها ……………. نتمنى تعجبكم الفكرة وهاد الشي غي باش نفوجو شوية على راسنا وصافي اما الغربية كضل غربة حتى حاجة ماتقدري ديريها على خاطرك اي حاجة تبغي ديريها تخافي لتكون ممنوع
Der Opferfest in Deutschland hgud] hghqpn td hglhkdh der deutschland opferfest
انا لي غادي نبدى لولا ^^ مع 7 صباح مشينا المسجد (مسجد الرحمن بMagdeburg) صلينا صلاة العيد من بعد الرجال مشاو يدبحو مع ديك 9 وحنا نسا جلسنا دربا اتاي و قاطو العيد وشخنا ولعبنا ومن بعد مع 11 كلشي مشا لدارو وانا وماما حصلنا فجامع كانت الشتا قوية وحنا لابسين جلالب صيفية ورجال لعندهم لواطا كانو مشاو لمدينة تبعد ب 70 كم عن مدينتنا وهي هاديك مشينا فديك شتيوا والالمان كيشوفو فينا جاتهم عجب خارجين بديك الكسوة ف شتا هه المهم من بعيد بعيد عليكم صاحبتي مرضات وضطريت نمشي مدخلها اللوبيطال يعني بقية النهار ديال العيد كملتو فالمستعجلات المهم مع ديك 5 دلعشيا سالاو الرجال من الذبيحة للاسف الاب نتاعي كان خدام ماعيدش معانا ومشا غي الاخ ديالي لي ذبح لينا وذبيحة ماجات حتى 5 من ماما صايبت الدوارا او الكرشة وانا صايبت بولفاف ودرنا الفاخر في البالكون وجلسنا نشويو والقلب كيدرب وكنقولو دابا البوليي يدقو فالباب مع قوة دخاخن ههه ولكن الحمد لله فساع كملنا ومن بعد كل واحد فين مشا باش ينعس اوا وانتوما القصة ديالكم ^^
تبالي الفكرة ماعجبت حتى شي حد للاسف 🙁
عيدكم مبارك أكيد فكرة نتاعك عجباتني وربي يهنيك أختي … فقط حنونه حبيت نسقسيك علة مدينة اسمها ريغنسبورغ اذا كان تعرفي نظام اللذي تتمشى بيه.
سلام عليكم أنا العيد للاسف فات عليا كلي مكانش psq كان عندي ف نفس إليوم إمتحان النضري تع البارمي وراجلي مسلاش صلاة العيد ، وصلني للمتحان وشدلي بنتي لكن الحمدلله نجحت وفالعشية فوتها فراش مرضت لي أني حامل حتى الغدوا باه شويت اللحم فالبالكون
المشاركة الأصلية كتبت بواسطة fatouma2019 
سلام عليكم أنا العيد للاسف فات عليا كلي مكانش psq كان عندي ف نفس إليوم إمتحان النضري تع البارمي وراجلي مسلاش صلاة العيد ، وصلني للمتحان وشدلي بنتي لكن الحمدلله نجحت وفالعشية فوتها فراش مرضت لي أني حامل حتى الغدوا باه شويت اللحم فالبالكون اختي فطومة بغيت نسولك الله يخليك واش دوزتي البيرمي بالالمانية ولا بشي لغة اخرى؟
السلام عليكم البنات بالنسبة ليا العيد داز عادي كبحال اي يوم ولادي فالمدرسة والروض وراجلي كان خدام والحاولي ماكندبحوش هنا يعني شريت اللحم ودرت القطبان د البكري زعما مانقوليكمش كبحال لاستيك ولادي مساكن عياو مايمضغو ووالو وفالاخير خلاوهوم وكلاو غي الكفتة بكل صراحة ماحسيتش بالعيد
لا حبيبة للاسف ماكانعرفش ديك لمدينة
ختي fatouma2019 معلش فيه خير ربي ينجحك ويفرحك بوليدتك هاذاط هو العيد
aichy واخا حنا دبحنا حسينا بحال لجبناه من الجزار