السلام عليكم ورحمة الله وبركاته
2-23-2019
هاد الحلوى معروفة من زمان والبوي المغربية كيعرفوها مزيان ولكن قليل اللي كتصدق لو حيت غالب الاحيان كتجي قاسحة ماشي هشيشة والى بغيتيها ترطاب كتبقاي تستناي واحد المدة طويلة باش عاد ترطاب شوية وهكدا كتكون غادي تسالى
المهم هاد الحلوى انا جربتها مرات عديدة حتى صدقات لي وتعرفت على السر اديالها باش تجي رطبة وهشيشة وكدوب ظپط§ظ„ظپظ… من اول نهار ديريها فيه والحمد لله انا كاع ما تخطا داري ديما موجودة عندي واللي كلاها عندي كيحماق علي ويطلب مني المقادير
هاد الاسبوع طلبني عليها لوسي وانا نقول مع راسي نصورها لاخواتي حتا هما يجربوها ونعطيهم اسرارها بتش تجي هشية
نبدداو بالمقادير
انا كندير 6 بيضات + غرفية ونص زيت + غرفية ونص سنيدة + غرفية ونص او 2 غرفيات نواد كوكو حسب الدوق( كاين لي ميعجبوش نواد كوكو بزاف) + 2 خمارات حمراء + دقيق حسب الخليط وهدا اول سر فهاد الوصفة بحيث انها مخاصهاش تجي قاسحة بزاف ضيفي الدقيق غير على مابان لك انها كتجمع وتقدري ديري منها ظƒط±ظٹط§طھ يعني تقريبا واحد 3 غرفيات دقيق وعينك مزانك
بالنسبة للتزيين غادي نحتاجو كونفتير المذاق اللي بغيتي انا كندير كونفتير بنكهة المشمش + نواد كوكو+ كاس ماء زهر
كندوزو للطريقة وكل شي موضح فالصور
اخر حاجة كنضيفو الدقيق والخميرة
هنا من بعد ما تجمعت لنا العجينة شوفو كيفاش كتجي رطبة
من بعد نديرولها بابي سولفيليزي او اي حاجة المهم نغطيوها ونخليوها ترتاح واحد 10 دقايق وهدا ايضا سر من اسرار نجاح هاد الحلوى
من بعد غادي نشكلو كويرات صغيرة من يدينا ونحطوها فالصينية اللي غادي ندخلوها للفران حجم الكرة لازم ما يكونش كبير لانها غادي تكبر بوحدها حنت فيها الخمارة وحاولو تبعدو بين كل كرة وكرة باش ما يلصقش بحال هكدا
وهنا ملي كنخرجوها من الفرن غير ما تغفلوش عليها حيت دغيا كطيب
من بعد ما كطيب الحلوى اديالنا كنخليوها تبرد مزيان انا كنديرها الصباح وكنخليها حتى لليل عاد نكملها لفينيسيون هههههههه
الهم ناتي لاهم سر باش تنجح لك هاد الحلوى
كناخد كاسرونة ندير فيها كونفتير قرعة صغير او نصف قرعة كبيرة نزيد عليها ماء زهر كاس او نصف قرعة ماء زهر وكنحرك الخليط حتى يغلى ويتجانس الكونفتير وماء الزهر
كنخليه يبرد غير شوية يعني خاصو يكون دافئ ماشي بارد ونبدا نحط فيها الحلوى اللي خرجنا من الفران ونخليها شوية ترطاب فداك الخليط عاد نبدا نجمع كل وحدة مع اختها بالخليط اللي هي مغمسة فيه ثم نحطها فالكوك نلفها فيه ونطها فشيء بواط خاصة بالحلوى ها هي الحلوى اديالنا واجدة غير كملاحظة ما تخليش الكريات بزااف فالخليط اديال الكونفتير وما زهر باش ما يتفرتتش لك
وها هي الصور توضح الفكرة وغير سمحولي راه الصني الاول شد لي فيه الحرق شوية ما عيني للطياب ماعيني للعجينة ماعيني للغدا الراجل داخل ههههههههههه
وها هو الشكل النهائي بالصحة والراحة
اوا ما تنساونيش بشي دعوة ديال الخير
;vdhj hgeg[ boule de neige ;j`,f thgtl lk l’fod
احسن تقييم من عندي
ينقل الى قسمه
