بسم الله الرحمن الرحيم
السلام عليكم ورحمة الله وبركاته بغيت نعرف كيف يتم الزوااج بين مغربي و امريكية واش خاصها تج هيا اولا او ……يعني شرحولي الله اعطيكم الستر االي خوها تزوج بامريكية كيدارو وشنوا احتاجوا وبشحال تمن الطيارة يعني بغيت كل االاجراءات
جوني دغيا ارحم الوالدين
arjo adokhol afakom
اختي ضروري يكون ملاقين مع بعضهم لو بغات تجي يديرو العقد في المغرب غادي يكون احسن لانه غادي يسهل عليه اجراءات الفيزا وغادي يمشي بغرين كارد مباشرة اما الى ماداروش عقد مغربي غادي تعمر ليه على فيزا خطوبة ويعملو عقد امريكي ولكن اجراءات الحصول على الغرين كارد غادي تاخذ وقت وتيكون شوية الامر معقد لازم خوك يتاكد انها تتخلص الضرائب سنويا وانه ما عندهاش مشاكل قانونية في امريكا باش يقدرو يوافقو يدخل لو عندك شي استفسار انا موجودة وان شاء الله البنات يقدرو يفيدوك اكثر
الله أبارك فيك أختي ميمي فعلا
بغيت انقول اشنوا احتاج في كلتا الحالتين
لو على حسب يعملو العقد راه يمشي للمحكمة ويجيب ورقة مكتوب فيها الوثائق المطلوبة لعقد الزواج المختلط راه في محكمة الاسرة غادي يلقاها ولازم حتى خطيبته تجيب معها الوثائق المطلوبة راه غادي يكون كل شي في الورقة اللي يجيب من المحكمة على ما تنذكر راجلي جاب معاه شهادة العمل والدخل شهادة السوابق الجنائية لو عازبة شهادة العزوبة لو مطلقة شهادة الطلاق النهائي وعقد الازدياد ومن القنصلية في كازا غادي تاخذ شهادة الكفاءة للزواج والجنسية هاد اللشي اللي تذكرت دابا مني يكتبو العقد تديه معاها وتمشي تقدم ليه على فيزا تجمع عائلي غاد يطلبومنهم بجوج بعض الوثائق والفيزا ديال الزواج تتكون مضمونة ويمشي اسبوعين ويرسلو ليه بطاقة الاقامة اما فيزا الخطوبة راه فيها شوية الطلوع والنزول لان الفيزا تتكون مؤقتة ضروري يكمل اجراءات الزواج والاقامة في امريكا انا ما عنديش عليها معلومات بزاف لاني انا جيت بفيزا زوجة هاد الشي اللي نقدر نفيدك بيه اختي والله يسهل عليه ما اصعاب
شكرا بزاف اختي بارك الله فيك