ثبت بتاريخه … ريفية حرة
السلام عليكم ورحمة الله تعالى وبركاته…
الأنيقات اليوم جبت ليكم وصفة الكيك بوبس Cake pops اللي كتعجب الكبير والصغير 
بسم الله..
–> المقادير :
كيك عادي (أي كيك كتبغيو أو متوفر عندكم )
حليب نستلي
ملون غدائي (أنا استعملت الأحمر)
des brochettes en bois أنا استعملت هادو هما اللي كانو متوفرين تقدرو تاخدو العويدات الخاصين بالكيك بوبس من عند المخلات الخاصة
–> للتزيين :
شكلاط أبيض
حبيبات الحلوة
–> الطريقة:
كناخدو الكيك كنطحنوه بالآلة او باليد وكنضيفو عليه 4 أو 5 ملاعق حليب النيستلي و كنخلطو مزيان
من بعد كنضيفو الملون الغذائي
وكنخلطو مزيان حتى يتجانس الخليط
وكنشكلو كويرات تقريبا متساوية
كناخو دوك العويدات كنديرو الرأس ديالهم فشكلاط و كنغرسوهم فالكويرات وحدة بوحدة
كنخليوهم حتا كينشفو
وكناخدو وحدة بوحدة كنديروها فالشكلاط أبيض أو ملون بالألوان غدائية و كنزوقوها حسب اللي بغينا
هذا هو الشكل النهائي ديالي
انشاء الله ايعجبوكم وتجربوهم … بالصحة والراحة 
في انتظار تعليقاكم و تقييماتكم .. دمتم سالمين
اللهم أدمها نعمة واحفظها من الزوال …
Cake pops >>>
تم التثبيت مع أحلى تقييم