‘~*-,._.,-*~> كيكة الشكلاط بحشوة لذيييذة <~*-,._.,-*~’

قلت نزلها ليكم فموضوع و بالمراحل المصورة لتعم الفائدة

هاد الكيكة من بين الكيكات اللي كنصايبها بزاااف د المرات حيت كتجي بنيييينة

دابا نبداو بالمقادير

– ظƒظٹظƒط© بالشكلاط * استعملت خليط بتي كروكر تقدرو تستعملوه حتى نتوما او تستعملو اي ظƒظٹظƒط© بالشكلاط كتعجبكم *
– 1 علبة كريم شانتيي
– 200 غ قشدة طرية
– 3 م ك كاكاو
– 2 م ك سكر كلاصي
– نص كاس حليب
– 2 م ك قهوة سائلة

الطريقة

نحضرو الكيكة كما العادة و نخليها حتى تبرد و نخويها من الوسط

* باش تجيكم مقادة خودو شي حاجة دائرية تكون اصغر شوية من الكيكة وحطوها فالوسط وضورو عليها بالموس ومن بعد عاد خويوها بالملقعة*

تجي بحال هاكدا

ناخد الخلاط و ندير فيه كل المكونات السابقة + الكيكة اللي خوينا من الوسط ونخلط الكل

من بعد نقص شوية من الخليط فشي اناء ونبدا نطحن غير بالقياس شوية بشوية ونخويه عاود نزيد الكمية اللي بقات وهاكدا حتى نكمل و نحصلو على كريمة رطبة بحال هاكدا

نخويها وسط الكيكة و نغطيها ونخليها فالثلاجة ليلة كاملة باش تشد راسها

فالغذ تكون تماسكات و جاهزة يبقى التزيين على حسب الذوق

وتفضلو مرحبا بكم