الشباكية من ايدي حنان خـــــاص بــــرمضان كـل عـام وانتم بخير

2كؤوس زبدة ذايبة
1كأس زيت عادي+كأس الزيت العود
شوية الزعفران الحر
شوية المسكة" غير قبيصة باش ماتقصحش لينا الشباكية"
شوية الكوزة"تقريبا نصف وحدة
2معالق كبار نافع وحبة حلاوة مطحونين مزيان ومغربلين"ما تحمروهمش بزاف باش مايتحرقوش ويعطيو مذاق المرورة للشباكية"
2زلايف جلجلان(زلافة جلجلان+زلافة لوز) محمر ومطحون مزيان "من الاحسن نحمروه في الكوكوت لانها مكتحرقش لينا وفي نفس الوقت كيتحمر مزيان وملي نطحموه نغربلوه في غربال رقيق باش مايبقاوش حبيبات يتقبو لينا لابات"
2 اصفر بيض
نفس البيضات اللي استعملنا نعبرو بيهم الخل يعني نثقبوهم غير شوية من الفوق ونعبرو مقدار 2 بيضات ونصف خل"
2كيسان زهر
2كيلو طحين
قبيصة الملح
باكية الخرقوم
ملعقة صغيرة قرفة
ملعقة كبيرة سمن
راس ملعقة صغيرة قرنفل مطحون
تعجن بالماء الدافئ
تبقى العجينة قاصحة تدلك جيدا
نخلطو العناصر الجافة لوحدها
من بعد نضيفو السوائل
تجمع العجينة قاصحة وحنا كندلكو نزيدو رشيشة الماء الدافئ
من بعد ما جمعناعها نخلبوها ترتاح قليلا
نعملو منها منها كويرات صغيرة ونخليوها ترتاح

نسرحوها قليلا بالمدلك ثم ندوزوها في الماكينة
ملي نساليو نسخنو الزيت ورميوها فيه فيما نبغيو رميو نقصو البوطا شوية عاد من بعد رجعوها المستوى اللي كانت فيه
مباشرة من الزيت نرميوها في العسل نسخنوه شوية
ونحطوها تسقطر شوية في شي شبكة وعاد نحطوها في الاناء اللي غنخليوها فيه ونرشوها بجلجلان
نتمنى تعجبكم
إو شي دعوة من لقلب و متبخلوش عليا بردود

---

hgafh;dm lk hd]d pkhk oJJJJJhw fJJJJvlqhk ;Jg uJhl ,hkjl fodv [khk /thg

شكراا على الوصفة وعواشر مبروكة

الله يبارك فيك hanane

جزاك الله خيرا حبيبتي على الوصفة و اللهم بلغنا رمضان
و الله يتقبل منا و منكم صالح الاعمال يا ربي امين
ينقل الى قسمه

شكرا على الوصفة
سؤال؟و واش كتزدق
واش مجربة هاد الشباكية بهاد المقادير ا

تبارك الله عليك

شكراا على الوصفة وعواشر مبروكة

الله يعطيك الصحة

oui rani mjarbaha raha tatsda9

تبارك الله عليك انا هاد المقادير للي كنسعمل من غير القرنفل واش كيعطي مداق مختلف ؟