طريقة الحفاض على سكينة المنزل دين +معاملات +نضافة +اقتصاد+فرش …………كل مايخطر فبالك ويهم بيتك والمشاكل الي تتواجهك فتسييره وخصوصا المصثروف ههه اجي نتعاونو فيه وامركم شورى بينكم
وطبعا مرحبا والف مرحبا بالامهات الغاليات الي رباونا وكبرونا باش يعلمونا ويعطيونا خبراتهم
ومرحبا ايضا بالعازبات الى بغاو ياخدو نضرة مستقبلية
تنمتنى من اعماقي عدم تهميش الموضوع
انا وراجلي فالدار وبنيتة عندها عام و3 اشهر تبارك الله ربي يحفضها ويحفض ليكم وليداتكم
j[lu vfhj hghsv hgwydvm -o’,hj; hgh,gn td jplg hgls,,gdm – hglsc,gdm o’,hj;
أنا متزوجه منذ ٦ سنوات و لدي ثلات أطفال ماشاء الله
نحاول نشارك معكم بتجربتي و نتمنى من الله تستافدو مني و تفيدوني
في بداية الزواج أنا كنت كنشوف غير داك شي الزوين في الزواج ولكن الصراحة كانت أول سنه من أصعب السنوات خاصة أني حملة مباشره من بعيد العرس
المهم أنا في الأول كنت قررت نبدا حياتي في رضا الله و كان الدين هو الأساس في البيت واخا أنا مشي ملتزمه مزيان ولكن كنت كنهاول نحكم الدين في داري
و الحمد لله ربي عوني . الهم بالنسبه لي ملي مكنوش الأطفال كنت كانهتم بالبيت طبعا تحضير الطعام و الزوج ضروري و لبسي و إهتمامي براسي كان أكتر و ملي جاو دراري خلاص وليت كنمشت راسي غير ملي كنغسل
أول حاجه ننصح بها أي ربة أسره هي النظام في كل شي خاصة تنضيم الوقت
بالنسبه للمصروف كان في يد رجلي في الول من بعيد خيدته أنا . كنشري غير الضروري و لي محتاجين ليه و الباقي كيتخبا باش منخسرش بزاف كنت كانكتب شنو خصني في ورقه و كانشري غير دق شي هكذا كاتوفري بزاف
بالنسبه للفراش كنا كل مره كنشريو شي حاجة بشوية بشويه و الحمد لله ساعدونى الناس كين لي عطاني تلجه قديمه و لي عطاني بوطة الله يجازيهم
في الول داري كلها كانت فيها غير لفراش لقديم دبا الحمد لله تقريبا كلشي جديد فنصيحة ف هاد الموضوع د لفراش أنكم تصبروا و تصديو باش ما كان باش ديره حاجة مزينه .
بالنسبه لتربية الأطفال و اللي هي أصعب حاجة و ياربي توفقني و توفيق كل الأمهات لتربية أبنائهم تربيه صالح ه
زوجي كيعاوني في تربيه كل ما كان عنده وقت و هاد شي مهم . وكذلك تنضيم أوقات الاكل و النوم ديال الطفال تا هي مهمه
أنا دبا كل نهار ولدي كينعسو مع ٨ و صلبه ملي يفيقوا كنحصيلهم وجهم أ داك شي و نفترهم أ نديهم مدرسه من بعيد نرجع دار نفطر ولدي صغير نجمع الدار نطيب نجيب الدراري عوتاني ياكلو يرتاحو نصاريهم عربيه و القرآن حيت أنا كانعيش ف بلد غير مسلم . كذلك كنشوف مع أولادي الرسوم من قناة سمسم أو المجد مسجلين عندي مكنسمهش لهم يشوف أي رسوم حيت كين شي رسوم كيفسدو الدراري و كفسدو الله يستر تالعقيده ديالهم ف هادي نصيحه همه أنا الأمهات ينتبهو للأولاد ديالهم شنو كشف حيت دراري كسجلو كلشي . و هذا معندي نتمنى نكون فدتكم
حاجه همه تا واحد ما كامل و مدمنة هنا في الدنيا و هنا كل نهار كنيتعلمو حاجه جديده و نتعلمو من أخطاء ديالنا و ضروري تم ضروري أن هاد شي كلو لي كانصومه به يكون لله و الدعاء لله يساعدنا و يصلحنا آمييييينن
انا مزوجه هادي 7 سنوات و نصف ، عندي 2 وليدات باقين صغار او حامله
ولدي لول عندو 3 سنين ، او تاني عام ، او انا حاملا في الشهر السادس دابا
انا كلست 4 سنين بلا اطفال من بعد ربي رزقني ، ولكن جاو متابعين والحمد لله
بطبيعة الحال قبل ما اجيو لوليدات كيكون عندك لوقت لكلشي ، ولكن من بعد ما كيرزقك ربي بالدريه الصالحه ما كتبقايش تلقاي لوقت حتى باش تمشطي شعرك ههههه
انا دابا لي محني هو الحمل حيت جاني صعيب شوي ، يلا تنقابل لوليدات او نوجد الاكل ، او تنظيف تندير ع داكشي لخفيف
انا تنعيش في دوله غير مسلمه ، لدلك فانا عندي مسؤوليه كبيره في تربية لوليدات تربيه اسلاميه
يا رب تعينا او ما تخيبناش
حتى أنا زيدوني عليكم متزوجة هادي 3 سنوات أم لطفلة 3 أشهر مغتربة بامريكا
في صراحة أنا كنت عندي ماما في لولادة كانت معوناني غير مشات عاد حسيت بالمسوولية زوج ولبنت و دار …..
نتمنى نستفدو من بعضياتنا
حتى أنا زيدوني عليكم متزوجة هادي 4 سنوات أم لطفل سنتين و
نصف انا عايشة في المغرب