يثبت ………………….أم اشرف وإسراء
السلام عليكم ورحمة الله وبركاته
بصراحة ماعرفت فين نزل هذ الموضوع هو عبارة عن فن ط§ظ„ط§طھظٹظƒظٹطھ ظˆظ…طط§ظˆظ„ط© طھط؛ظٹط± ظ„ط¨ط¹ط¶ ط§ظ„ط³ظ„ظˆظƒظٹط§طھ ط§ظ„ط®ط§ط·ط¦ط© اللي كانطيحو فيها يوميا سواء في البيت في الشارع في السوق في اماكن عامة عند الاهل عند الاحباب في لعراضات ..الخ
1 ــ فن اتيكيت التليفون :
الى كنت انا اللي طالبة شي رقم نقول اسمي ومن بعد نطلب الشخص اللى بغيت (مثلا الو معك الهام ممكن نتكلم مع سعاد من فضلك؟او الو معك الهام بغيت سعاد الله يخليك/ الو معك الهام كاينة سعاد بغيت نهدر معها)
وخاصني نراعي للشخص اللي كانهدر معه مانهدرش معاه بتكبر ولا باستهزاء خاص يكون ردي واضح مهذب ومحدد (لاني انا ماكنعرفش هذاك الشخص اشنو كايدير يمكن مشغول يمكن خارج يمكن مريض ..الخ)
الى شي حد طلبني فى التليفون نرد عليه بسرعة (راه ماتصل حتى كان عندو الغرض بيا وطبعا من خلال صوتو واسلوبو غادي نعرف واش مهم ولا غير لتسلية) والى معايا شي حد نستأذن منو قبل مانجاوب في التلفون(مثلا المعذرة دقيقة نجاوب على التلفون /سمحولي نجاوب على التلفون/ الى جات على خاطرك نجاوب على التلفون)
ومن الضروري خاصني نرد البال مع الناس اللي معايا باش مانقلقهم ونرد البال مع المتصل باش مايسمعش اصوات الناس اللي معايا وينزعج (نمشي بعيد شوية ولكن مانغيبش على عينين ضيافي )
وخاصني نهدر بصوت مسموع لشخص اللي متصل عليا مع المراعاة مانزعجش الناس اللي معايا ونغوت حتى يسمعني كلشي الناس ومانغوتش حتى نضر المتصل في راسو ويحرم يتصل عليا ههههه
بعض المرات كايكون حدانا شي حد يهدر في التلفون نسمعو قصة حياتو بالتفصيل 
وخاصك تهدري بصوت انثى ماشي صوت العربي مول الدلاح 
والى كنت مع ناس عارضيني ولا عند الطبيب عند محاميولا مشيت لشي ادارة ودخلت عند المسؤول ولا جا دوري عند شي موظف من ط§ظ„ط§طھظٹظƒظٹطھ نحط تلفوني على الصامت ولا نطفيه كااع راه من غير الايق باش يبقى يصوني ونقطع ولا يصوني ونجاوب وانا هذاك الشخص عاطيني من وقتو ومحترمني
والى كانت شي وحدة مثلا مع خطيبها في جلسة نقاش عشاء استفسار تطفي التلفون
ولا في نقاش مع زوجها عمها باها امها اي نقاش من ط§ظ„ط§طھظٹظƒظٹطھ تطفي التلفون لانه غادي يخربق لك افكارك ويزعج الشخص اللي يناقشك
2 ــ فن اتيكيت المشي :
المرأة خاصها تعرف بلي هيا انثى وتعرف بحالاش تمشي والمشي هو اهم مايلفت النظر الى المرأة
ماخاصكش تجري رجليك وانتي تمشي (كانشوف عيلات زوينات وانيقات ولكن يجرو رجليهم شي تجرجير يجيب لي لفقايس )
وماتتمشاييش بحال شي راجل رجليه مفركين وماتمشيش بحال الى دايرين ليك الضوء واتمشيش وانتي تترعدي كلك مشي غير بهداوة وبدون تجرجير بيني بلي انتي امرأه ولكن بدون دلع هايفاء وهبي تذكري انك مسلمة . طلقي ذراعيك على لجناب ديالك وهزي كتافك وقادي ظهرك حافظي على توازنك سبقي مقدمة رجلك قبل gدامك (الكعب) على الارض .
