جبتلكوم الغريبة المنقوشة و لكن بشكل جديد

17/08/2019

بما اننا فايام العواشر و الكل كيقلب عالجديد فالحلويات
جبتلكوم الغربة المنقوشة و لكن بشكل جديد
الموضوع قديم لكن حبيت نفيدكم بفكرة جديدة
اتفضلوا مرحبا بيكم

الغريبة المنقوشة

المقادير

رابعة الزبدة

كاس زيت

2كاس سكر

2بيضات

ملعقة صغيرة خميرة الحلوى

زلافة مخلطة من زنجلان محمر و مهرمش
لوز محمر بالفرن و مهرمش

و زبيب مقطع صغيير جدا

من 3 الى 4 كيسان كبار دقيق او هي و ما رفدت

نخدموا السكر و الزيت و الزبدة جيدا لل الحصول على خليط كريمي

و نضيف البيض و خليط المكسرات

و نمزج الكل

ثم الخميرة و الدقيق شوي شوي حتي الحصول على عجينة متجانسة

نشكلها كريات من حجم صفار بيضة و نزينها بالقالب فحال الصورة و لا تنسو وضع القالب قبلا بالدقيق

نضغط بالايد و كنحاول نلفها بالاصابع مع الضغط الخفيف حتى تتشكل لدينا اسطوانة منقوشة
و بواسطة عود او ملعقة خشب او حتى قلم نظيف نعمل ثقب بالوسط و تزين بالفواكه المعسلة

هدي بننتي هي الي كتعلم

ترسل للفرن من 10 ل 15 د الغريبة حتى تحمر على خفيف
خليوهاتبرد شوي بالصبنية قبل ما تحيدوها لانها هشيييشة و رطبة و كتدوب بالفم
وبصحتكوم و راحتكوم
ممكن تزينوا بسكر غبرة

نسيت نقوليكوم ان الصينية كتدهن بزيت و ترش بدقيق