حلوى زوينة/اقتصادية من مطبخي بالمراحل المصورة

تبث في 12/04/2019
bent bladi

السلام عليكم ورحمة الله وبركاته

هاد الحلوى عاد صوبتها هاد العشية، خديتها من واحد الكتاب وصدقاتلي غزالة، وقلت نشاركها مع الحبيبات ديالي باش نشجعكوم وديروها.. راها ساهلة ماهلة واقتصادية.

هذا هو الشكل ديالها.. باش نشهيكوم فيها 🙂 🙂

: المقادير:

430غ من الفورص
300غ من الزبدة (انا درت الزبدة ديال العبار)
2 اصفر البيض
150غ ديال سنيدة

: للتزيين:
خنيشة ديال الفاني
زلافة دسنيدة
100غ من الشكلاط الاسود ( او 10 مربعات)

وفيما يلي : الطريقة :

انا استعملي كصعة كنفضلها على الايناء، المهم في الاول خدمت الزبدة والسنيدة مزيان حتى رجعات بحال الكريمة.

من بعد اضفت صفار البيض

وخلطت مزيان

وعاد اضفت الفورص ودلكت العجينة حتى رجعات متماسكة.

يتبــــع...

جمعت العجينة ودرتها في بلاستيكة باش تبقى محافظة علي شكلها.

وبديت كناخد طريفات صغار وكنخدمهوم بيدي وعطيتهم شكل هلاليات كما في الصورة:

من بعد فندتهوم في السنيدة للي خلطتها مع الخنيشة دفاني (خصك تفنديهم غي من الوجه باش مايلصقوش في اللاطة).

وستفتهوم في اللاطة للي غدخل للفرن.

خليتهم طابو لمدة 20 دقيقة.

دوبت الشكلاط في حمام مريم ودرتو في بلاستيكة وثقبتها ثقيبة صغيرة من الجنب.
منين خرجتهوم من الفران وهما سخونين زوقتهوم بالشريطات رقاق

جا المنظر ديالهم غزال والمذاق حتى هو.. المهم كلشي تما.

نتمنى تجربوها.. متنساونيش من صالح الدعاء

اختكن شــماســــي [3>]

l’fod hglw,vm fhglvhpg pg,n .,dkm or hrjwh]dm

عزيزتي * douniamahaba* شكرا على المرور الطيب الله يسعدك دنيا وآخرة
الشروق

machaa lah 3liiiiiiiiiiik okhti kaychihiwa fanin 3ajboni ghadi njarabhom wanhathom f9issm assafat mojaraba domti biwad okhtiiiiiii
merciiiiiiiiiiii bqp

تبارك الله عليك اختي

الله اعطيك الصحة

حبيباتي * om fati * salma08 *
نورتن صفحتـــي
جزاكن الله كل خيرا
الشروق

مممممممممممممممم تبارك الله عليك اختي
باينة عليها لذيذة وحتى المقادير اقتصادية وفالمتناول غير اللي مابغاشي يعدلا وصافي
بارك الله فيك اختي والله يعطيك الصحة

راااااااااااائعة تبارك الله عليك

تبارك الله عليك اختي
لا تحرمينا من جديدك

السلام عليكم ورحمة الله وبركاته
تبارك الله عليك شماسي
حلوى رائعة……تم تقيم الموضوع

الله يعطيك منويتي فخاطرك
تبارك الله غزالة وساهلة

حلوى زوينة/اقتصادية من مطبخي بالمراحل المصورة

اترك تعليقاً إلغاء الرد