24/02/2019
بغيت نشاركم بهاد الديسير لي عجبني بزاف فالمداق ديالو ولكن اول مرة شريتو معرفتش الطريقة ديالو لانو مكتوب بالاسبانية حتى شرحي لي راجلي عاد باش فهمت الطريقة وهد الديسير سميتوla cuajada ونتمنى لي مجربتوش تجربو
والباكية ديالو فيها 5ساشيات وكتدير 15درهم مع انو فالناظور خديتو غير10 دراهم
وغنحتاجو لها الديسير ل500ml حليب كنقسموه على حصتين 250mlكنخلطو معاها ساشي ديال cuajadaو250ml ديروها فوق البوطة حتى تغلى عاد نزيدو عليها الخليط الاول ولكن خصنا نوقفو حداه ونبداو نحركو فيه مزيان حيت الا خليناه كيتحرق
ونخليوه حتى يغلى ونحيدوه من فوق البوطة ونخليوه شوية ونردوه فوق االبوطة باش يغلى تاني عد نفرغوه في القوالب الخاصة وندخلوه للثلاجة بعدما نكون غطيناه
ملحوظةٍ:ساشي وحدة ل نصف لتر حليب وانا كنضيف 2معالق سكر
la cuajada
المشاركة الأصلية كتبت بواسطة romaysati 
شكرا لمشرفتنا الانيقة لهلا يخطيك وطبعا مادام كتشجعونا غنحاولو ديما نديرو الجديد
المشاركة الأصلية كتبت بواسطة nadoria2019 شكرا اختي على النصيحة وغانجربو بالقشدة الطرية ونرد عليك الخبار و عندي ليك سؤال الا ممكن واش نخلطو القشدة والحليب
نصف لتر حليب+نصف لتر قشدة+ 2 ساشي كراخادو + سكر حسب الذوق * وممكن تضاعفي المقادير *
الطريقه
اولا كتخلطي محتوى الاكياس مع السكرفزلافة
ثانيا فطنجره كتخوي الحليب والقشده وديريهم فوق النار ومنين يبان لك بدا يدفا زيدي عليه كواخادا مع التحريك المستمر على نار مهيلة حتى يبان صافي هو هداك وخويه فالمول ودخليه للتلاجة يبرد مزيان كيجي قابط راسو بحال الطارط وبالصحة
القشدة بالاسبانية هي nata يمكن راجلك ما فهمهاش
المشاركة الأصلية كتبت بواسطة nadoria2019 نصف لتر حليب+نصف لتر قشدة+ 2 ساشي كراخادو + سكر حسب الذوق * وممكن تضاعفي المقادير *
الطريقه
اولا كتخلطي محتوى الاكياس مع السكرفزلافة
ثانيا فطنجره كتخوي الحليب والقشده وديريهم فوق النار ومنين يبان لك بدا يدفا زيدي عليه كواخادا مع التحريك المستمر على نار مهيلة حتى يبان صافي هو هداك وخويه فالمول ودخليه للتلاجة يبرد مزيان كيجي قابط راسو بحال الطارط وبالصحة
القشدة بالاسبانية هي nata يمكن راجلك ما فهمهاش
لهلا يخطيك الحبيبة على المعلومات القيمة ولكن راه طريقة الاستعمال ماداكرينش القشدة دايرين غير un vaso con 250ML de leche caliente otros 250ml de leche en un cazo
يعني غير الحليب ولكن غاتجي بالقشدة اكثر لدة يمكن وانا فاتلي درتها بحال تارت ودرت فوقها الشوكولا جات روعة