صباحكم مبارك الحبيبات
ان شاء الله تكونو بخير
طبق ط§ظ„ط¹طµظٹط¯ط© طبعا كتعرفوه ساهل ماهل و في اقل من 10 دقائق كيوجد
مغذي و صحي بزاف و شخصيا كيعجني
زمان كان طبق رئيسي فالطاولة المغربية
لكن اليوم قليل للي كيقدمو للاسف هملناه
ممكن متكونوش كتصنفوه كطبق رئيسي
لكن بالنسبة لي هو طبق اساسي و رئيسي و كيشبــــاع و كيليق لكل الاوقات
هاد الصباح مكانش عندي الخبز فالدار للفطور
فوجدت ط§ظ„ط¹طµظٹط¯ط© البلدية بزيت ارڭان و فطرنا بيها فالحين
ممكن توجدوه فالعشاء او ط§ظ„ظپط·ظˆط± او كاسكروط لما مكيكونش عندكم متحطو
او كيدير الجوع شرع يديه هههه و كتكونو مزروبات
اوى بلا منزيد عليكم البلا بلا كيف العادة (الطبع يغلب التطبع ههه)
نخليكم مع المقادير و الطريقة
بلبولة الشعير
ملح
ماء
زيت ارڭان او زبدة او زيت زيتون حسب المتوفر
ولـــــى اسهل
فكسرونة كنعملو البلبولة مع ضعفين حجمها من الماء
يعني لو عملتو كاس بلبولة زيدو عليها 2 كيسان ماء
مع الملح (القياس للي كيعجبكم)
انا كتعجبني ناقصة ملح باش نحس بالحلاوة ديال الشعير مع زيت ارڭان
كتعملو الكسرونة فوق عافية متوسطة و تحركو مرة مرة
لما تتشرب البلبولة كل الماء و تطيب نحركوها مزينا و نطفيو عليها
و نقدموها سخونة فطبق التقديم مع اي إدام عندكم
انا قدمتها مع زيت ارڭان و بريريد ديال اتاي منعنع
و بالصحة و الراحة
قولو بسم الله
ملاحظة :
ممكن تعملو ط§ظ„ط¹طµظٹط¯ط© بعدة انواع من الحبوب شعير ذرة قمح …
حسب المتوفر
و كلها كتجي لذيذة و كتعمل بنفس الطريقة
كاين بعض النواحي فالجنوب كيقدموها باملو و العسل
و كتدار بحال سيكوك مع اللبن
و كاين للي كيسقيها بالسمن او زيت العود او الزبدة بلدية
و فبلادنا هي الطبق الاول للي كيعملو فراس السنة الهجرية
كيوجدوها و يسقيوها بارڭان و العسل
و يخبيو فيها (لوزة، فنيدة، ڭرڭاعة، حمصة كاكاوة ،ارڭانة…..)
و انتى كتاكل لما كتلقى شي من الاشياء للي مخبية فيها
كيكون فاتحة العام الهجري هههه
غير تقليد و شي كيفرح لوليدات الصغار و كيزرع البسمة فالكبار
اللهم ادمها نعمة و بارك لنا فيها و اكتب لي بها حسنة ترضاها و اجعل فيها الصحة و العافية
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتن في رعاية الكريم
اختكن أمنــار
أم ريـَّــان
وعليكم السلام ورحمة الله وبركاته
‘fr lyvfd jrgd]d ;d,[] t]rhzr gguahx h, hgt’,v hg;hs;v,’ (hguwd]m) hguwd]m
المشاركة الأصلية كتبت بواسطة siabisil 
المشاركة الأصلية كتبت بواسطة أم سندس
حنا في الشمال كانسميوها دشيشة وبالريفية- إوزان-
وهي من الاطباق المفضلة عندي وكانديرها بزيت الزيتون كاتجي رااائعة
وكما قلتي ممكن تدار مفورة مع اللبن تاهي كاتبرد على القلب
تبارك الله عليك
المشاركة الأصلية كتبت بواسطة امة الله1988 حنا في الشمال كانسميوها دشيشة وبالريفية- إوزان-
وهي من الاطباق المفضلة عندي وكانديرها بزيت الزيتون كاتجي رااائعة
وكما قلتي ممكن تدار مفورة مع اللبن تاهي كاتبرد على القلب
تبارك الله عليك
الله يبارك فيك احبيبة
بالشلحة كنقولو للعصيدة = تڭلا
و للبلبولة = إبرين
حتى فجنوب المغرب كيسميو لبلبولة الدشيشة
هنا كزا و النواحي كنسميوها البلبولة
فعلا العصيدة كتقدم بعدة طرق مع اللبن
ماشي مفورة انما هاكا معصدة
وكتخلط باللبن او بالحليب او الرايب
(ملي كنفوروها كتكون بحال الكسكس اما مسڭية بالخضر او مع اللبن سيكوك)
و كتسقى بالسمن (أودي بالشلحة)
او بالزبدة بلدية او الزيت العود او ارڭان
اي شي درتي معاها كتجي بنينة
و كاين مناطق كيسقيهوا باملو و بالعسل
بارك الله فيكن جميعا حبيباتي
كل باسمها
ردودكن فرحاتني
الله يفرح قلوبكم
و يجزاكم عني خيرات الدارين
على دعواتكن الطيبة ياطيبات
الله لا يحرمني منكن