برنامجي الخاص لتنظيف ولطبخ

للدردشة من هنا…

يثبت…ماماشرف

السلام عليكم حبيباتي

حبيت نشارككم ببرنامجي في مراحل حياتي الثلاثة

غادي تتسألو علاش ثلاثة ،انا نقول لكم.

المرحلة الاولى ملي كان زوجي عايش
المرحلة الثانية فاش كنت بديت نبني داري مني برا ولداخل والخدامة كانقابلهم من صباح حتى 6 ديال لعشية
المرحلة الثالثة والاخيرة فاش كملت لبني .
اولا غادي نكتب لكم ط¨ط±ظ†ط§ظ…ط¬ظٹ الاسبوعي والشهري ظ„طھظ†ط¸ظٹظپ البيت.

الاسبوعي :

الاثنين:
الصباح كانمسح الثلاجة ونبدل إزور بيوت النعاس ونطوي الماريوات ديالهم وبالليل كانخرج الصابون من السلال (انا كانحط سلة في الكوزينة وسلة في كلوار طابق بيوت النعاس وسلة قرب ماكينة الصابون) ونحطو في سلة اللي قرب ماكينة الصابون ونرجع السلال بلاصتهم.

الثلاثاء :
صباح كانفرز لحوايج النقاية نحطهم في الماكينة اتوماتيك واللي مسخين نصبنهم بالعادية كاتخذ مني هذ العملية ساعة ونصف حتى ساعتين بالنشير وجميع الماكينة ومسحها ونغسل السطولة ونرجعهم بلاصتهم ونجفف مكان الصابون ونهبط.
عشية كانهبط الصابون من بعد مانطويه في السطاح وحوايج المصلوح كانصلحهم في بيت الصابون فالسطاح.
كانجمع مقابط الصابون فسطيلة ديالهم ونسدها ونرجعها بلاصتها ونبدى نستف ونرجع لحوايج من السطاح لبلاصتهم
فوطات حمام السطاح
وزيوف وسرابت كوزينة السطاح
وعندي واحد لبلاصة خاصة في بيت الصابون كانحط فيها فراشات الحمامات وريزرف فوطات السطاح وبعض الزيوف اللي كانرgهم من لحوايج لقدام ونحتفظ بيهم لمسيح النحاس وبحال لامينيو ولا شي حاجة بحال هذ الغراض

وكنرجع فوطات الحمام لصيكان الحمام (كل واحد دايرة ليه صاك وتروس فيها كيسات الحمام مشطة حكاكة لgدام شامبو صابون الحجرة صابون الريحة جل دوش باط ديال صابون البلدي صابون سنان ماكينة حسانة جديدة كل اسبوع لاتروس ديالي وديال بنتي فيها مقبط ديال الشعر،
ولنا انا وبنتي 4 سطولة كبار كل وحدة 2 فلون نفس لون الفراشة والغراف والصندالة ديال الميكة خاصين للحمام) وهكا كل واحد عارف صاكو وموجود في اي وقت ودايرة صاك زيادة على حسب الضياف اللي يطولو باش يمشو للحمام.

ونهبط لبيوت النعاس ندخل حوايج كل واحد لماريوه ونحط ايزور النعاس في بيت لفراش.
ومن بعد نهبط لصالات نحط فوطات تحت الفاسكي ديال قاع الدار
ونحط فوطات حمام الضياف وفوطات الحمام اللي مع الصالات وكانستعملوه اكثر شي
وندخل السرابت وزيوف وشيفونات وفرشات الكوزينة وgرارص الخبز لمجورة بلاصتهم ونابات الطوابل ونطلع نرجع سلال لحوايج لبيت الصابون ونهبط.

الاربعاء:
كانمشي نجيب اي حاجة خاصة لدار من مواد تنظيف اعشاب بقوليات رز دقيق …الخ
(لهذا الغرض كانحط واحد المذكرة في الكوزينة وكل ماشفت شي حاجة خاصة كانسجلها فيها ملي نبغي نمشي لسوق كانقطع غير الورقة باش هذيك المذكرة تبقى دائما بلاصتها

الخميس:
كانسيق الدار ولهذ الغراض كانشد واحد السيدة من سنين وهيا معايا كاتجيني 4 مرات فالشهر تسيق معايا الدار ونمسحو بلاكارات الكوزينة ومرايات الحمامات.(سيمانة كلشي يتسيق وسمانة بيوت النعاس كانكتفي بتجفافهم)
كانخمل بيت الخزين وهذ العملية فيها فرز المواد حسب التاريخ(هذا بيت كانحط فيه السلعة وفيه الكونجيلاتور والدقيق والمشروبات من ماء ومونادا وغيرو ومواد التنظيف لاني بعيدة من السوق)

