حلوة غزالة لعيد الفطر من مطبخ سفيرة الأناقة

المهم ندوز للمقادير

-250 غ زبدة
-250 غ سنيدة
-كاس العنبة ديال الزيت
-4 بيضات
-خمارة
-فاني
-قرصة ملح
-طحين الفورص الممتاز مغربل / حسب الخليط
*التزين*
شكلاط اسود
وعقيق الملون يستحسن يكون فلون واحد اي بحال لون النقرة
ورقائق الوز

*الطريقة *

نخلطو مزيان الزبدة وسنيدة حتى تولي بحال كريم خدميها فالقصرية بيديك تتحسي بسنيدة دابت تم نظيفو الزيت والبيض وحدة وحدة ماشي دقة وحدة تضيفي البيض البيضة لي ضفتي حركي بديك وعاد زيدي الاخرى ت الفاني وقريصة الملح و الطحين والخمارة شوفي اختي العجين تكون ماقسحة مامرخفة تكون شادة راسها مع العجين تتجي لينة انا فرشت السولوفا التحت وغطيتها بيه وسرعتها بالدلاك بهاد الشكل

تم بديت نطبع

وشديت الطاوة دهنتها بالزيت غير شوية وسخنت الفران مزيان ودخلتها ليه

حظي معها باش محمرش بزاف تبقى بيضة

وفاش نكملو الطياب ديالها نحطوها فشي طبسيل ونبداو التزين

ناخد الشكلاط ندير وا فحمام مريم وشوية الزيت حتى يدوب ونبدا نغطس غير نصف الحلوة بهاد الشكل

نهزها شوية تسقطر من الشكلاط

ونشد بلاطو ولا طابلة كبيرة وندير ليه سولوفان ونبدا نحط الحليوة ومباشرة التزين نحط 2 بيلات مقاربين شوية ونشد رقائق اللوز نخالفهم بحال لي فالصورة العملية ساهلة

وهاهي وجدة
هالشكل النهائي ديالها

اما *الملاحضات* ضروري منها باش الاخطاء لي وقعنا فيهم حنا تجنبوهم انتما
حداري تقولي ندير شي 3 فالشكلاط عاد نبدا الزواق راه الا نشف شوية الشكلاط ميشدوش دوك البيلات ورقائق اللوز :confused: من الاحسن لي غطستيها زوقيها
بالصحة والراحة
اوى كيف جيتكم انا والقنية ديالي ههه 😮

---

pg,m y.hgm gud] hgt’v lk l’fo stdvm hgHkhrm

أللا تبارك الله عليك مللي درتيها مزيان ما عندما ما نقولو

السلام عليكم ورحمة الله وبركاته سبحانك اللهم وبحمدك ، أشهد أن لا إله إلا أنت أستغفرك وأتوب إليك

تلميدتك اختي امينة والله اختي حتى افتاقدناك غبرتي علينا نزلي لينا الجديد اختي وبرعينا الله يسهل عليك شكرا لك اختي

nadia270 مرورك اسعدني شكرا لك

تبارك الله عليك وعلى الغالية أمينة

المشتاقة الى الفردوس شكرا على المرور والله يبارك فيك وفي الاخت امينة

تبارك الله عليك

تبارك الله عليك