الشهدة بحشوة ماحلة رااائعة

السلام عليكم حبيباتي , نتمنى تكونو بالف خير و صحة و سلامة
اليوم بغيت نشارككم شهيدة لي درت جات ط±ط§ط§ط§ط¦ط¹ط© و بنينة , على بركة الله نبداو بالمقادير و الطريقة
انا اول حاجة بديت بها هي الحشوة درت فيها : فلفة , بصلة , ثومة , زويتة بلدية و درتهوم يتشحرو

من بعد ما تشحرو ضفتليهم صوص طوماط , ملح , و ابزار

خليتهم فوق العافية 3 دقايق و طفيت عليهم و طفت ابيض مسلوق و محكوك فالجهة الغليضة و الطون و الزيتون مقطع

و هالحشوة واجدة

ندوزو دبا العجينة درت فيها : رابعة دقيق , م.ك سكر , 2 م.ك حليب غبرة { انا مكنش عندي مدرتوش } , 2 م.ك زيت عادية , 1 م.ص خميرة الخبز , و الملح , الماء دافي باش نجمعو العجين

جمعت العجينة و دلكتها مزيان و تكون عجينة لينة وخليتها ترتاح 15 د

شكلت منها كويرات صغار

و طلقت كل كويرة و حطيت شويش ديال الحشوة فالوسط وجمعت العجينة على شكل كورة وستفتها فمول مدهون و كل كويرة درتها بجنب الاخرى فحال لي فالصورة

هنا فين كملت كل الكويرات و خليتهم يخمرو { على فكرة شاطلي شويش ديال العجين و قلت نخليه حتى ندير به بيتزا }

من بعد ما خمرات ط§ظ„ط´ظ‡ط¯ط© دهنتها بصفار البيض مخلط بشويش ديال الحليب و رشيت بالجنجلان و دخلتها الفران على عافية متوسطة حتى تحمرات و خرجتها

و هنا من بعد ما خرجتها من الفران

شكلها النهائي

البنات الحشوة ممكن ديرو اي حشوة كتفضلوها , و المقادير عينكم ميزانكم
نتمنى من الله شهيدة ديالي تنال اعجابكم في امان الله

hgai]m fpa,m lhpgm vhhhzum lh]lj