شوفوا الحليوات الي وجدت للعيد تفضلو يا أنيقاتي

مرحبا بيكم و عيدكم مبارك سعيد بالصحة و الراحة و طول العمر …المهم هادو شكيلات الحلوى الي ظˆط¬ط¯طھ ظ„ظ„ط¹ظٹط¯ نتمنى يعجبوكم مقادير الغريبة باللوز كيلو ديال اللوز مسلوق و منقي و مطحون مع نصف كيلو سكر سنيدة 200 غ رقائق اللوز -معلقة كبيرة قشرة الحامض محكوكة 6 البيضات -2 خمارات نصف معلقة مسكة حرة مدقوقة – 2 معالق كبار ماء الزهر معلقة كبيرة زبدة نضيف المسكة و الزبدة و قشرة الحامض و ماء الزهر و الخمارات للعقدة و نخدموها مزيان ثم نضيف 4 اصفر البيض و 2 بيضات كاملين و نعجنها مزيانانا النصف ديال العقدة ضفت ليه الكاكاو.. ثم نشكل غريبات متوسطين ندوز لها وجهها من ابيض البيض و رقائق اللوز ثم ندخله للفرن منين نخرجها ندهنها بالناباج و بالصحة و الراحة الشكل التاني وجدته بعجينة الصابلي الي كنت سجلتها من هنا في المنتدى شحال هذا و معقلتش شكون مولاتها كنشكرها بزااااف ..المهم المقادير -4 بيضات -زلافة الزيت -زلافة سكر سنيدة -خمارة -1 فاني -1 زبدة لذة -الدقيق حسب الخليط…انا درت غير النصف ديال المقادير باش نغلب عليها راني غير مبتدئة هههههههههه….صافي نخلط المقادير و كنشكلها كيف بغيت و كيف كتشوفو النصف درت فيه الكاكاو و زوقته بالشكلاط الاسود و الابيض و التاني خليته عادي و دوزتها من الكونفيتير منسم بالزهر و الكاوكاو مهروش و زوقتها بخطوط الشكلاط