الى كنتي على رجلك في الطريق الشارع الزنقة مشي دايما عكس سير اتجاه السيارات( مثلا مشي والسيارات اللي جايا كاتشوف فيك باش تكوني شايفاهم حتى مايبقاو يكلاكصونيو عليك باش تخرجي الطريق) مشي فوق الطروطوار (trottoir) بعدي على بيبان الناس وماتدخليش في الطريق خليك على الطروطوار وتذكري ان الطريق ملك عام الى كنتي مع صحباتك ماتديروش صف وتجو خارجين في الناس الى شفتو شي حد في طريقكم اعطيه الطريق يدوز وماتهدريش بصوت عالي في الزنقة تذكري انك امرأه ومسلمة وفن ط§ظ„ط§طھظٹظƒظٹطھ بانواعه جا بيها الاسلام قبل كل الديانات والبروتوكولات نقي الكلمات الطيبة الى دزتي من جنب شي امرأه لقي التحية مع الابتسامة واخا غير تهزي راسك وتدوزي والى تصادفتي مع صديقة قريبة وقفي قبل مانوصلك وابتسمي وحلي ذراعيك استقبلا لها وسلمي عليها ودوزي يد على ظهرها ويد شادة في يدها بكل لطف لان فيها نوع من الراحة وتخلي الشخص يحسك قريبة منو بزااف واخا تكون بينكم قطيعة ملي تكملي السلام بالجسد ميلي على يمينها وتقدمي بخطوة وحدة (باش ماتحرجك وتسبق ليك انا مشغولة)وبداي بسؤال عن صحتها وعن اسرتها ولكن بكل اختصار وماتطوليش وتجبدي مشاكل عمك وخالك وجارتكم نادية وولدها تامر والعربي مول الدلاح لالالالا خليك غير على السلام والسؤال عنها وانك مفتقدتيها وودعيها على انكم غادي تتلاقو مع الابتسامة
من فن ط§ظ„ط§طھظٹظƒظٹطھ اننا مانبقاش نحنزو(نخرجو عينينا)في الناس ونهدرو عليهم وحنا نشاورو لهم بيدنا او راسنا
من فن ط§ظ„ط§طھظٹظƒظٹطھ مانتفلوش في الشارع (دفلة) ونخويو نيفنا ونرميو الزبالة (انا بعدا كانحشم وكانقول لو المغرب يصدر التفال كان حنا اغنا بلد لاني كانكون غادية ونقلب فين نحط رجلي من كثرة التفال حاشاكم) من العيب والعار علينا وعلى شبابنا انه يرجع الشارع والزمقة وقدام بيتهم مكان لتفال وقشور الزريعة وبابي ديال الحلويات ..الخ ( في بعض الدول حطو كاميرات ترمي غير عود سنان خاصك ترجع تهزو ايوة يجو عندنا كان راه كاع الرجال شادين الجفاف ونهار كامل كايجففو دفالهم اللي دفلوه في الزناقي والشوارع)
يتبع
tk hghjd;dj ,lph,gm jydv gfuq hgsg,;dhj hgoh’zm (lj[]]) Hjp]n
الكلام فن وخاصك تعرفي امتى تبداي الكلام وامتى تنهيه وتحددي الكلمات والالفاظ
خلي اللي قدامك يهدر حتى يحس بالراحة من الاتيكيت تسمعيه مزيان مع الابتسامة الخفيفة الى كان حوار عادي والى كان شكوى والشخص حزين بيني انك حزينة من اجله ولكن ماتديريش السنما وتبداي تولولي وتبكي الالالا خليك انثى وخلي وتيرة الصوت ديالك لطيفة وماتقسيها بحال ديال العربي مول الدلاح ههههه. خلي اللي اكبر منك سنا او مقاما يتكلم قبلك. بعدي كل البعد على الكلام المصطنع لان اللي قدامك راه كايحس . ما تقوليش لمن أخطا انت مخطئ ولكن قولي يمكن تكون انت صح ولكن انا كانظن..الخ. ماتحاوليش تعرفي اسرار الناس ومن العيب والجهل انك تسولي شي حد بشحال شريت هذه؟ فين شريتها؟ الى الا كانت ختك او امك او صدييييقتك المقربة مقربة مقربة ok(راه حنا كانقولو حتى لبنت خالت عمت جارت جدات جيرانا اللي في الزنقة اللي من ورا زنقتنا مقربين اويلي على هبال استغفر الله العظيم) والى جاب الله قالك شي حد على سر من اسراره حتافظي بيه راه سر ماشي قصة تنقال لــ100 مراة وكل وحدة بحدها غير نيت ديريها في الجورنال . ومن فن الاتيكيت تجنب الهدرة عن نفسك وعن صحتك و مرضك(كاين شي وحدين كايسحابلهم حنا صبيطار ومحكمة استناف وجمعية خيرية ومقر نفايات للهدرة (اويلي وحدي غير تشوفك تبدى تشكي مانعست لبارح من ظهري ورجليا وراسي وصدري وشوفي وجهي كي صفر وشعري يطيح ووو الخ افيقي احنينتي انا راه بشر بحالي بحالك راه طاقتي ماتستحمل كل هذ الشكاوي ). من فن الاتيكيت انك تكوني متواضعة في اسلوب هدرتك .من العيب جدا الهمس في اذن شي حد وانتي في مجموعة من الناس. من العيب تبادل الغمز والهمز في الجماعة. ماتهدريش مع صاحبتك بلغة ثانية وكاين ناس مايعرفوش هذيك اللغة.
يتبع
المشاركة الأصلية كتبت بواسطة ماما مرموشة 
العفو منكم نتعلم
اسجل حضور
موضوع جميل جداً
تبارك الله عليك
احلى تقيم في انتضار التتمة
وكتعجبني بزاف طريقة سردك لموضوع ههه خصوصا العربي مول الدلاح
راني نيت الحمدلله من الأشخاص لي تيعتمد هاد الامور لي ذكرتي..ولكن بنادم تيصدمني بعض المرات..تيتدخل في الخصوصيات وتيطرح الأسئلة..راجلي تيقول لي حيت عارفينك نية..تنجاوب بلا لف ولا دوران متنعرفش ليه وتنخاف نكدب حيت عارفة راسي غدي نسى