ستكون هذه ظ…ط´ط§ط±ظƒطھظٹ في مسابقة ط§ظ„طھط¬ظ‡ظٹط²ط§طھ ط§ظ„ط±ظ…ط¶ط§ظ†ظٹط© هذه اول مرة نشارك فشي مسابقة و هاذا اول رمضان ليا فداري ان شاء الله غييير قبلو عليا ختكم مبتدئة هههه ان شاء الله غادي نبدا بالتنظيف و الترتيب / كترت الهضرة سمحوليا غانبدا بترتيب الكوزينة و غانصور ليكم كووووووولشي ماما شرف والأنيقات خليكم معايا راني تالفة و خايفة من المسابقة و من رمضان وتوجادو حيت ماما بعيدة عليا 
تجهيزاتي التنضيفية: الماريو ديال الكوزينة يالاه جبناه مسحتو وعطرتو و ستفت فيه ماعن ضياف واخا المجموعة مازال قليلة قبلو عليا غسلت لبلاكار لي تحت البوطاجي وقسمتو بطبيلة باش نربح البلاصة وستفت فيه الماعن لي كانحتاج و غسلت المجورة و رتبتهم وغسلت الحيوط و وغسلت البلاكار دالحيط و ستفت فيه ماعن الضياف وغسلت القراعي دالعطرية وستفت كل حاجة فبلاصتها و نظفت الرخامة دالبوطاجي وستفت عليها الالات الكهربائية اما الكويزينيير ماغسلتوش حيت جديد هو و الثلاجة رتبت البلاصة لي كنحط فيها الماكينة دصابون وخرجت من الكوزينة خليتها كاتشعل 
وشريت للالة البوطة كسيوة جديدة بمناسب حلول الشهر الفضيل 
هاهي ملي لبساتها واتتها ياك ههههه 
دخلت لبيت الجلاس مسحت الحيوط و عطرتهم و مسحت السرجم و القنات و نظفت الارضية و عطرتها و فرشت الزربية و بقات مفرشة بوحدها يوم و ليلة ههههه بيما جاب لي مول الفراش سدادر و تلامط عاد فرشتها حيت راني يالاه رحلت لداري كنت مع ناسي اما الصالة د الضياف راها مازال كاتصفر قالي مول لفراش حتال سيمانا الاولى من رمضان عاد توجد كنت باغا نصورها لكن قدر الله و ما شاء فعل 
تجهيزاتي المطبخية: بالنسبة للتجميد فرغم اننا فمدينة ساحلية و السمك موجود لكن قلت نخبي شوية لدواير زمان ههههه و مطيشة رانا عاد زدت طحنت كميات اخرين و درتهم فالتلاجة هادي لي فصورة غير دفعة الاولى هي و الربيع حيت كل سوق كانجيب كمية للاستهلاك و كمية للتخزين هههه و الجلبانة و اللوبية للشلايض و الطويجنات لحم القرش كايعجبني نوجدو فالقطبان كوربينة مقطعة للطاجين كوربينة صاينة للفران بوزروك ممم كانحماق عليه 
درت الشنيك و البطبوط صغير وجمدتهم و درت هاد الغريبة حيت كاتعجب راجلي و قالي بغاها فرمضان ههه وبان لي غايساليها قبل مايوصل رمضان و نعاود ندير وحدة اخرى هاد الحريشات دلفران كايعجبوه فالسحور غادي نديرهم قبل رمضان بيومين باش يبقاو مزيانين غير درتهم دابا باش نشارك بيهم حيت غادي نعاود نديرهم الى سالات المسابقة ههه 
اما السفوف وما ادراك ما سفوف عرفت بحق ماما الحبيبة هههه غسلت الزنجلان و شمستو ونقيتو و نقيت حبة حلاوة و النافع و حمرت كاوكاو و قليت اللوز المهم وجدت كوووولشي وجمعتو اما بالنسبة للشباكية فأمي غاتكلف بيها الله يخليها ليا حيت حصلات لي ظروف ماخلات ليا لا الوقت و لا الجهد باش نزيد نوجد حوايج اخرين الحمد لله 
وهادو بعض الحوايج المهمين عند راجلي فالسحور الزميطة و هادا الدقيق ديالها جانا من البلاد و شرينا العسل الحر و التمر مجفف و مطحون كانساين عكوزتي تصايب اركان باش نمشي نعاونها و نصاوب معاها ديالي 
و فالاخير بغيت نقول ليكم عواشر مبروكة تقبل الله منا و منكم صالح الاعمال و رمضان مبارك اسال الله ان يبارك لنا فيه و يعيننا على صيامه و قيامه ايمانا و احتسابا 
و هديتي ليك ماما شرف و المشرفات والإداريات على و الانيقات كااالملات هاد السربيس باش يزينو موائدهم الرمضانية
lahv;jd flshfrm hgj[id.hj hgvlqhkdm gskm 2024
الف مبروك وتبارك الله عليك
مبروك اختي تقرير ممتاز عطاك الله الف صحة
بارك الله فيكن حبيباتي شرفني مروركن
المشاركة الأصلية كتبت بواسطة ماما شرف 
ماما شرف شكرا و الف شكر على مجهوداتك جزاك الله خيرا و جعلها في ميزان حسناتك دابا زعمت نشارك فالمسابقات و ان شاء الله ساكون من السباقات دائما في المشاركة
تبرك الله عليك كلشي هوة هداك ههههه
المشاركة الأصلية كتبت بواسطة عطر الله تبرك الله عليك كلشي هوة هداك ههههه الله يبارك فيك احبيبة