27.01.2019
السلام عليكم
شاغلوط بالفريز بطريقة ساهلة أو مضمونة جربوها أو دعيو معايا
أول حاجة غانحتاجو شي نصف كيلو أو أكتر من الفريز نغسلوه مزيان ناخدو كمية كبيرة منو أو نطحنوها أو نزيدو عليها ثلث كوب سنيدة أو نديروه إغلا أو نطفيو
كنقطعو 2 ورقات جيلاتين فماء بارد حتى إتطلق أو نضيفوه على الكولي دالفريز أو نحركو أو نخليوه إبرد
ناخدو 500 مل من الكريم فريش أنا استعملت هولالا كنت حطيتها فبول أو دخلتها للمجمد واحد 20 دقيقة أوجبتها أو طربتها مع ثلث كوب سكار كلاصي
من بعد خلطو مع الكولي دلفريز اللي برد
نشدو دابا مول اللي كيتحل من جناب نديرو فيه البيسكوي اللي طحناه أو زدنا ليه الزبدة دايبة أو نديروه فقاع المول أو نضغطو عليه
ندوبو الجيلي فنصف لتر ماء سخون أو نخليوه إبرد شوية أو نغمسو فيه لي بودوار استعملت غي ساشي واحد أو نقسموه على جوج أو نديرو الجيها الحرشة تابرا أو ندورو بيه المول
دابا نصبو كمية من الكريمة اللي صاوبنا أو نديرو فوقها شرائح الفريز
ثم الكرينة ثم الفريز فالأخير أو نخويو عليه كمية من الجيلو لي شاط
أخيرا نزوقو بالشكلاط أو ندخلو للمجمد 4 ساعات على الأقل
charlotte aux fraises lk l’fod aus
المشاركة الأصلية كتبت بواسطة مغربية24 
الله إبارك فيك أختي
ولكن كنت كانظن غادي تعملي الجيلي من فوق يمكن كانت تجي زوينه وتشد مزيان
المشاركة الأصلية كتبت بواسطة المعكازة ولكن كنت كانظن غادي تعملي الجيلي من فوق يمكن كانت تجي زوينه وتشد مزيان
درتو من لفوق متنسيش كين البسكويت فجنب مشي لمول راه غيمشي كلو البسكويت وفزج بلا قياس
تم التثبيت مع التقييم