خبز بالقمح الكامل من مطبخي وبالتفصيل الممل وبالصور

كنجمعو العجينة وندلكوها مزياان (إلا كنتي مفقوصة يكون أحسن باش تخرج مدلوكة هههههههه) من بعد نعملوها في طاوة ونبداو يإضافة الماء و نجمعوها حتى تشرب ونزيدو الماء حتى تولي كيف خبز الشفنج كما في الصورة

من بعد نخليوها تخمر كلما خليتيها كلما مزيان

مني تخمر نكون موجدين زلافة فيها الما وزلافة فيها القمح وبلاصة اللي نكرصو فيها تكون مرشوشة بالقمح

إوا نبداو نفزكو إيدينا و نديرو قياس الخبزات اللي بغينا (أنا عملتهم صغار) تيبقاو مزيانين

من بعد نكرصوهم ونتركم يخمرو في هديك الأتناء نكونو سخنا الفران مني يخمر الخبز نرميو الخبز الجيهة التحتانية منهم العافية من الفوق(كما في الصورة)

مني طيبو من ديك الجهة نقلبوهم للجهة الأخرى(راه تيطيب بالزربة) وهادا هو السر اللي كيخلي الخبز رطب و كيبقى مدة أطول مكينشفش من الوسط
وهاهو مني طاب

وهاد الخبزة باقة سخووووونة لأول واحدة تشرف موضوعي