أنيقاتي الغزالات عواشركم مبروكة ان شاء لله لله يتقبل منا ومنكم صالح الأعمال
ليوم غادي نقدم ليكم هاد الوصفة كتجي غزالة ان شاء لله تعجبكم مثالية باش نوكلو لوليدات الخضر بلا ميعيقو ههههههههههه
مقادير العجين : زلافة ونص د الطحين + 1 بيضة + 60 غ زبدة + شوية د الملح + شوية ابزار + شوية زعتر + 2 م ك خميرة د الحلوة + 1 دانون لينيا بنكهة الجبن + شوية د الحليب لي يجمع لعجينة
كنخلط لعجينة تترمل شوية ونضيف دانون نخلط شوية ونجمعها بالحليب
منين تتعجن مزيان نخليها ترتاح
فهاد الأثناء كنوجد الحشو كنحتاجو نص فلفة حمرا + نص فلفة خضرا + نص فلفة حمرا + قرعة خضرا محكوكة + 2 جزرات محكوكين + بصلة مشلضة +الكفتة مشحرة مع البصلة
كنعمل البصة تدبال شوية ونضيف الفلفلة وعاد الخضرة الباقية وليبزار وكامون وسكينجبير ومليحة وشوية د القزبور
منين تطيب الخضرة شوية كنضيف عليها شوية د صلصة الطماطم طفيت على الحشوة وخليتها تبرد
طلقت لعجينة وعملتها فالمول كيف واضح
عمرتها بالحشو
وطلقت لعجينة رقيييييييييقة وغطيت بيها ولكن قبل ما غطيت دهنت الحواشي بالبيض باش تلصق وكندوز بالمدلك باش نحيد الزيادات
كنحيدها متبقاش لاصقة فالمول كيف مبين فالصورة
دهنتها بخليط 1 بيضة و م ك صلصة الطماطم و شوية د الزعتر
زوقتها بلعجينة لي بقات
قبل ما ندخلها للفران كنتقبها شوية بإبرا رقيقة باش متنفخش
وها هي واجدة
كنتمنى تنال اعجابكم وتجربوها راها ساهلة ومزيونة ههههههه
دمتم في رعاية لله وإلى لقاء اخر ان شاء لله
;da fhgoqv ,hg;tjm lk l’fod H;ddd] fhgjthwdg hgllgm Hojd a;vh
الله يعطيك الصحة غاليتي ام اسامة
فعلا الاولاد محتاااجين اكل الخضر باي طريقة
الله يعطيك الصحة تم التثبييييت
طبعا الخضر ضرورية لوليداتنا
ونبتكرو طرق باش ياكلها باي طريقة
شكرا مشرفتي الغالية على التثبيت جزاك لله خيرا
امممممممممممممممم كتشهي الحبيبة
احسن تقييم من عندي
المشاركة الأصلية كتبت بواسطة oum hedayah 
امممممممممممممممم كتشهي الحبيبة
احسن تقييم من عندي
لله يبارك فيك مشرفتي الغالية
فعلا كتجي لذيذة ومشهية
شكرا احبيبة على التقييم
لله يجازيك الف خير
المشاركة الأصلية كتبت بواسطة imanita_30 لله يبارك فيك احبيبة وجزاك لله خيرا