الجمعة :
راحة من التخمال

السيت :
الصباح كانخمل بيت لخزين هذ البيت فيه المواد الغدائية والكونجيلاتور والدقيق والمشروبات لاني بعيدة من السوق واصلا متعودة نشري مقدية شهرين واكثر ومواد التنظيف وعملية التنظيف ماتشد مني بزاف لانو اصلا صغير وكانفرز التاريخ ديال المواد ونقدم اللي تاريخها قرب ينتهي
ومن بعد لغداء الاهتمام بالجسم والذهاب للحمام وتكسيلة فاعلة تاركة

الاحد:
راحة ونوم طويل خاااااااااارج التغطية احيانا حتى ل12 ديال النهار حسب البرنامج الى فيه شي خرجة كانفيق مع 10 ولا 11.

*************************************
البرنامج الشهري

الاثنين الاول من كل شهر :
كانجيب واحد السيدة حادقة وخدمتها من داك الشي كاتعجن لي لمسمن والملوي والرزيزة بالليل قبل ننعس كانديرهم فالميكات وندخلهم للمجمد.(انا بصراحة ماكنعرف ندير الملوي ولا الرزيزة جربت شحال من خطرة ندير الملوي ماصدق لي اما الرزيزة ماعمرني زعمت عليها)

الثلاثة الاول من كل شهرين :
كاتعجن لبينيي والبيتزات الصغار (هذو الان كانديرهم بنفسي ولكن فاش كان راجلي عايش كانت هذ السيدة كاتتكلف بكل المعجنات لاني مانلقى الوقت)

الثلاثة الثانية من كل شهرين :
كاتصاوبلي البسطيلات الصغار ولكبار والسيgار حوت وداجاج وبيبي ( الان كانصاوبهم بنفسي)

الخميس من كل شهر :
كانخرجو فراش الصالات يتشمس وتسيق كل الدار

ولامينيو والنحاس وصابون لفراش والزرابي حسب الظروف الى بانو توسخو كاندير اسبوع كامل نشد السيدة اللي كاتساعدني وايدي بيدها مرة كايكون كل3شهور ومرة شهرين ومرة اكثر

وكل شهرين:
نهار كانصاوب العصير الاقتصادي (ديال الليمون بحدووديال الليمون مع انواع الفواكه وكانصاوب ديال الحامض مع النعناع بحدو والحامض بحدو وهذا كايشد لي اليد مرات حتى 7 ولا ال8 ديال الليل لاني كانصاوب كمية تديني شهرين وندخلو للمجمد)
ونهار كانشري كمية كبيرة ديال المعدنوس ونغسلو ونقطعو بالماكينة وندخلو للمجمد (انا ماكنديرش القزبور فالاكل ديالي)
ونهار ماندير اللوبية والباربة وخيزو واللفت والجلبانة وغيرها من الخضر فالمجمد
ونهر كاندير الثومة مع المعدنوس ونديرهم في مكعبات الثلج ونجمدهم ومن بعد نخرجهم ونجمعهم في بلاستيكة والى المجمد وفين ماحتجت ليهم نجبدهم

ونهار نجيب الدجاج ونغسلو ونشرملو والى المجمد
وهكا كل شهر عندي شغل ديال المجمد مرة كفتة مرة لحم يتقطع ويتفرق فلبلاستيكات ..الخ

وهذ البرنامج ماتغير غير القليل منو لان الضياف قلو من بعد وفاة زوجي الله يرحمو ونقصت عليا مولات المعجنات كانجيبها غير قبل رمضان وباقي السنة انا كانصاوب لمسمن والكريب والكيكة والالبيتزات والبسطيلات الصغار لكبار ماكنصاوبهمش من بعد توفات زوجي غير الى جاوني الضياف

والحلويات ماكنديرهمش دائما والى حتجت لكمية كبيرة كانشريها من عند واحد السيدة كاتصاوبها غزاالة لاني انا ماعنديش مع الحلويات

*****************

هذا برنامج الاكل ديالنا لشهر كامل:

يـــتـــبــــع

---

fvkhl[d hgohw gjk/dt ,g’fo (f],k v],]) f],k v],] ,l’fo

التتمة
هذ ابرنامج الي غادي نكتب لكم الان هو برنامج قبل 5 سنوات ونصف ايام كان زوجي عايش الله يرحمو ويرحم اموات المسلمين وانا كانكتبو غير باش لبنات اللي مزوجات او غادي يتزوجو يستافدو منو الى عجبتهم شي حاجة ولو بسيطة منو وماتنسوني من الدعا ولكم الاجر ان شاالله.

