نقدم ليكوم cupcakes بخمس مذاقات لي صاوبت لصاحبتي فحفلة ولدها عندنا مذاق الشكلاط /البرتقال /الفرمبوز /الحامض /الفانيليا شريت الدقيق واجد زدت عليه 3 بيضات و 125 غرام زبدة كل باكية تخرج 12 لحبة 
المهم كل علبة نزيدلها 3 بيضات و125 غرام زبدة و لي ملقاش هاد العلب واجدة إعوضهوم بالفرينة ويضيف النكهة لي بغى 
نخلطو الخليط ونوضعوه فعكويغطات وندخلوه لفرن مسخن 180 درجة مدة الطهي 25 دقيقة وخة هكدك عينا مزانا نردو البال هذا بنكهت الفانيليا 
هذا بطعم البرتقال 
هذا بطعم الشكلاط 
طعم لفرمبوز والحامض نسيت مصورتهومش مين يطيبو نخرجهوم من الفرن حتى يبردو مزيان ونزوقهوم للتزين شكلاط أسود+شكلاط أبيض +كلاصاج بطعم الليمون+كلاصاج بطعم الفانيليا كلاصاج بطعم لفرمبوز هاهما تحت فالصورة 
حلوى حبيبات وحلوى على شكل مجسمات كما هو موضح فالصورة 
ناخدو كل كيكة صغيرة نكبوا من فوقها الشكلاط أو لكلاصاج كل واحد والنكهة لي تناسبو غير الكيك ديال الشكلاط درتلية شكلاط أبيض من الفوق وهذا هو الشكل الأخير 
الأطفال كلاو كلشي ما خلاو حتى حاجة. الجديد قريبا إنشاء الله. تقبلو تحيات أم شاهين
cupcakes ggH’thg
تبارك الله عليك هادشي غزال
tbaraklah 3lik super mais golili A Hbibti min katchrihom??? wch nti au Maroc
تبارك لله عليك ختي بغيت نسولك على شكيلات الاجسام لحطيتي الفوق واش رخاص و لا غاليين و فين شريتهم يعني اشمن دولة عجبوني و كيعجبني كل ما هو متعلق بالحلوى
الله يعطيك الصحة cupcakes كيحمقو وديكور واعر بزاف تبارك الله عليك
المشاركة الأصلية كتبت بواسطة قلب حنين 
تبارك لله عليك ختي بغيت نسولك على شكيلات الاجسام لحطيتي الفوق واش رخاص و لا غاليين و فين شريتهم يعني اشمن دولة عجبوني و كيعجبني كل ما هو متعلق بالحلوى شريتهوم من محل action متواجد فهولندا علبة فيها 10 حبات ب 1euro
المشاركة الأصلية كتبت بواسطة Lalak tbaraklah 3lik super mais golili A Hbibti min katchrihom??? wch nti au Maroc لا أختي من هولندا من محل action شريتهوم
تبارك الله عليك اختى زوينين
تبارك الله عليك احبيبة غزالين.
