حرشة اخير موديل كتوجد في 10دقيق بالصورة

كف ديرين يا اجمل عضوات في اجمل منتدي
غدي نقدم ليكم انشاء الله شي حوجه جديده كما عودتكم دائما .
وهي طريقة بسيطة لتحضير الحرشة.
من المعرف ان كل وحدة منا عندها طريقة، ولكن بصراحة هد الحرشة اللى غدي نقدم ليكم فيها عدت مزيا ومنها انها كتحضر في وقت قصير جدا وكتجي هشيشة ورطبة
اما المداق
وووووووووووووووو
رائع
المهم انتما اللى غدي تحكمو عليها ماشي انا

كتالي

نصف كيلو سميدة رقيقة
داناب فاني
كيس فاني
كيس خميرة حلوة
كأس الا ربع زبدة دايبة
كأس الا ربع سنيدة
شوية الملح
(كأس العنبة)

اول شيئ كنقصو من السميدة زلافة صغيرة باش نرشو المقلة ومكان اللى غدي نخدمو فيه
ومن بعد كنخلطو كل من سميدة وفاني وخميرة وملح وسنيدة وهما ناشفين بحال في الصورة

ومن بعد كنضيفو الزبدة وداناب

ونخلضو مزيان مزيان جميع العناصرحتى نحصلو على عجين متماسك ورطب فحال اللى في الصورة

وهاكا كنرشو مكان اللى غدي نخدمو فيه بسميدة اللى حتفضن بيها من قبل ونبدو نوضعو في كويرات
بالحجم اللى بغت كل وحدة فيكم ، ونكرصهم ولكن ماشي بزاف ومنوركوش حتى تفتح لينا العجين من جناب
نوركو غير بشوش باش متحلش لينا من جناب ، كما هو ضاهر في الصورة

وهنا لازم تكون مقلة تقيلة ديال لمسمن سخونةمزيان ونرشوها حتى هي بشوش ديال سميدة ونبدو نحملو لقريصات .

بالمعلقة المخصصة بحال اللى في صورة ، ونوضعهم في المقلة فحال هك، ونقصو درجة الحرارة باش ما تحرقوش لينا لكريصات ديلنا.

ومن بعد ما يتحمرو من التحت نقلبوهم باش يتحمرو من جهة لخرة.
وهده هي نتجة النهائية

نتمنى تعجبكم وتجربها
ملاحة ضرورية
( لازم تنقصو من المسيدة زلافة )
(ومباشرة تخلطوها تبدو طيبوها الا تعطلتوكتشرب وكتقصح سميدة وبتالي مكتجيش هشيشة )

وبصحة وراحة


(اللهم اني اسالك نعمة دائمة تفيض بها خيراتك وتتوسع بها ارزاقك وتتضاعف بها بركاتك وتزيد بها افضالك واعوذ بك من ان تزول عني نعمك وتنقص عني خيراتك وتنقطع عني ارزاقك وتنتهي عني بركاتك وتذهب عني افضالك)

pvam hodv l,]dg ;j,[] td 10]rdr>> fhgw,vm 10]rdr l,]dl