اجي تشوفي كرواصة الوريده او الكرواصه الحلزونية من مطبخي

اليوم جبت ليكم ظƒط±ظˆط§طµط© ط§ظ„ظˆط±ظٹط¯ظ‡ او كرواصه حلزونية من كوزينتي

يمكن كلكم كتعرفوها
وانا حبيت نوريكم وريدتي و لا ببوشتي كيف جات و عطيوني رأيكم
هههههه
بالحق نتمنى تجربوها

يالاه نخليكم مع المقادير و الصور

لمقادير العجين كنحتاجو :

-نص كيلو دقيق
-معيلقة كبيرة من خميرة الخبز
-شوية الملح
-معيلقة صغيرة خميرة الحلوى
-2 معالق كبار سنيدة (ممكن الاستغناء عنها)
-1دانون صغير ديال 1درهم او ربع حك اي نوع دانون انا كنعوضو بربع كاس اللبن
-ناخدو نفس قياس دانون من الزيت يعني ربع كاس
-ماء دافي لجمع العجين

الطريقة :

1-تعجن جميع المقادير و ندلكوها مزيااااااااااااااااان حتى تبدا تطرطق و تكون العجينه رطبه
ونخليوها تخمر لمدة ساعه اما الى كثرتي من خميرة الدار فنص ساعة كافيه

2-من بعد ما خمرات نسرحوها بالمدلك و ندهنوها بجوج معالق الزبده المهم عينك ميزانك حتى تغطى كامله و نطويوها و نطلقوها ثاني بالمدلك بحال طريقة العجين المورق ثم نجمعو اطرافها مره اخرى و ندهنوها مره ثانية و نكرر نفس العمليه مفهوووووووووووم يا شطوراااااات

-2معالق كبار دقيق
-4 معالق كبار سنيده
-3 معالق بدرة الكاكاو او شكلاط غبره ديال الحليب (كولاكاو ولا كاوبيل)(احيانا كنستعمل كولاكاو ولكن في هاذ الحاله نقصو من كمية السنيده حيت كيكون الشكلاط حلو)
-ربع كاس عنبة حليب (ممكن نحتاج اكثر الى جانا الخليط عاقد فهمتوني)
-معلقة ديال الزبدة
-بياض بيضه

الطريقة :

-نخلطو بياض البيض مع السكر مع الدقيق و نخليوهم على جنب
-ثم نديرو الحليب و الشكلاط في كاسرونة على عافيه مهيله ملي يغلي الحليب نضيفو عليه الخليط الاول ديال البيض و الدقيق و السكر و يدنا متهداش من التحراك بالطراب اليدوي باش الخليط ميديرش الكويرات
-غير يبدا يعقاد الخليط نزولوه من فوق العافيه
و نضيفولو الزبده و الى جانا الخليط عاقد نضيفو الحليب كيف سبق وقلت ليكم