بعض الافكار للكوطي و الاكل الصحي للاطفال

نزولا عند طلب الاخت اناسي غادي نقدم ليكم شخصيا بعض ط§ظ„ط§ظپظƒط§ط± ظ„ظ„ظƒظˆط·ظٹ و ط§ظ„ط§ظƒظ„ ط§ظ„طµط­ظٹ اللي تنعطيه لبنتي

اولا نبداو بالحلويات لانها اكتر متيبغيو الاطفال عامة

1- تنصوب الكيك و لكن غالبا المادلين و تنوع ليها فيه مرة عادي مرة منسم بالحامض و مرة بالشكلاط و مرة مخلط باللوز او كاوكاو او الكركاع حسب الموجود و مرة تندير فوسطو الكوفتير او الشكلاط و هاهو الكوطي مصوب بطرقة امنة

2- خودي التمر و بخريه وتنسميه بشوية القرفة و ماء زهر و تعجنيه و ديري منو كويرات صغار و قلب كل كرة تحطي لوزة او كاوكاو او اي حاجة هكدا و عندك الاختيار فانك تغمسي هاد الكويرات فالكاوكاو مهرمش ثم فالشكلاط او ممكن تفنديهم فالزنجلان و تدخليهم المجمد شوية باش يشدو فراسهم و هاهما واجدين

3- كوكيز بالخرطال اللي دارها دكتور التغدية فصباحيات2m و تكلم على الفوائد العديدة للخرطال و عطى الوصفة و لكن مزال مجربتو

4- مؤخرا سمعت للدكتور جمال الصقلي وصفة خاصة ببناء عضام الاطفال و تقوي الذاكرة و فاتحة للشهية وعندها فوائد اخرى عديدة و شخصيا درتها لبنتي و بدات كتاكل و اصبحت انشط مما كانت عليه و الوصفة عبارة عن قمح منبت و ايلان منبت و صوجا منبتة و عدس منبت و حلبة منبتة و الى خدينا 100غرام من الحاجة ناخدو فقط 50 غرام من الحلبة من بعد ما نبتهم نشفتهم فالفران و طحنتهم و خليتهم جانبا ثم خديت الزنجلان و شوية زريعة الكتان و زدت عليهم بعض الفواكه الجافة اللي هرمشتهم شوية و تمر مقطع صغير و زبيب مقطع و مشماش يابس مقطع و خلطت الكل مع الخلطة الاولى و كلشي عينك ميزانك و زدت عليهم شوية عسل باش نقدر نكورهم و فندتهم فالشكلاط و تنعطيها منو3 مرات فالنهار

نخليكم دابا و لي عودة فالموضوع ان شاء الله و الباب مفتوح لاي اخت عندها وصفات صحية تنزلها هنا ان شاء الله حتى تعم الفائدة

---

fuq hght;hv gg;,’d , hgh;g hgwpd ggh’thg

افكار رااااااااائعة اختي
جازاك الله خيرا واسعدك بابنائك

تبارك الله عليك

تم التقييم

تبارك الله عليك معندي منقول ولكن البنيتة ديالك شحال لعمر ديالها؟
حينت بان لييا عندها سنينات ديال لوز و كاوكاو ههههههه

شكرا اختي بزاف لهلا يخطيك و إلى سمحتي عندي 2 اسئلة:
1ـشنو هو الخرطال ?
2ـاشنو كاتقصدي ب :منبت(قمح منبت و ايلان منبت و صوجا منبتة و عدس منبت و حلبة منبتة) ?
والله يجعل هادشي في ميزان حسناتك.

شكرا و لك بالمثل اختي

شكرا لتقييمك اختي و نتمنى نكون افدتك

هههههههههههههه بنتي الالة عندها 12 سنة و لكن الحسوة و خبز الشعير و الشوربة و زيد و زيد ربيتها عليهم من الصغر و حتى من البصلة مشحرة تتحماق عليها مع الخبز اما بالنسبة لللوز و الكركاع فاصلا كتبت باللي تنهرمشهم باش نقدر نكورهم و شكرا اللي اعطيتيني فكرة هاد الموضوع اللي تنتمنى من الانيقات كلهم يفيدونا فيه

1- الخرطال تيتباع عند اللي تيبيعو القمح و هاهو الفيديو اللي اعطى فيه الدكتور وصفة الكوكيز بالخرطال
https://www.2m.ma/Programmes/Magazine…node_28463/265
وهدي صورة الخرطال
https://i79.servimg.com/u/f79/12/79/89/07/avoine10.jpg

2- ملعقة واحدة من الحبوب المنبتة تساوي 10 ملاعق من نفس الحبوب غير منبتة
و طريقة التنبات كالتالي: اولا تنقيو القمح مثلا ثم نغسلوه و نرقدوه فالماء حوالي3 ساعات من بعد ناخدو صينية و نفرشو فيها منديل مبلل بالماء و نفرشو عليه القمح من بعد ما صفيناه ثم نغطيوهم بمنديل مبلل بالماء و نتركهم جانبا مع مراعاة ان المنديل اللي غطينا بيه من الفوق لازم يبقى مبلل و لهدا مرة مرة نرشوه بالماء و بعد يومين او ثلاثة سنلاحظ ان القمح خرج منو نبت
كنسخو الفران مزيان و نطفيو عليه و ندخلو الحبوب المنبتة باش تنشف على سخونة الفران ماشي نطيبوهم غير نصهدوهم و نبقاو نعاودو هاد العملية حتى يكون عندنا حبوب منبثة ناشفة قابلة للطحن و نطحنوهم فمولينكس و ناخدومنو معلقة صغيرة 3 مرات يوميا حنا الامهات ايضا فهو ضد هشاشة العظام و تيعطي قوة و نشاط للجسم

و اي استفسار انا رهن الاشارة

تبارك الله عليك اختي الله احفظ لك وليداتك
من الافضل موضوعك تحطيه في قسم فلدات اكبادنا باش استافدو منه الامهات