عفاكوم منين نبدا التخمال

السلام عليكم، كيف الأحوال نتمنى تكونو بخير بغيت المساعدة ديالكم، شفت الجو مشمس قلت ندربها بتخميلة للدار معرفتش ظ…ظ†ظٹظ† ظ†ط¨ط¯ط§ عندي كوزينة وما أدراك الكوزينة فيها 2 بلاكارات ديال الحديد فيهم الماعن 2 مجورة تهما فيهم الماعن ـ كل مرة كنشري وقتما خرجت ـ تحت الكوزينة فيه بلاستيك +ألمنيوم. بيت النعاس+بيت الجلاس+بيت ولدي+سيجور مفرش أحاطة فيه طابلة مونجي+طواليت+دوش ـأعزكم الله ـ كل واحد بوحدو،صالون ديال الضياف مغديش نخملو باقي جديد ههه بغيتكوم تقتارحو عليا ظ…ظ†ظٹظ† ظ†ط¨ط¯ط§ ط§ظ„طھط®ظ…ط§ظ„ . شكــــــــــرا بزا

uth;,l lkdk kf]h hgjolhg

معرفت ما نقول ليك غي بداي منين ما بديتي المهم ديري كل نهار شوي تتسالي الله يعاونك واهم نصيحة متبقايش تشري الماعن بزااف شري غا الضروري فقط راكي تتزيدي لراسك غا الخدمة وكترة الغسيل وكترة الربوج الله المعين

السلام عليكم بداي أختي بيت النعاس ثم بيت ولدك وبيت الجلاس كل واحد عطيه نهار والمراح ثم الطواليت والدوش راه ساهلين تقدري ديريهم فنهار واحد الصباح المراح والعشية الطواليت والدوش ثم الكوزينة وما أدراك ما الكوزينة كل نهار جبدي بلاكار وقاديه على حقو وطريقو حتى تهناي عليه عاد دوزي للقنت لاخور ونصيحة محدك كتخملي نقصي عليك الماعن تاع الضياف لويهم فبلاستيك غذائي وحطيهم بعاد عليك وحتى دياول الإستعمال العادي نقصي منهم شوية متخليش كلشي قريب ليك قد ماقدرتي تخبي تبقا ليك الدنيا نقية

كل نهار خصصيه لواحد البيت،والكوزينة كل نهار خملي فيها شوية باش ماتعيايش ،ومن الاحسن سبقي الاماكن لي قدرو اجيوك فيهم الضياف الله يعاونك على تخمالك

منين مابديتي مزيان غير انا الكوزينة دائما كانخليها الاخيرة حيث فيها تمارة ونبغي نخملها على خاطري والى بغيتي بداي ببيت الكلاس مسحي لحيوط بسانيكروا ومسحي السدادر وجفي تحتهم صبني الطلامط والباقي التلفزة والديكورات مسحيهم باجاكس وخلي البيت واقفة النهار كامل باش يتهواو الماطلات وغدا ليه سيري لبيت الدراري صبني لفراش ولباقي بحال بيت الجلوس وطوي الماريو من بعد سيري لبيت النعاس نفس الموال والى كنت تقدري غيري مكان الماريو والناموسية باش يتبدل شوي الديكور من بعد سيري للصالون ومين تساليه مسحي لحيوط والديكورات لي فالكولوارات وسيري للحماحم وتبقى الكوزينة عطيها الخاطر وربي عوينك