الاثنين:
كانفيق مع 7 ونمشي ندوش ونتوضى ونمشط شعري ندير كحلة وgلوسو كريم للوجه وللجسم ونتعطر. (غير نكمل الدوش ديالي نغير الفوطات ونعطر الدوش ونمسح لمرايا بسرعة هذ الشي مايخذش مني بزاف دلوقت)
نطوي بيجامتي نرجعها بيت النعاس ونخرج حوايج داخلية وبينوار ديال الحمام لراجلي وندخهم للحمام
نمشي لصالة نفتح الشراجم وندير الما يطيب ونخدم مكينة القهوة cafetiere
ونخرج الخبز والكروسان وندخلها للفران تسخن ونخرج اي حاجة بغات تخرج من المجمد.
نمشي نفيق ولدي ونفتح الشرجم ديالو ونمشي نصلي
ندير براد ديال اتاي يطيب ونوجد لحليب لولدي (ماكيشربش لا قهوة لا اتاي) ونحط لفطور لودي على طابلة الكوزينة.
نخلي لولد يفطر ونرجع ندير بلاطو فيه كاس عصير براد اتاي لراجلي وقهوتي ونمشي نفيقو
(لا انا لا زوجي كانكلو شي حاجة مع الصباح ومرات انا حتى 10 عاد كايجيني الجوع ناكل شي حاجة)
على بين مايتدوش نكون حضرت حوايجو تقاشر الصمطة الكستوم القميجة الصباط بزطامو ونظاظرو ونحط حداهم سوارت الطموبيل وبزطامو ولبورتابل
على بين مايصلي و يلبس راجلي يكون ولدي خرج لقرايتو
نgلس مع زوجي هو يشرب اتاي وانا قهوتي ونهدرو واحد شوية حتى توصل 8 ونصف ومرات حتى 9 ويخرج لخدمتو ونبدى شغل الدار وهذ البرنامج ماكايتغير غير يوم السبت زوجي كاينعس حتى 10
ويوم الاحد كلنا كانعسو حتى لوقت متاخر غير ولدي مرات كايفيق يمشي يلعب الكورة.

برنامج شغل الدار كانبدى بالصالة والحمامات نمشي لبيوت النعاس نجمع وسط الدار وندير لغدا ونغسل لماعن ونخرج
la poubelle وندوز الجفاف ونحيد الغبرة الا يوم الاحد ماكندير والو واخا نشوف كل شي مسخ كلشي مشتت هذ النهار كانعطيه لنفسي وكانتخيل بلي انا مسافرة والدار ماشي داري وعلى اني على جزيرة وبهذ الطريقة كانكون نسيت مشاكل وهموم وارهاق stress الاسبوع كامل

وبرنامجي فاش كنت نبني كنت كانخرج من الدار 6 ونصف كل صباح الا يوم الاحد ماكيجوش الخدامة و كانجمع الدار بالليل ونصبن بالليل وحوايج ولدي ماكنصلحهم نخليه هو يصلحهم باش يتعود يساعد ويتحمل مسؤولية نفسو ونحط الغدا فالثلاجة وملي يجي مع 12 يسخن ويتغدا ويغسل لماعن ويخرج لقرايتو فاش نجي انا مع ال6 ونصف فلعشية كانسخن شي حاجة ناكلها وندير قهوة ونgلس نشربها وندير حساباتي نسجل اشنو شريت اشنو عطيت للخدامة اشنو خاصني ندير تلفونات حسب الحاجة
وفاش درت الضالة الرابعة ودخلت الضوء هزيت حوايجي ورحلت وسكنت مع الخدامة لاني هلكتني الطريق وكل يوم نرجع مسخسخة
وبرنامجي الان هو نفس برنامجي فاش كان زوجي عايش من ناحية التنظيف والاكل غير انو الضياف نقصو بزااااااااف وبنتي فاش كملت قرايتها برا رجعت وخدمت في مدينة ثانية كاتجي غير فالعطل الله يوفقها ويسر لها امورها والولد الان مشا للجامعة الله يوفقهم ويوفق وليداتكم كاملين وبقيت غير انا
برانمجي مع دار اهل زوجي هو هو ماتغيرش غير انا وليت كانسهر مرات وشغل الصباح كانديرو بالليل ماتاخر وكانفيق مع 9 او 10 الا يوم الاحد باقي على حالتوو

هذه بعض الصور صورتها لكم اليوم من برنامج يوم الاثنين
كانفتح اشراجم ونخلي النموسية تتهوا

