يثبت الموضوع من طرف faty bel
11.09.2019
بقلاوة بالكاوكاو
4 كيسان كبار دقيق
ربع كاس زبدة دايبة
القليل من الفاني
ملح
ماء زهر + ماء عادي لجمع العجينة
الطريقة
ناخد الدقيق ونزيد عليك الفاني وقبصة الملح ونبسبسو بالزبدة الدايبة تولي الخليط مرمل
من بعد نضيف ماء الزهر جهد نص كاس ديال العنبة نجمع بالماء يكون بارد
كتكون العجينة قاصحة شوية كندلكها مزيان تترطاب ونخليها ترتاح ربع ساعة
من بعد نقسمها 12 كرة متساوية ونغطيهم ببلاستيكة ونخليهم يتراحو نصف ساعة
الحشوة
3 كيسان كبار كاوكاو محمر ومنقي ومقلي ومن بعد مهرمش
كاس عنبة سكر كلاصي
نص معلقة قرفة
وماء الزهر
نجمع الخليط بماء الزهر ولكن بلا ميولي عجين لازم يبقى ناشف غير شوية
ناخد الكرة الولى من العجين نطلقها رقيق بالمدلك وضروري نديرو النشاء في هاد العملية
كل مرة نورقو نرشو النشاء
نزل الورقة الاولى فلاطة مدهونة من بعد ندهنها مزيان بالزبدة
ونورق الكرة التانية مزيان ونزلها فوق الورقة الثانية وندهن مزيان بالزبدة الدايبة
نكمل نفس اعملية تنوصل للكرة السادسة نزلها في اللاطة وبلا مندهنها
ندير فوقها الحشوة ونبسطها باليد تم نزل فوقها ورقة اخرى من العجين ونكمل نفس العملية تنوصل للطبقة الاخيرة
ونخليها بلا دهن
من بعد نبرك على العجين باليد باش تتبت لينا مع الحشوة
تم ناخد مسطرة ونبدا نقطع مربعات متساوية بسكون تكون ماضية
ونزينها بوريدات ونتبتهم بنصف كاوكاوة
تم نعاود نسقي بالزبدة مزيان
وندخلها تطيب على فرن يكون على درجة الحرارة 170 ونبقاو نراقبوها تتطيب
وفنفس الوقت نكونو موجدين عسل سخون مخفف بماء الزهر
وبمجرد متطيب الحلوة نسقوها مزيان بالعسل ونرجعها للفران ونخلوها فيه تتبرد
من الاحسن تبقى حتى اليوم الثاني عاد تتقطع ونزلها في كويغطات ونقدمها بالف صحة
frgh,m fhg;h,;h,
الله يعطيك الصحة حلوة رائعة
احسن تقييم
تم التقييم و الثتبيت حبيبتي