الكيش صغار و بيتزات صغار بطريقتي

السلام عليكم و رحمة الله و بركاته,

اهلا بكم اخواتي نتمنى ليكم رمضان مبارك سعيد, انا جيت اليوم و جبت ليكم 2 اشكال ديال المالح تنحبهم بزاف و تنعملهم كتير فى الفطور رمضان , نبداو على بركة الله,
انا هاد المرة استعملت العجين المورق, كانت عندى فى المجمد و نسيت مصورتهاش و لكن غادى نعاود نعملها ان شاء الله و نصورها,
سوف نحتاج للكيش,
العجينة المورقة
شوية صدر دجاج او بيبي مسلوق مع الضامة البنة
و فرماج محكوك
البيشاميل
طريقة عمل البيشاميل
نديرو ملعقة كبيرة من الزبدة فوق النار, حتى تدوب تم نضيف 2 معالق من الطحين الفورص و نحرك جيدا على نار خفيف و نزيد الحليب و نحركو حتى يعقاد البيشاميل الملح و ابزار و شوية الكوزة ممكن الاستغناء عليها,و ها هو جاهز,

ناخد العجين و ندلك و نقطعو دوائر بالكاس الكبير و نعملوهم فى المول و نتكوهم بالفرشاة و نعملو فى كل مول شوية الدجاج , من بعد البيشاميل و فرماج و نضعهم فى الفرن سخن و نخليوهم اتحمرو مزيان اخليكم مع الصور

هدا هو الشكل ديالهم من بعد ما طابو, دبا نبداو فى البيتزات

نعملو نفس الطريقة و لكن نقطعو الدوائر بالكاس صغير, سوف نحتاج الى مطشة الحك مخلطة مع شوية الماء و زيت الزيتون,تونة او ممكن تعملى الى حبيتي, فلفلة مقطعة, بصلة مشلظة, فرماج محكوك , الزيتون.

نقطع بالطابع على شكل نجمة بهدا الشكل

و نضعه فوق البيتزات و نضعهم فى الفرن

هدا هو الشكل ديالهم من بعد ما طابو

و نقدمهم بهدا الشكل نتمنى جربوها و بالصحة و الراحة,

نسيت نقلكم اخواتي انكم ممكن تستعملو العجينة الى تنستعمل دائما فى العجائن ديالي, راه تيجيوا روعة.

hg;da wyhv , fdj.hj f’vdrjd