فاش فطرت رجعت قاديتها وطويت بيجامتي وحطيتها على النموسية

رتبت الماريو غير ترتيب خفيف

هذه سلة الصابون اللي في كلوار بيوت النعاس وفوق منها واحد السليلة فيها فوطات صغار باش اللي دخل الحمام يهز فوطة
نقية خاصة فيه ويرميها فالسليلة فاش يسالي

وهذا حمام بيوت النعاس

قاديت الثلاجة

التتمة
هذ ابرنامج الي غادي نكتب لكم الان هو برنامج قبل 5 سنوات ونصف ايام كان زوجي عايش الله يرحمو ويرحم اموات المسلمين وانا كانكتبو غير باش لبنات اللي مزوجات او غادي يتزوجو يستافدو منو الى عجبتهم شي حاجة ولو بسيطة منو وماتنسوني من الدعا ولكم الاجر ان شاالله.

الاثنين:
كانفيق مع 7 ونمشي ندوش ونتوضى ونمشط شعري ندير كحلة وgلوسو كريم للوجه وللجسم ونتعطر. (غير نكمل الدوش ديالي نغير الفوطات ونعطر الدوش ونمسح لمرايا بسرعة هذ الشي مايخذش مني بزاف دلوقت)
نطوي بيجامتي نرجعها بيت النعاس ونخرج حوايج داخلية وبينوار ديال الحمام لراجلي وندخهم للحمام
نمشي لصالة نفتح الشراجم وندير الما يطيب ونخدم مكينة القهوة cafetiere
ونخرج الخبز والكروسان وندخلها للفران تسخن ونخرج اي حاجة بغات تخرج من المجمد.
نمشي نفيق ولدي ونفتح الشرجم ديالو ونمشي نصلي
ندير براد ديال اتاي يطيب ونوجد لحليب لولدي (ماكيشربش لا قهوة لا اتاي) ونحط لفطور لودي على طابلة الكوزينة.
نخلي لولد يفطر ونرجع ندير بلاطو فيه كاس عصير براد اتاي لراجلي وقهوتي ونمشي نفيقو
(لا انا لا زوجي كانكلو شي حاجة مع الصباح ومرات انا حتى 10 عاد كايجيني الجوع ناكل شي حاجة)
على بين مايتدوش نكون حضرت حوايجو تقاشر الصمطة الكستوم القميجة الصباط بزطامو ونظاظرو ونحط حداهم سوارت الطموبيل وبزطامو ولبورتابل
على بين مايصلي و يلبس راجلي يكون ولدي خرج لقرايتو
نgلس مع زوجي هو يشرب اتاي وانا قهوتي ونهدرو واحد شوية حتى توصل 8 ونصف ومرات حتى 9 ويخرج لخدمتو ونبدى شغل الدار وهذ البرنامج ماكايتغير غير يوم السبت زوجي كاينعس حتى 10
ويوم الاحد كلنا كانعسو حتى لوقت متاخر غير ولدي مرات كايفيق يمشي يلعب الكورة.

برنامج شغل الدار كانبدى بالصالة والحمامات نمشي لبيوت النعاس نجمع وسط الدار وندير لغدا ونغسل لماعن ونخرج
la poubelle وندوز الجفاف ونحيد الغبرة الا يوم الاحد ماكندير والو واخا نشوف كل شي مسخ كلشي مشتت هذ النهار كانعطيه لنفسي وكانتخيل بلي انا مسافرة والدار ماشي داري وعلى اني على جزيرة وبهذ الطريقة كانكون نسيت مشاكل وهموم وارهاق stress الاسبوع كامل

وبرنامجي فاش كنت نبني كنت كانخرج من الدار 6 ونصف كل صباح الا يوم الاحد ماكيجوش الخدامة و كانجمع الدار بالليل ونصبن بالليل وحوايج ولدي ماكنصلحهم نخليه هو يصلحهم باش يتعود يساعد ويتحمل مسؤولية نفسو ونحط الغدا فالثلاجة وملي يجي مع 12 يسخن ويتغدا ويغسل لماعن ويخرج لقرايتو فاش نجي انا مع ال6 ونصف فلعشية كانسخن شي حاجة ناكلها وندير قهوة ونgلس نشربها وندير حساباتي نسجل اشنو شريت اشنو عطيت للخدامة اشنو خاصني ندير تلفونات حسب الحاجة
وفاش درت الضالة الرابعة ودخلت الضوء هزيت حوايجي ورحلت وسكنت مع الخدامة لاني هلكتني الطريق وكل يوم نرجع مسخسخة
وبرنامجي الان هو نفس برنامجي فاش كان زوجي عايش من ناحية التنظيف والاكل غير انو الضياف نقصو بزااااااااف وبنتي فاش كملت قرايتها برا رجعت وخدمت في مدينة ثانية كاتجي غير فالعطل الله يوفقها ويسر لها امورها والولد الان مشا للجامعة الله يوفقهم ويوفق وليداتكم كاملين وبقيت غير انا
برانمجي مع دار اهل زوجي هو هو ماتغيرش غير انا وليت كانسهر مرات وشغل الصباح كانديرو بالليل ماتاخر وكانفيق مع 9 او 10 الا يوم الاحد باقي على حالتوو

