موضوع زوين و شيق للاخت amanarre. و لكن يمكن عادي اتعجبوا من قصتي .جميع لمواضيع للاخوات كيقولو بان راجلي يعطيني مسروف الدار و عندي مصاريف قدة و قدة.و على العكس انا اللي كنعطي لراجلي المصروف. حيت انا خدامة و هو ماخدامش.هو اللي كيتصرف ف كارط كيشي ديالي. انا كنتخلص 4000 درهم و لكن فخبارو غي 3000.00- 1000.00 كنعطيها لوالدية كنعاونهم. كارية ب 1200 و ضوئء 200 درهم+ 100ديال الماء و ط§ظ„ظ…طµط±ظˆظپ على قد الحال.لاخر ديال شهر ما كيشيط والوا. زيدو عاد والدية مرة مرة كيعاونوني بزيت , سكر ….رغم انهم محتاجين المعاونة ( راكم عارفين قلب الوالدين) و اختي شراتلي بيجامة و بينوار.فالعيد الكبير حيت شافتني ما شريت والوا. وانا في رمضان درت كريدي و شريت ثلاجة .و كل مرة كنبغي نزيد حاجة فالدار.بحال اي انثى كنت كنتمنى فاش نتزوج يكون عندي اثاث زوين.و نعيش فمستوى مزيان و نحس ان رجلي مسؤول علي و يصرف علي .اه فخباركم بلي عام و 4 شهور ملي تزوجت .hhhhh زعمة عاد عروسة وخاصني نكون عاد نتمتع بالسنين الاولى من زواج.ولكن هزيت الهم بكري.مدابيكم تساعدوني بنصيحة او اشنو لمعمول .راني تقهرت بهذه الوضعية.دعيو معاي ربي يفرج علي .كنحكيلكم قصتي و عينيا كيبكيو .
jsddv hglwv,t
انا نقولكم علاش هو ليتحكم ف كارت كيشي و فالمصروف حيت ممنوع علي نخرج وحدي.ضروري يكون هو معاي.حتى الى درت شيك.راه ضروري يمشي معاي للبنك .فاش كنت عاد عند والدية كنت معروفة في العائلة بالاناقة و كنتهلا في راسي و ملابس على الموضة. و ديما جديد اما دابة اختكم هاذ شي كامل مابقاش و غي الكسوة ليجبتها معاي هي اللى كنلبس و الى شريت شي حاجة كنشري غي لقديم . و حتى انني نسيت راسي بانني انثى.تمنيت حتى انا زوجي يكون مسؤول عليا . و مرة مرة يفاجئني بهدية.
بالنسبة للاخت laila87 سولتيني واش كان مان لاوال عاطل. نعام كان عاطل و لكن كان مفهمني انه غا يدير مشروع وكالة كراء السياراة .و اننا عادي نعيش فمستوى مزيان.ولكن ماكان والو من هاد شئ. الله يدير شي تاويل الخير و الحمد لله على كل حال ربي كتبلي رزقي يكون هكدا . و شكرا بزاف للاخوات اللي هتميت للموضوعي.
المشاركة الأصلية كتبت بواسطة jowaryiya 
اللهم لك الحمد على كل حال
اللي جا ف بالي نقولو غادي يلقلقك
على كل حال الله يدير ليك تاويل د الخير
و يارب يتمر في راجلك و يعرف شحال صبرتي و ضحيتي معاه و انشاء الله حتى حاجة ما غادي تضيع عند الله صدقيني
اشنو فيها غير صبري داب ربي يحن انشاء الله
الله يفك كربك و يرزقك من حيت لا تحتسبين
المشاركة الأصلية كتبت بواسطة مسفيوية بجدة اللي جا ف بالي نقولو غادي يلقلقك
على كل حال الله يدير ليك تاويل د الخير
لا اختي.غي قوليلي اللي عندك بالعكس انا ارتحيت فاش لقيتكم كتعاونوني و لو غي بنصيحة او دعاء. مادابيك تقوليلي اللي فقلبك. راه ماعالم بي غي الله.
وكنتمى من الله يفرج عليك ويعطيك من فضلو ويهدي راجلك اينوض يقلب على خدمة هو شايف مصروفكم يالاه كيكفيكم كيفاش غادي يدير مشروع ديالو الا ماخدمش ويبدا يجمع ليه؟ هو متاكد انك نتي دايما ليه؟ نتي معليكش الله ترتاحي او تمرضي اوالبلاصة اللي خدامة فيها نقصو الموظفين ديالها او او او…انا مكانتفايلش عليك بل هادي كلها اقتراحات كتحط للمناقشة.ماشي حتى يوقع الفاس فالراس عاد نبداو نقلبو على الخدمة.
يآآآآا ربي ارزق اختنا هذه من حيث لا تحتسب ون شاء الله ستنالين جزاء ما صبرت عليه.
بالتوفيق حبيبتي حنا معاك بقلوبنا وبالدعاء.لكن اتمني ان تحاولي مناقشة زوجك بشان هذا الموضوع.
و بالنسبة لدراري مازال ماكتب الله رغم انني باغية نحمل هذه مدة . الله عنده حكمة اللي مازال ماكتبلي دراري.بعد المرات كنكول مع راسي اشنو استافدت من هاد زواج .لا فرحة فرحانة , ما متعة كيف الناس, ما درت شهر العسل هههههه (هداك اللي بقالي غي شهر العسل).(اش خاصك العريان……..) اول مخاصمة كانت بعد 15يوم من العرس و اول عيد دوزتو مع راجلي كان عيد الفطربعد 50 يوم من العرس حتى هو صبح مخاصم معاي و لواليدة ديالو كتطلب فيه تصالح مع مراتك راه العواشر …….. .شلا ما يتقال القلب عامر و ما عرفت ما ندير و اشنو لمعمول