السلام عليكم ورحمة الله تعالى وبركاته
أولا أريد أن أقدم امتناني وحبي في الله إلى الغالية قرة عين زوجها الأم الحنون التي لم تبخل علينا بكل مايمكن أن تحتاجه المرأة لبيتها والتي تعلمت منها الكثير
كذلك أنوه بالموضوع الأخير لأم يحيى التي أعطتنا فكرة جميلة عن فن التويل في بيوتنا وهو مايميز كل واحدة في بيتها ومنها أخدت فكرة موضوعي الدي أريد اقتراحه عليكمالآن
وحبي الكبير للأخت حنان أرفود صديقتي الجديدة من منتدانا الغالي الذي علم كل واحدة منا كيف تصبح اجتماعية ومتعاونة ومنفتحة على الآخر ولكل الأخوات
المهم ندخل في الموضوع لي فكرتو خديتها من أم يحيى لأنها هي اقترحات تاويل المنزل وطبعا هذا المنزل دائما نستقبل فيه ضيوف من جميع الفئات العمرية والناس الكبار خصوصا عندهم معايير كثيرة باش يحسوا أنهم مرحب بهم خصوصا إلى كانو عائلة راجلك منها بالدرجة الأولى نظافة منزلك ثم طبخك وجودته بالإضافة إلىكيفية استقبالك لهم وهذا هو موضوعي لي بغيت تفاعل الكل معايا فيه باش نكونو متفوقات في جميع المستويات ولي جا عندنا يمشي فرحان وباغي يرجع مرة أخرى من إحساسه بترحيبنا له يعني: تاويل ط§ط³طھظ‚ط¨ط§ظ„ ط§ظ„ط¶ظٹظˆظپ أو الزوار من البداية إلى توديعهم حيت شي مرات كنبقاو غير في الكوزينة مهما الاستعدادات القبلية أوكنجمعو الطابلة بطريقة كتضرب لييك الحداكة كلها في 0 تعمري الطابلة من كثرة ما وجدتي حتى كيحسبوها بيان ماشي ترحيب والفرق هو في عرض الطعام……..والكثير لي أنا كان كيجيني عادي ولكن الناس عندهم هذاك هو واش تقدي على الضياف أو لالا
بلا شك هذي نقطة مهمة لازم نوقفوا عندها ونفصلوها على غرار التاويل في المنزل باش نتأقلموا مع كل المناسبات عرس خطوبة نفاس طهارة زيارات…….خصوصا ليبعيدة على دارهم وخاصها كلشي تعرف ليه بوحدها
الله يوفقنا ونتمنى نلقى منكم كامل التفاعل راه حتى أنا هازة الهم وماعارفة ماندير
وسامحوني طولت عليكم
jh,dg hsjrfhg hgqd,t lk hgHgt Ygn hgdhx hgphg
شكرا موضوع رائع كنتمنى التفاعل باش نستفدوا
والله المعين
الصراحة اقتراح ممتاز وانا مع الاخت حياة في تنظيم مراحل الضيافة وتبعاتها وكنقترح الى سمحتيلي نتطفل على الموضوع ديالك المرحلة الاولى لي هي التقضية ديال العرضة لانها خاصها تكون واجدة بنهار قبل باش منترونوش ونبداو خارجين داخلين ولي عودة ان شاء الله
ولكن واش بحال أم يحيى آش جاب لجاب أنا راني بحالكم ماعارفة ماندير فشاتني ماما حتى شبعات عاد أنا موظفة ياله مكافية مع الدار وكنتعلم منكم
وحياة17 فكرتها صائبة 101في100 لي قدرات تبدى تقول بسم الله وتاخذنا معاها المهم كلنا نقولو آش بان لينا أوكيفاش كنديرو ونصحو لبعضياتنا ماكانش أنا غادي نمشي نسول الناس الكبار ونرد عليكم فقط نطرحوا أسئلتكم بالتدريج ونبداو : مثلا
-قبل دخول الضياف الخطوات الأخيرة لي تسهل مأمورية استقبالهم
-طريقة الاستقبال حسب نوع الضيوفواشنو الحوار لي ممكن ربة البيت تفتحوا باش يكونوا الناس مطلوقين على راحتهم
-كيفاش نتسخر عليهم
-آشنو نحط في الأول وآشنو نحط في التالي حسب نوع العراضة
-واش كاينة شي مدة بين الحطة والحطة أولا داك الشي متابع بحال كندير أنا؟
-كيفاش تنظيم الطابلة بذوق ودون مبالغة
-كيفاش جميع الطابلة
-طريقة غسيل اليدين في الطاس بالنسبة لي كتكون مربكة أحيانا
-شكون عندو الأولوية واش غسيل الماعن أولا الجلوس مع الضياف
-ماهي الأحاديث التي تباشرها ربة البيت مع ضيوفها أثناء وبعد الوجبات
-ماهي الإضافات الممكنة للعراضة البلدية والعراضة العصرية؟
إيوا هاد الشي لي جاني دابة في راسي قولو لي رأيكم واقترحاتكم ونحط وا برنامج باتفاق نبداو فيه كل نقطة بوحدها على حسب نوع العراضة وعدد الأشخاص.ماننساش نشكر كل الأخوات لي شاركوني هذا الموضوع الله يوفقنا كاملين ونتعلموا هذا التاويل مالو بغا يغلبنا
شكرا ليكم بزاف حاسة براسي قريبة نولي حادكة معتمدة على نفسها دون الرجوع لأمها في كل صغيرة وكبيرة