هذه بعض الصور صورتها لكم اليوم من برنامج يوم الاثنين
كانفتح اشراجم ونخلي النموسية تتهوا

فاش فطرت رجعت قاديتها وطويت بيجامتي وحطيتها على النموسية

رتبت الماريو غير ترتيب خفيف

هذه سلة الصابون اللي في كلوار بيوت النعاس وفوق منها واحد السليلة فيها فوطات صغار باش اللي دخل الحمام يهز فوطة
نقية خاصة فيه ويرميها فالسليلة فاش يسالي

وهذا حمام بيوت النعاس

قاديت الثلاجة

غيرت البابي للبوطة

رديت لغدا

غسلت لماعن فايت شرحت في موضوع قديم على اني ماكستعملش شبكة لماعن في هذ الكوزية باش مانتهاونش ونخلي لماعن
كانستعملها غير في كوزينة السطاح

دوزت الجفاف على الدار والكوزينة

هذا هو الزبل اكرمكم الله اللي على الارض من نهار السبت مادوزت الجفاف ولا شطابة والان راه درت غير الجفاف بدون شطابة

شوفو لوسخ اللي فالماء راه الى كل نهار نديرو حاجة تبقى الدار نقية

هذ الشيفونات كاندوزهم من بعد مانجفف كايحيدو اي حاجة بقات من الجفاف

غادي نشف لماعن

دوزت على الميكرو ونصيحة مني للاخاووات حطو لميكرو قريب من لبلاصة اللي توقفو فيها بزاف باش الى بغيتي توقفيه ماتحتاجي تتحولي

هذا تحت لبوطاجي كاندير فيه كل حاجة نحتاجها للغسيل والتنظيف باش تكون قريبة مني

هذه هذيك لgويميلة الصفرا اللي جنب سطلة مواد التنظيف كاندير فيها محكات لماعن مع جافيل

هذ لمجر بين المكرو ولافابو والبوطة فيه العطرية باش يكون قريب مني

هذا تحت منو فيه السرابت وفراشات لبلاطوات وفراشات طابلة الماكلة les sets de table

وهذا مجر فيه زيوف لماعن وشيفونات

هذا مجر فيه السلوفان وورق لالومنيوم والجورنال لزاج

هذه واحد ايتاجير etagere من لينوكس دخلتها بين البوطة والحيط درت عليها مكينة القهوة cafetiere واتاي والقهوة وشي مواد بحال السمن والسكر والروز والشعرية وسباقيتي وتحت درت واحد سليلة فيها لبصلة وبطاطة

هذه سلة الصابون اللي فالكوزينة جنب سطل الزبل la poubelle اكرمكم الله

هذا ماريو فيه لبلاطوات واحد السليلة كاندير فيها لبلاستيكات ديال ديال la poubelle

هنا فيه غير ماعن التقديم من الخبز للفواكه للمكسرات لفراشات الكيسان وماعن تقديم الزبدة والعسل …الخ

هنا فاش كانسالي كاننشر هذاك الزيف اللي كانفرش لماعن على سلة الصابون

من بعد ةمانشف لافابو ونمسحو بالخل ونخليه يلمع
كانحط واحد الكاس قرب من لافابو ونفرش ليه واحد الزيف باش اللي بغا يشرب يلقاه قريب ويرجعو على الزيف باش مايرغنش لافابو

هذا حمام الضياف كاندخل نجمعو ونعطرو ونسدو

وان شاالله يكون عجبكم نظامي
وغادي نحط لكم صور اماكن ثانية مع الشرح

هذو صور لقيتهم في لبيسي pc كنت صورتهم قبل رمضان ديال بيت لخزين ديال المواد الغدائية ومواد التنظيف
هذا هو المخزن reserve ravitaillement

