bavaroiseبالخوخ بالصور التفصيلية مرحبا بيكم كاملين

[justify]
[frame="7 80"]

جبت ليكم اليومbavaroise مدة هادي باش وجدتها لكن عاد حن عليها الله :p
هي الفكرة ديال عادية غير التغيير لي فيها هو انني عوضت الجيلاتين بالفلان لاننا بعض المرات صعيب نلقاوها

المقادير
الجنواز: 2 بيضات، نصف كاس سكر، نصف كاس دقيق، رشة ملح، الكركاع اختياري
الطبقة الأولى: 40مل قشدة طرية، علبة خوخ معلب السكر حسب الذوق، كيس فلان
الطبقة الثانية: كيس فلان، و نصف علبة الخوخ لي بقا لينا

نبداو باسم الله
نطلعو ابيض البيض مع رشيشة الملح ملي يطلع نضيفو ليه السكر

نضيفو اصفر البيض و الطحين و نخلطو بالمهل باش ماينزلش لينا البيض

نضيفو الكركاع

نوضعوها فلمول مدهون ونخلوها طيب 7 الى 10 دقائق فرن 180c

العلبة ديال الخوخ فيها 5 قطع ناخدو 2 م نطحنوهم مع شوية ديال العصير لي فيه
ممكن اضافة شوية السكر

نخلطو كيس الفلان مع شوية السكر باش مايكورش انا استعملت ديال البنان

نوضعوه فوق النار و حتى يغلى و نخليوه يدفا شوية

نطربو القشدة الطرية باردة شوية السكر حسب الذوق

نضيفو عليها الفلان المزور ههه

نصبو الخليط فوق جينواز لي نكونو بللناها بشوية ديال الماء دالخوخ وندخلوها للثلاجة حتى تقساح ممكن المجمد إلى كنا زربانين

بقاو لينا 3 قطع خوخ نحتافضو بنصف قطعة للتزيين نوجدو الفلان المزور بنفس الطريقة

نصبوه فوق الخليط الأول

ها هي دي ملي وجدات

وهادي للأولى لي ترد عليا بالصحة و الراحة

ملاحظة: المونطاج ديال الحلوى كيكون فلمول، ملي نبغيو نزولوه ندوزو بالسكين على الحواشي عادي نزولو الإطار

[/frame]
[/justify]

---

bavaroisefhgo,o fhgw,v hgjtwdgdm lvpfh fd;l ;hlgdk

ماشاء الله غزالة الله يعطيك الصحة حماتي بتحبني دخلت انا الاولى ناكل منها وتستاهلي 5 النقط مني على المنظر المشهي غير محداية اما ندق عليك ونقوليك دوقيني هههه

تبارك الله عليك الله يعطيك الصحه

الله يعطيك الصحة و تباركالله المنظر غزال و المذاق نجربا ونرد عليك ولكن باينة غزالة

تبارك الله عليك غزالة الله يعطيك الصحة

السلام عليكم ورحمة الله وبركاته
جزاك الله خيرا اختي ماريما
اشتقنا لك و لاطباقك
ثبت في تاريخيه

اللهم صل على محمد وعلى آله وصحبه أجمعين
مشكوووووور والله يعطيك الف عافيه

raw3a
ma chae llah

مممممممممممممممم كتشهي نجربها انشاء الله