ربات البيوت .وتدبير أعباء البيت

---

vfhj hgfd,j >>>>>>>,j]fdv Hufhx hgfdj hgfpj ,j]fdv

أختي، لا عذر لك على أبنائك الذكور مساعدتك في تحمل جزء من المسؤولية، فكيف نعلم أبنائنا أن يتكلن علينا في كل شيء، وغذا يساعدون زوجاتهم، أن شخصيا أعلم ابني الذكر مثل أخته بعض الأشغال من أجل المساعدة، لأن الخادمة ما دايماش لي وخصوصا أزمة الخادمات حاليا

أشكرك اختي الكريمة أم سامي على ردك أكيد لابد أن نعلم أبناءنا الذكور تحمل بعض أعباء البيت .مثلا الاهتمام بترتيب ونظافة غرفتهم والمساعدة في إعداد مائدة الطعام والعناية بأخيهم الأصغر
رغم أن هذا الأمر أيضا يعتبر من بين هموم أعباء البيت

فينكم اخواتي الكريمات

بسم الله الرحمن الرحيم

موضوع جميل ومشابه لكثير من المواضيع الأخرى المطروحة بأقسام مختلفة
هذا تشجيع مني لرفع موضوعك أختي ..وأنا شخصيا بأمس الحاجة إلى النصائحمن هذا النوع

موضوع غزال و كيهمناجميع انا شخصيا متبعا منهج ماما فالتربية انا بنت وصط الولاد او ماما الله يعطيها صحيحتها و يخليها لينا مكانتش كتفرق بيناتنا كل واحد مسؤول على بيتو من تخمال و ترتيب و الى كليتي طواجن خوتي تقولي فنانة فالطبخ ال لي صيباتو مشي راجل عادي فالخطئ اللي كنرتكبو فتربية ولادنا هي الولد يجلس و البنت تشقى كانت ممادايرة لينا انوبة على غسيل الاواني و تشطاب و نشيير الغسيل و زيد وزيد حتى الكيكة كانت بالنوبة هههههه ونفعو ريوسهم منن استقلو بريوسهم و الحمد لله نتمنى منكونش طولت عليكم

موضوع هادف …هام …ويعيشه كل ربات البيوت انا ممزوجاش ولكن دخلت ندلي برأي في هدا الشأن بعد اذنكم

برأيي الامر يختلف تمام بالنسبة لبات البيوت والسيدات لي تتخدم في الخارج وتجي تكمل في البيت ديالها تنشوف بلي الامر صعيب على السيدة لي خدامة اما انتم ياربات البيوت عندكم تعب وشقاء وعناء لكن اهون بكتير

بامكان سيدة ربت بيت تقوم في الصبح توجد الفطور تسيفط الدراري للمدرسة ووتقوم باشغال ديالها على خاطرها من 9.00 ل11 راه تجمع فخاطرها الا مكانش عندها الصابون وتبدأ بتوجاد الغدا يجو الدراري والراجل تحط الغدا ديه الماعن حتى يخرج الزوج ديالها وعاد تغسلهم فاش تخوى الدار تجمع من موراهم وترتاح العشية كاملى حتى 5.00 توجد كاسكروط والعشاء وتبدل حوايجها دوش وتجلس وهاهي مسالية بالنسبة مسكينة لي خدامة مستحيل توفق بين هدشي حتى نهار لي عندها راحة عاد يمكن دير هدشي صراحة ربات البيوت اكتر حظا من الناس لي خدامين والله يوفق كل امرأة هده وجهة نظري في الموضوع

متافقة معاك اختي سفيرة الاناقة داكشي علاش خاصهم يعتمدو على ريوسهم منين نفيقو فالصباح كل وحد يرتب بيتو عاد يمشي المدرسة باش حتى انا كون عندي غير ترتاب بيتي و توجاد الفطور و نغسل ميعناتافطور نوجد راصي و نخرج و بطبيعت الحال الصالون ديما مقاد ماكيوصلو حد و بيت الجلوس يتصاوب فالليل قبل لنوم امابالسبة للغداء ااما يطيب فالليل او تكون مسائل سهلةالطهي كاكفتةو لا صدور الدييك الرومي و هنتي مرتاحة و اللي رون شي حاجة فالوقت ديال غدا يقدهاقل مايمشي للمدرسة و هكدا فالعشية بدل متجي و تلقاي حالة فالدر تلقاي راسك مرتاحة و كلشي فلباصتو

المشاركة الأصلية كتبت بواسطة أم بيان

بسم الله الرحمن الرحيم

موضوع جميل ومشابه لكثير من المواضيع الأخرى المطروحة بأقسام مختلفة
هذا تشجيع مني لرفع موضوعك أختي ..وأنا شخصيا بأمس الحاجة إلى النصائحمن هذا النوع

اشكرك اختي الكريمة على تفاعلك مع موضوعي وجزاك خيرا كثيرا….اختي الكريمة حتى ربة البيت خاصها تدير برنماج يومي لاشغال ديالها وتحاول تكون صارمة فتطبيقو لان المهام اليومية كثيرة…وتحاول توازن بينو وبين راحتها واعطاء كل فرد من افراد اسرتها حقه…..

اشكرك اختي الكريمة املينة على مداخلتك…نعم اختي لا فرق بين البنت والدري فالشقا تاع الدار….وتربيتكم نعم التربية لان ماشي هاد الشقا تخلاق غير لبنت….انا بحكم عندي غير الدراري تنحاول اعاونوني ولكن المشكل لي لقيت معاهم هو انني كنبغي كولشي اكون مكاد على حقو او طريقو …مكيرضيني الشغل ديالهم…..او كنضطر بعد المرات نعاود داكشي لي قامو به…..