السلام عليكم حبيباتي
اليوم غادي نوريكم برنامجي في ترتيب وتنظيف الملابس والفراش وتعطيرهم وبعض الافكار اللي تعلمتها من امي الله يخليها لي والبعض الاخر تعلمتو من المدرسة (في الثمنينات وقبل كانو المدارس البلجيكية فيهم برامج تخص الاناث وبرامج تخص الذكور مثلا كل يوم اثنين كان عندنا من الساعة 8:30 حتى الساعة 10 برنامج ترتيب البيت وللذكور برنامج في نفس التوقيت الميكانيك والنجارة والبريكول والبستنة) وفاش وليت بداري تعلمت من النصرانيات بزااف ديال لحوايج لاني انا كانمووت على شي حاجة كاتهم البيت والاسرة من وانا صغيرة، واليوم قررت نعطي من هذ الافكار وفايت حطيت موضوع بهذ الخصوص غادي نحط لكم الرابط ديالو هنا
https://www.anaqamaghribia.com/vb/sho…d.php?t=407527

والباقي غادي نكتبو لكم الان و ان شاءالله ومن بعد نحط الصور لهذه الافكار والصور من بيتي وداري باش تكون شاهدة وماشي من قوقل وهذا غادي يشجع الحادقات اكثر ويشاركونا حتى هما بافكارهم وبصور من تجاربهم ونصائحهم ونديرو النفس في لبنات اللي عاد تزوجو وماكانوش يقربو لشغل الدار .

