أجيو نتبادلو الأفكار ونستافدو منها

كيف مذكور في العنوان كل وحدة دخلت للموضوع تحط فكرة أو أفكار سواء في التنظيف أو الديكور أو تزيين الحدائق والبلكونات أو………..أو……..أو.
أختي سواء فكرة من النت أو فكرتك الشخصية أفيدي بها الأخوات

هيا ليكن هذا الموضوع أكثر نشاط وهمة فلا تبخلو بأي فكرة وخا كتبان لك بسيطة ومعروفة راه كاين للي غتبان ليه مهمة وأول مرة يتعرف عليها

---

H[d, kjfh]g, hgHt;hv ,ksjht], lkih

إلى كحال ليك لبراد من داخل ديري فيه شوية د جفيل ولما ودريه اطيب واغلى من بعد تفي عليه شلليه غادي اولي بيض

حتى نشارككم بأفكاري فين ما نتفكر شي حاجة نقولها. أنا كنستعمل الخل فالتنضيف كتاار من الماكلة: كنخلطو مع صابون أواني تقريبا النص بالنص منها كنقتصد على الصابون منها كينقيلي أواني كتر. كنمسح بيه البوطاجي قطيرات وندوز بالخرقة مسيحة كيولي كيلمع ونقي

أختي واش الخل الأبيض أو العادي؟

السلام عليكم اختي خدي 2الخميرة ديال الحلوة وعمليها في البراد وزيد الماء حتى الفوق وعمليه يتبغ جدددددددد رائع جربوه ومغتندموش ودعاو مع بنت بشفاء

حتى انا غنشارك معاكم بواحد الفكرة هي الي تفكرت دابا ملي كنبغي نقلي الحوت كناخد طرف ديال بابي المنيوم و كنحطو فوق بوطاجي و كندير فيه الدقيق و كنمرمد و نقلي و ملي نسالي نجمع البابي نطويه و ديركت للزبل حاشاكم و هانا تهنيت

سلام عليكم حتى انا بغيت نشارككم ببعض الافكار بالنسبة للطواليت اعزكم الله كنخلط مقدار ديال جافيل و نصف المقدار ديال سانيكروا و كانزيد نصف كاس ديال بيكاربونات الصودا ونزيد الماء كانخلط مزياااان و نديرو ف بخاخات كل حمام فيه بخاخ و فوطة صغيرة راه كايديرو غير 5 دراهم فالصباح كانرش منو ف لافابو ونمسح وكنمسح الخارج ديال لا شاس و كنرش منو فلا شاس و ندوز شيتة غير بالخف و في الاخر كانرش فالرض و غييير كانجفف الحمام كايولي كايشعل و معقم
منها مكانعدبش راسي بالحكان كل نهار منها كانقتصد على الماء و مواد التنضيف

فكرة رائعة الله يجازيك بيخير انا ماكانحملش دقيق لي كايتخلط مع الماء دلحوت يلسق لي فالطبسيل