budget العطلة في المغرب

لبنات بما ان الصيف قرب انا وراجلي انشالله باغيين نمشيو لمغرب فشهر 8 و انا راجلي ماشي مغربي و اول مرا غايمشي لمغرب انشالله ناويين نمشيو فطوموبيل ولكن معارفينش شحال خاص نديو معانا ديال لفلوس مع العلم غانمشيو عند عائلتي يعني مغانشدوش لوطيل و غانبقاو 3 تال 4 دسيمانات نتمني من الاخوات يتفاعلو مع الموضوع

---

budget hgu’gm td hglyvf

fin sakna a khti bdabt ??

انا ففرنسا فباريس

نزلت أنا وراجلي بطمبل مرة وحدة
بنسبة لمصاريف طريق ( مازوط و لوطوروت ولمكلة ولوطيل ) وتداكر الباخرة كلفنا 1600 euros ( ذهابا وإياباً )

بنسبة للمغرب كل واحد وجهدوو وعلى حسب لمدينة فن سكن حنا خدنا معنا 3000 رجعنا على لحديد هههه ( بلا مصاريف طريق )

اه ياختي على هاد لحساب الطيارة حسن

منصحكش بالسيارة الطائرة أحسن و أرخص حتى تمشي وكري طومبيل تماك أو ديري مع شي مول طاكسي بقاي تعيطي ليه ويجي لعندك يديك وتهناي من تكرفيص الطريق والعذاب أنا كنت مشيت 2 أسابيع لدارنا ديت معاية 1000 أورو وتقضيت منها وعرضت على العائلة وقداتني وشاطت خصي من دابا المبلغ لغادية تعطيه لولديك باش يصرفو وفلوس التنقل والكدوات أنا غير وصلت عطيت لماما فلوس المصروف مجموعين باش تعرف حسابها وأنا كذلك ولمصاريف على حسب المدينة فين ساكنة وكذلك على حسب أفراد الأسرة ديالك واش كثار أوغير الولدين ديالك

زيدوني عليكوم حتا انا اول مرة نمشي انا اوراجلي فطوموبيل او معارفاش شحال يقدنا والله الادوخت ههههه مداري نمشي فطيارة اما بنسبا للكدوات او ماندي راه مندابا ونا تنخطف حجا منتقديا ديال ادار كنخطف حجا او نديرها فلاكاف والله الا هزا الهم لطريق اما اسكنا حتا انا مشيا لدارنا قولولي واش نتوما لي تتصرفو ولا كتعطيو مبلغ ديال لفلوس الاب او الام او شحال واش منين تتوصلو ولا كل سيمانا او كيفاش شكرا علا ارد مسبقا

شكرا اختي على الرد حنا قررنا نمشيو بالسيارة حيت غنتنقلو بزاف غنمشيو تا لاكادير من بعد مراكش و نرجعو لوجدة و لناظور الى جيتي فكل مدينا تكري غاطلع لينا غاليا لي بغيت نعرف شنو لي حسن نشدو لباطو من سات ولا نمشيو تال سبانيا انا كلت 2500 اورو بلا لبييي و طريق كافية ولا لا

انا بالنسبة لصرف عندي الاب ديالي فشكل مايبغيش يجي عندو شي حد ويصرف والكادويات غاندي غير لواليديا و لاخرين كلت ندور معاهوم حيت دابا كلشي كان فالمغرب حسن نعطي فلوس يشريو لي بغاو

من الأحسن غير توصلي عطي لداركم فلوس مصروف مجموعين باش كل واحد يشد حسابو مجاتش أنت تصرفي كل نهار حيت لغادي يتكلف بالطبخ هو لغادي يعرف شنو خاصو يتقضى وشنو ناقص ماشي أنت ،عطي المبلغ لغادية تشوفيه مناسب ليكم ومن بعد لشفتي شي حاجة ناقصة زيدي من عندك و هكذا أنا وراجلي ضيافتنا رخيصة بزاف مكيكولش لا لحم لا دجاج لا حوت لا مرقة غير الخضر والكسكس والحريرة ههههه