حلوياتي لعيد الاضحى

اوا كيف جاوكم

غادي نحط لكم دابا العجينة باش درت هاد جوج اشكال

هي نفس العجينة عجنتها وقسمتها على 2
وخرجت منها 2 اشكال

حلوة التمر
(مقاديري الخاصة)

1/4 كيلو (رابعة) زبدة بونا
2 كؤوس سكر كلاصي
2 كؤوس زيت
1 فاني
2 بيضات
1 ياغورت حلو انا درت كريمي ديال الفريز جا المذاق هــــــــــــــائل
الدقيق حسب الخليط
ربع كيلو ديال عجين التمر
كركاع مهرمش
ماء الزهر
سكر كلاصي للتزيين
(هاد الحلوة بدون خميرة)

الطريقة
اولا ناخد التمر نعجنوه مع شويا ديال الكركاع مهرمش وقطرات من ماء زهر ونديروه كويرات صغار بزاف
ناخد الزبدة نضعها في اناء مع 2 كؤوس سكر كلاصي والفاني ونبدا نخدمها بالاصابع حتى ترجع بحال الكريما ثم نضيف عليها الزيت ونستمر في الخلط ثم نضيف البيض والياغورت ونخدمها حتى تمتزج وتصبح على شكل كريما ثم نضيف الدقيق شيئا فشيئا الى ان نحصل على عجين متماسك
ثم نبدا نعمل كويرات صغار وندير وسطهم كويرات ديال التمر ونديرهم في الطابع الى ان انهي كل العجين..انا خدمت بجوج طوابع واحد بحال الغريبة منقوش والاخر بحال السنبلة
وندخلها الفرن الساخن على نار مهيلة الى ان تنضج واخرجها مباشرة اصب فوقها سكر كلاصي في اناء لكي يلتصق بها .