crostatine وليدات ال crostata

09/05/2019
مغربية و افتخر

السلام عليكم ورحمة الله

كيدايرين البنات كاملين

ديك ال crostata الي كانت نزاتها لكم هنا

crostata كدوب في الفم

فرحات بيكم وحلفت تا تجيب وليداتها تاهوما

هاهوما

الى عجبوكم ندوزو للمقادير والطريقة

بالنسبة للمقادير

العجينى ديال الزبدة هي نيت الي نزلت في الاولى يكفي انك دخلي للرابط اعلاه اتلقايها بالتفصيل
اتلاحظي ان هادي صفرة بزاف
ممكن تزيدي الملون الاصفر او الخرقوم ببساطة

بالنسبة للطريقة هاهي بالتفصيل

ميف قلت لكم في الاولى من الاحسن من تعجنيها خليها ساعة في التلاجة
وملي تخدمي بيها رجعيها للتلاجة كل ملاة باش متكرفصكش
وطبعا باش تسرحيها بالمدلك ديريها في البلاستيك الغدائي باش تسخلي عليك

واتدهني المول ديالك بالزبدة وديري الدقيق

كطبعي كيف هاكدا وتتقلبي العجينة بميكتها باش متخصرش لك كيف في الاولى

وتبداي تهبطي الجنيبات بحنان ورقة

وتتقبيهم بالفورشيط

ودخليهم للفران تا يتحمرو

هاد العجينة درت نصها خرجات ليا 32وحدة
هي نص كيلودقيق
الى درتي كيلو راها تخرج لك ديال عرس
وانا عاقلا كنت كناخدهم من الباتيسري في المغرب كتثامو غاليين
الى درتيها في الدار اتقام عليك رخيصة خصوصا ان الديسير موجود
كيف دكرت لكم را كيلو ايتقام عليك الى طرتي ونزلتي ب 50 درهم بكلشي ليه تديري بيه عرس

ملي تكملي كلشي اتبداي تعمريهم

اتحتاجي ل

فواكه الي موجود ممكن ديري غير وحدة
كريم باتيسيير نزلت لكم جوج طرق في ديال ميلفوي
ناباج او شوية الكونفيتير ازيدي عليه الما وتديريه على البوطة وتصفيه تاخدي غير الما
ان واخا عندي الناباج كندير الكونفيتير لان تاهو كبقا كلمع وكخليهم حلويين حيت اتكونيقطرتي عليهم الحامض ولكي واسع النظر

قطعيهم والبنان والتفاح عصري عليهم الحامض باش ميكحالولكش