==============

نبداو على براكات الله
برنامجي في تصبين وطي الملابس:
ملي نبغي نصبن
كانلبس شي حاجة قديمة مانخاف يقيسها جافيل وﻻ تفزق وحسب الصابون الى كان فراش كانلبس شي بيجامة من جوج قطع سروال قصير وتيشرت باش نكون مرتاحة وشي صندالة ميكة ونحط فشي بلاصة قريبة ليا التلفون باش مانبقى غادية جاية
نوجد الصابون جافيل الصابون لبلدي ومعطر لحوايج الى غادي نصبن لفراش كانجبد لبانيوات والسطولة وشي غراف وﻻ سطيلة صغيرة والتيو ونخلط الصابون tide / omo او اي صابون كانستعمل ونبدى نصبن بعد مانكون شطبت السطاح مزياان حتى ماتبقى فيهﻻوﻻ ريحة الغبرة نخوي الماء حتى نفزg الزربية مزين ونحط من فوقها البانيو وندير فيه الماء والصابون وجافيل ونخلط مزيان وندير الكواش وحدة بحدة ونبدى من اللي مامسخاش بزاف والجدادات نرقدها وندوز نعمر بانيو ثاني ومن بعد نرجع نشتف عليها مزياان كاندير جوج عمليات في وحدة صابون ورياضة مخيرة ونخرجها نحطها على كرسي ونزيد الماء والصايون وندير لوخرا وهكا حتى نكملهم نرجع ندير لهم الراس الثاني والثالث ونسقطرهمةمزيان وكل هذ الشي على الزربية باش تفزg مزيان ومع المشي فوق منها والشتيف حتى هيا كاتصبن ومن بعد نوجد 3 بانيوات فيهم الما والاخير فيه الماء والمعطر نبدى نشلل لكواش حتى ماتبقاش تطلع رغوة الصابون ويولي الماء صافي نقي عاد نديرهم في المعطر ونديهم ونجيبهم ونحطهم يستقطرو فشي بلاصة بعيدة على الزرابي وتكون مطرفة ونجي لزرابي هاك بالاك الشيتة والزلافة والكراطة وجميع الاسلحة الفتاكة مع التيو والصابون وجافيل(جافيل كايجي لكل الزرابي العصريات Tapis tufté tapis acrylique et polyester مايخسر عليهم والو) ونحك ونفرك حتى ترجع تشعل وتقول واك واك الحق نبرمها بحال السيgار وانا نخوي عليها الماء بالتيو مع مرة مرة نجر الماء منىتحتها بالكراطة ملي نبرمهاﻻنجرها بعيد (لهذ الغراض دائماىمعي لمرأة المساعدة فالتنظيف ولكن انا دائما المسييرة والمتحكمة لان لفراش فراشي وهيا غير تساعد مانتكل عليها راه ماغاديش تبرد لي الخاطر) نشلل لبلاصة ونكرطها ونرجع الزربية نفتحها ونبدى نشلل مزياان الى ماتشلوش مزيان يولو حرش فاش توطاي عليهم وحتى لكواش الى ماتشلوش مزيان تشوفيهم بحال الى صوفتهم هابطة وملبدة ولكن كل ناتشلو وتنقاو يولو مفتوحين وبحال لحرير ونشد جو كراسا ونحط عليهم الزربية ونبدى في الفرشات الصغار (طابيات ديال السرير والكوزينة وو الخ) نفس التصبين وننشرهم بعد ساعات نجبد لكواش في لحبل والزربية حتى لليوم الثانية ونرسرحها فالسطاح فاش ينشفو لكواش نسوسهم باش تطير منهم الخملة ونعطرهم بشي عطر مايديرش الطبايع ونطويهم وندخلهم للميكان ونجمعهم والان في داري الجديدة عندي بيت صغيرة خاصة للفراش نانحتاجش ندير لهم الميكة لان البيت مافيها حتى بلاصة تدخل منها الغبرة ومرة مرة بالليل كانخلي البيت مفتوحة تتهواء وكل 3 شهور نطلعهم لسطاح يتشمسو والورابي فاش ينشفو نطلع سبيراتور لسطاح ندوزها عليهم ونبرمهم الجيهة لمصوفة لداخل ونجمعهم بالسكوتش ودخلهمةلبيت لفراش والى ديال لفراش كانفرشهم هذيك الساعة
لتصبين لحوايج كانفرزهم كاين اللي نصبنو في ماكينة اتوماتيك وكاين ديال الماكينة العادية لانها كاتخرج واقتصادية في الماء وكانتحكم في التوقيت نبدى دائما بلحوايج لكحل نصبنهم نشللهمةوننشرهم بعد مامسحت لحبل مزياان بخرقة فازgة وندير لكحل فيﻻابعد بلاصة على البيض باش مايطير عليهم الماء ديالهم ونبدى بالسراول نقلبهم ونشدهم من الصمطة ماشي من الرجلين ونقادهم ومانطويهنش على لحبل ومن بعد لبيجامات حداهم ومنةبعد ننشر التريكوات ونخلي حبل خاص للتاقشر والسليبات والوفيتمات والستيانات وزيوف الشعر
نرجع للحوايج لملونين انا بصراخةةحوايجي مامسخينش بزاف كاندير جوج رووس لول ربع ساعة والثاني 7 دقايق ونشلل 3 مرات الاخيرة فيها المعطر ونبدى ننشر من لكبير لصغير وكل بيجامة حداها تريكوها كل بينوار حداه حزامو كل حاجة حداها ختها باش في الكي مانتلف والتقاشر كاننشر كل 2 فرادي مع بعض باش مايتجلاوش عليا وماعمرني لقيتى مشكلة مع التقاشر لاني كانجمعهم مع بعض
وحوايج ولدي كانديرهم في حبل بحدهم وحوايجي نفس الشي وزيوف الكوزينة متابعين والفوطات متابعين وحسب اللون وماكنديرش لحوايج على لحبل من النص لقوامج كاتشدهم من لتحت ومجبدين والتريكوات الى كانو ثقال مانشدهم من لتحت والى خافا من لكتاف ولكن كانراعي باش ماتبقاش بلاصة المقبط دايرة العلامة
وغير نحيد لحوايج من لخبل ديال النشير كانطويهم كانشد جوج سلال مربعين وكانوجدهم حداية فالسطح ونحط سطيلة لمقابط ديال لحوايج les pinces à linge وﻻ فيليلات وﻻ القباضات كل واحد وشنو يقول ليهم
تكون خاصة بيهم وماعمرني خليت ﻻوﻻ حتى مقبط واحد في لحبل ديال هاكاك معلق بحال لهبيل كاتجيني من قلة لحداكة
كانبدى بلحوايج لكبار وحسب كل شخص باش الى كانفرقهم على الماريوات مانلقاش صعوبة ونكثرعليا الخدمة وكانحيد حاجتين مع بعض ولا اكثر نحط في سلة ونبدى نسوسهم ونقلبهم ونقاد ونطوي والى كانو ديال المصلوح كاندويهم غير نصف طية والتقاشر نقادهم ونقلبهم ونطويهم على جوج وندخل وحدة في ختها وفاش نكمل حوايجنا نجي لسلة الثانية دنير فيها حوايج المصلوح وحوايج الكوزينات وجوايج الحمامات وايزور النعاس ونبدى بالحاجة اللي مكانها هو الاخيرواخر حاجة اللي مكانها قريب مني (مثلا انا عندي3 طوابق كانبدى بحوايج الطابق التحتاني ومن بعد حوايج طابق بيوت النعاس واخر شي حاجة هيا حوايج بيت الصابون وكوزينة السطاح لان الصابون فالسطاح ) وكل مانحيد لحوايج نجمع لمقابط ونرجعم لسطيلة ديالهم وفاش نكمل نرجع السطية بلاصتها ونبدى نصلح حوايج المصلوح انا حاطة المصلوح في بلاصت الصليح وموجد دائما ومفرشة ازار للصليح باش الى اضطر شي حد يصلح شي حاجة بسرعة يلاقي كل شي موجود وملي نكمل المصلوح للقوامج والسراول(معلومة مهههههههههمة جدا جدا جدا السراول ماعمرك تحطي المصلوح مباشرة عليهم دائما ديري منديل فازg بما نقي وعاد تصلحي من فوق منو وكل ماينشف الالمنديل فزgيه وعصريه ونشريه على السروال وصلحي باش ماديرش المصلوح لطراص) فاش نكمل نبدى نرجع لحوايج لبلاصتهم من الفوق وانا هابطة
انا دايرة لي ولبنتي 4مجورة في ماريواتنا ولولدي 2 مجورة مجر لتقاشر والسليبات والكاصكيطات ومجر للاغراض الاخرى
لبنتي مجر لستيانات وواحد لسليبات وواحد لشيلان وصماطي التاgاشط واحد لتقاشر
ونفس الشي لمجورتي واحد لسليبات واحد لستيانات واحد لتقاشر وزيوف الحمام وواحد للفوط الصحية

