حلوياتي لعيد الفطر ان شاء الله

2024/08/18

السلام عليكم ورحمة ط§ظ„ظ„ظ‡ وبركاته

انيقاتي عواشركم مباركة بغيت نشارككم ببلاطو ديال الحلوة البسيط اللي وجدت ظ„ط¹ظٹط¯ ط§ظ„ظپط·ط± ط§ظ„ظ„ظ‡ يلحقنا ليه مسلمين ويجعلو فاتحة الافراح ان شاء الله

أول حلوة درت هي ديال كعب غزال ومقاديرها كالتالي

500 غ الطحين+بيضة+نص كاس زبدة دايبة+شوية ملحة+ماء زهر لجمع العجين كانخلطو جميع المقادير وندلكو مزيان العجينة ونغطيوها بالبلاستيك الغدائي ونخليوها ترتاح على بال ماوجدنا العقدة

والعقدة فيها

كيلو لوز +نص كيلو سنيدة+القرفةوالمسكة حرة ونص كاس زبدة دايبة ونص كاس ماء زهر نديرو اللوز ما طايب ونقشروه ونشفوه مزيااان ونطحنوه مع سنيدة ونزيدو الزبدة وماء زهر ونديرو بيه صبيعات ونسرحو العجينة ونشكلو كعب غزال فحال اللي فالصورة

من بعد مانشكلوه كاامل نديروه فطاوة ونغطيوه بشي زيف ونبيتوه حتى للصباح عاد نتكوه بابرة ونطيبوه ففران سخون غير يدهب نخرجوه

الحلوة الثانية حلوةمعمرة بالتمر

مقاديرها 500غ طحين+2 معالق كبار سكر كلاصي+250غ زبدة+دانون فاني نخلطو جميع المقادير بالترتيب وندلكو العجينة مزيان والعقدة ديال التمر فيها 500غ تمر نقيوه ونغسلوه ونبخروه 20دقيقة ومن بعد مايبرد نزيدو عليه معلقة ص قرفة ومعلقة ص زبدة ومعلقة كبيرة جنجلان محمرومعلقة كبيرة ماء زهر ونمزجو المكونات كاملة مزياان حتى تولي عندنا العقدة واجدة وساهلة فالتشكال من بعد نسرحو العجينة ونقطعوها دوائر ونديرو فكل دائرة كويرة من عقدة التمر ونلويو عليها العجين ونطبعوها بالطابع اللي عجبنا فحال اللي كاتوضح الصور من بعد ندخلوها للفرن حتى تطيب مللي نجبدوها ندوزوها فالسكر كلاصي

بقاتليا شوية من العجينة زدتها ملون حمر وخضر عطاني هاد اللون آجوري ههههههه ودرتها على شكل كورني ودخلتها تطيب وعمرتها بالشكلاط بيض واللوز فيلي محمر

وهادي اللي على شكل كرموسة شفتها هنا فالمنتدى درت العجينة ديال كعب الغزال ودرت فيها العقدة ديال التمر

حلوة ديال الكوك بالألوان درت فيها تقريبا زوج زلافات كوك مطحون وخلطتو بنسلي اللي وجدتو فالدار بكاس ديال نيدو+كاس ماء+كاس سنيدة طربتهم فالخلاط ونديرهم فوق عافية مهيلة حتى يعقد وها هو واجد

كانقسم الكوك على 3 وكل جزء ضفتليه ملون وشكلتو حرابل ودرتهم بهاد الشكل اللي فالصورة ومن بعد غطيتو بالشكلاظ دايب فحمام مريم ودخلتو للثلاجة شد راسو وقطعتو

حلوة الكوك والسميدة

فيها 125 كوك مطحون+70غ سميدة رقيقة+70غ سنيدة+معلقة كبيرة ديال الزبدة دايبة+معلقة كبيرة ديال الزيت+2 بيضات+نص خمارة حمرة+قشرة حامضة محكوكة

نخلطو جميع المكونات وندهنو يدينا بما زهر ونشكلو كويرات ونيرو وجههم فالسكر كلاصي وندخلوها للفرن مشعول من الفوق حتى تشقق عاد نشعلو عليها من التحت تطيب

الصابلي

200غ طحين+120غ سنيدة+بيضة+قشرة حامضة محكوكة+100غ زبدة+قبصة ملح+نص خمارة حمرة

نخدمو الزبدة وسنيدة حتى تولي فحا كريمة ونزيدو بيضة عليهم وقشور الحامض والملح و نص خمارة حمرة ونبقاو نزيدو الطحين حتى تجمع العجينة ومن بعد نكلوها كيف بغينا

أنا قسمتها على زوج واحد الجزء زدتليه 2 معالق كبار كاكاو ودرت بيهم هاد الشكيلات