فقـــاص المُجمـــد من مطبخي وبالصور

1كيلو من الدقيق
4 بيضات
300 غرام من الزبدة ديال العبار
300 غرام سكر كلاصي
200 غرام من اللوز مقطع رقيق
200 غرام من الزبيب مقطع كذلك رقيق
1 خمارة حمرا

:الطريقة:

اول من بداو بيه هو نخدمو الزبدة خاصها تكون بدرجة حرارة الغرفة والسكر كلاصي

حتى يوليو بحال لكريم

ثم نضيف البيض، ونحرك جيدا

نضيف الزبيب واللوز

نخلطوهم مزيان

ثم الدقيق

خاصنا نكونو مغربلينو من قبل

ونجمعو العجينة مندلكوهاش بزاف حيت كلما دلكناها كلما غتسيح وتزيديلها الدقيق

ونجمعوها في ورق السولوفان

نقطعو منها كريصاك

ونديروهم حرابل يكون رقاق ماشي غلاض بحال الفقاص العادي

ونستفوهم في شي بلاطومن بعد مندهنوه بالزيت
استعملي شي بلاطو يكون متوسط الحجم باش يدخليك في المجمد

نخليوهم شي 2 سوايع او ليلة كاملة الا صوبتهم في الليل ومكانش عندك الوقت
المهم الا كلسو في المجمد مدة طويلة مكيوقع ليهم والو

منين تشوفيهم جمدو تبقاي تخرجي واحد بواحد باش ميذوبوش ويجيوك ساهلين في التقطاع
حتى تسالي من واحد عاد خرجي الثاني
استعملي سكين حاد في التقطاع وقطعي على شكل دويورات
متنسايش انه فيه الخمارة لهذا متغلضيش بزاف

ثم نستفوهم في اللاطة

وندخلوهم للفرن
هما دغيا كيطيبو متغفليش عليهم الا بغيتيهم ميتحمروش بزاااف

أبــــــــــــي كيعجبو هاد الفقاس مڭرمل لهذا كنحمر نصف وكنخلي النصف الاخر بيض شويا