فقيقصاتي الحلوين و المالحين بمناسبة عاشوراء

السلام عليكم و رحمة الله تعالى و بركاته

عواشركم مبروكة البنات نتمى تكونو كلكم على خير

هادو ظپظ‚ظٹظ‚طµط§طھظٹ ساهلين ماهلين

فقاص مالح بالفرماج احمر و لافاش كيري

رابعة زبدة لينة
8 فرماجات لافاش كيري
150 غ فرماج احمر محكوك
الملح تقريبا معلقة
نصف كيلو فورص

جمعت كل المقادير و حربلتهم حرابل لويتهم فبلاستيك و دخلتهم للفريكو حتى جمدو و خرجتهم خليتهم شويية باش ملي نجي نقطعهم ما يتهرسوش و بديت كنقطعهم على شكل دوائر عراض شوية و حطيتهم فاللاطة و رشيت عليهم الفرماج احمر محكوك و ممكن نستغناو عليه و دخلتهم للفران على نار مهيلة

فقيقصات صغار بالزنجلان و النافع

رابعة زبدة مذوبة
3 البيضات
زلافة زيت
زلافة سنيدة
زلافة فينو
2 فاني
2 خمارات حمرين
شوية خميرة العجين
قريصة دالملح
النافع و الزنجلان
كيلو فورص
شوية الماء للعجن

خلطت كلشي و بديت نزيد الماء بشوية و كنعجن حتى بان ليا غنقدر نحربلو و هديت من الماء و حربلتو و بديت نقطعو بالمقص نيشان فاللاطة و دخلتهم للفران على نار مهيلة

فقاص حار

نصف كيلو فورص
رابعة زبدة لينة
2 بيضات
1 خمارة حمراء
معلقة صغيرة ابزار
معلقة صغيرة تحميرة
معلقة صغيرة هريسة ( انا هنا درت غير الحرور غبرة )
معلقة كبيرة معدنوس
بصلة صغيرة محكوكة
ضامة كنور بكري (انا هنا درت معلقة موطارد )
شوية الملح

خلطت جميع المقادير و خرجتهم في البوق راني حطيت صورته (و الاغلبية كندلكو بالدلاك و نقطعو بقطيطعات صغار ) و كندخلهم للفرن على نار مهيلة

6 البيضات
كاس عنبة نيدو او ساشي صغير
زلافة زيت
زلافة سنيدة
3 الخمارات حمرين
2 فاني
نافع و زنجلان اختياري ( انا ما درتهمش )
الدقيق حسب الخليط
قريصة دالملح

خلطت جميع المقادير و تكون العجينة ما قاصحة ما جارية و خرجتو فالبوق المسنن كله و عملتو فاللاطة و دخلتو للفرن على نار مهيلة

و هنا فصورة جماعية ههه

trdrwhjd hgpg,dk , hglhgpdk flkhsfm uha,vhx