وللكوزينات دايرة مجورة للزيوف لماعن ومجر لسرابت وفي كوزينة السطاح زايدة مجر للgرارص ديال الخبز وفي بيت الصابون حاطة فوطات لسطااح ولحمام بيوت النعاس
وفي بيت النعاس عندي غرفة خاصة للفراش وفيها واحد الطبلة كانحط عليها الفوطات والنابات وايزور النعاس وجويا ديال لمخاد ولكل شخص حاطة ايزار ديال النعاس رزرف الى كان الصهد ولا بغا غير يتجبد ماكان لاش يفتح فراش الناموسية
راه باين على ناموسيتي في الصورة اللي في الموضوع السابق محطوط جنب بيجامتي ملوي بحال السيgار
وبيت لفراش كانسدو بالساروت باش ماترجعش فوضة وكل واحد يجبد على كيفو
وفوطات الحمام انا كانمشي لعند مول ثوب الفاطي كانشري لكل شخص لون ديال الفوطات وكانعبر 1 مترو ونصف حتى لمترو و80 لكل شخص باش يلويها وتشيط وتسترو مزياان وكانعطيها للخياط يكف لجناب ودير لهم الستان وهذو خاصين للحمام البلدي ونحطهم بعد كل صابون في سيكان الحمام ديال كل واحد مع اغراضو وهكا كل واحد متهمي مايقيس حد الكيس ديالو ووفين مابغا يمشي للحمام مايحتاج يجمع كل شي واجد غير يجمع حوايجو وهاهو واجد

يـــ تــ بـــ ع

ماريوات الكوزينة كانفرش فيهم لابلاستيك وندير عليه الجورنال باش الى لا قدر الله حطيت شي حاجة فيها الماء يتشربها الجورنال والميكة ماتخليهاش تدوز لتحت
كانفرق ماعن الكوزينة على حسب الاستعمال
بين البوطة ولافابو كاندير العطرية في مجر مع البريكة وساروت البوطة وسوارت الدار والثومة ولمجر التحت كاندير السرابت لاني كانحتاجهم بزااف ولمجر الاخير كاندير فيه زيوف لماعن وطورشونات الفران ولماعن السخان
وتحت لافابو كاندير الزيت الرومية والبلدية (كانشد قراعي ديال 1لتر كاندير فيهم الزيت الرومية ووحدة للبلدية ولكل حاجة كانشريها في بيدو اكثر من لتر باش مانضيع الزيت لان البيدو لكبير ديال 5 لتر او 2 كايخوي بزااف )ووحدة لجافيل وحدة لسانيكروا ووحدة للخل والبيكاربونات والما ووحدة للمسك والخل لبيض واما وقطيرات عطر ومانقربهم لبعض قراعي التنظيف يمين والزيت يسار وكانشد واحد السطيلة صغيرة كاندير فيها سكر اتاي مهرس طروفة صغار ونحطها مع الحليب غبرة ولقراعي ديال الما كانعمرهم بالماء وندخلهم تحت لافابو باش الى
حتجت لهم نلقاهم كانمرق بيهم مرات شي حد يبغي يشرب ومايبغيش الماء من الثلاجة ومرات يتقطع الماء
وكاندير بالة وشطابة صغيرة وكل مرة ستعملتهم كانغسلهم ونشفهم
وكانشد قرعة 1 لتر كاندير ثلث جافيل ف+ 2 ثلثين ماء ونتقبها وحدة نحطها في الكوزنة وللحمامات كانشد قراعي ديال صابون زوينات وندير فيهم نفس المقادير ونحطهم في كل حمام .عملية اقتصادية ونفس الوثت ك باصة فيها جافي دياها ومرتبة

يتبع