بتيبان و كرواصة من مطبخي و بالخطوات المصورة .

السلام عليكم أخواتي الحبيبات…كنتمنى أنكم تكونو في أحسن حال … اليوم قررت نشارككم البتيبان و الكرواصة اللي كاندير و حاولت نصور ليكم جميع الخطوات تقريبا و كنتمى يعجبوكم و تجربوهم .. لأنو أنا عييت مانجرب في الوصفات و لكن مرة يصدق مرة مايصدقش.. هاد الوصفة راه كتنجحلي 100 ف 100 و هي اللي و ليت معتامدة من شحال هادي و بغيت نشكر زوجة عمي هي عطاتهالي .. الله يجازيها ألف خير المهم بالنسبة للمقادير : 2 زلايف د الفورص ممسوحين مغربلين .. خميرة معجونة معلقة كبيرة أو أكتر (على حسب الجو) .. 1 خمارة حمرا .. 3 معالق زيت .. شوية الملح .. 6 معالق سكر أو أكتر (حسب الدوق ديال كل و حدة) و كاس إلا ربع ديال الحليب و الماء باش نجمعو العجين .. و الزبدة للتوريق تقريبا 1/4 كغ و طريفات الشكلاط للحشو كنوضعو الدقيق فالقصعة و كنضيفو جميع المقادير و كنجمعو بالماء…ثم كنخليوه يخمر مدة ساعة أو أكترو فاش كنقطعوهوم كنخليوه عاوتاني يخمرو فاللاطة دالفران و كندهنوهوم بالبيض و عاد كنطيبوهوم و البقية مشروحة في الصور هنا فاش وجدو هنا من الداخل أما بالنسبة للكرواصة .. بالسلامة و ماتنساونيش من التعاليق ديالكم و الدعيوات ديالكم